რევმატოლოგია
მეცნიერებმა ართრიტით დაზიანებულ სახსარში ხრტილის აღმდგენი პრეპარატი შექმნეს
მეცნიერებმა ართრიტით დაზიანებულ სახსარში ხრტილის აღმდგენი პრეპარატი შექმნეს
სამხრეთ კალიფორნიის უნივერსიტეტის მეცნიერებმა ფართომასშტაბური კლინიკური კვლევების საფუძველზე გაარკვიეს, რომ RCGD 423 მოლეკულა განაპირობებს ართრიტით დაზიანებული ხრტილოვანი ქსოვილის ზრდასა და დიფერენცირებს. გარდა ამისა, შესწავლილი შენაერთი აფერხებს ანთებით პროცესს, რაც ასე მნიშვნელოვანია ართრიტის, როგორც პათოლოგიის მიმდინარეობისას.

აღნიშნული მოლეკულისა და სხვა შენაერთების საფუძველზე მეცნიერებმა ახალი პრეპარატი შექმნეს. ეს უკანასკნელი (როგორც სპეციალისტები აცხადებენ) არა მხოლოდ აფერხებს არასასურველი სიმპტომების გამოვლენას, არამედ დაზიანებული ქსოვილის აღდგენასაც განაპირობებს. ახალი პრეპარატის დახმარებით ადამიანები შეიძლება ოპერაციას აცდნენ.

მღრღნელებზე ჩატარებულმა ექსპერიმენტებმა ეს დასკვნები უკვე გაამაყარა - დაზიანებული ხრტილოვანი ქსოვილი ცხოველებთან სწრაფად
განიცდიდა აღდგენას. ახლო მომავალში კვლევა ადამიანთა მონაწილეობითაც იგეგმება. მკვლევარებს აინტერესებთ, რამდენად ეფექტური იქნება მედიკამენტი ოსტეოპოროზითა და რევმატოიდული ართრიტით დაავადებულ პაციენტებთან. მეცნიერები იმასაც აღნიშნავენ, რომ პრეპარატი არ კურნავს დაავადებას, თუმცა, ეფექტურად აფერხებს პათოლოგიურ პროცესს, ამას კი დიდი შედეგები ეფუძნება.

თინათინ გოცაძე