რუბრიკები
ოჯახის მკურნალი
კითხვა-პასუხი
პოდაგრა - ხაფანგი გურმანებისთვის
პოდაგრა - ხაფანგი გურმანებისთვის

ჩემს მეუღლეს კარგა ხანია პოდაგრა აქვს (ასე დაუდგინა ექიმმა). ხშირად ემართება შეტევა. გარდა ამისა, აღმოაჩნდა კენჭები თირკმელში. ესეც პოდაგრის გამოა? ეგებ თქვენი ჟურნალის მეშვეობით მოგვაწოდოთ ინფორმაცია ამ დაავადების შესახებ - ვის ემართება უმეტესად, რა იწვევს და როგორ მკურნალობენ.


რა არის პოდაგრა?
პოდაგრა, ანუ ნიკრისის ქარი, ჩვენში საკმაოდ გავრცელებული დაავადებაა. მიუხედავად ამისა, მოსახლეობის ცოდნა მის შესახებ ხშირად მხოლოდ ფეხის პირველი თითის სახსრის დაზიანებითა და ტკივილით შემოიფარგლება.

მართლაც, ამ დაავადებისთვის დამახასიათებელია ქვედა კიდურების სახსართა უპირატესი დაზიანება და ამაზე მეტყველებს თავად სახელწოდება “პოდაგრაც”, რომელიც ბერძნულიდან მომდინარეობს და ქართულად “ფეხის ხაფანგს” ნიშნავს. მაგრამ პოდაგრამ სხვა, გაცილებით მძიმე დაზიანებებიც შეიძლება გამოიწვიოს: როგორც სხვა სახსრებისა, ისე შინაგანი ორგანოებისა, განსაკუთრებით კი თირკმელებისა, - რაც საფუძვლიან მკურნალობას მოითხოვს. პოდაგრა ორგანიზმის ზოგადი დაავადებაა, რომელიც ვითარდება გენეტიკური განწყობითა და ალიმენტური ფაქტორებით განპირობებული პურინული ცვლის დარღვევის გამო. ამას თან ახლავს ორგანიზმში შარდმჟავა ნაერთების მნიშვნელოვანი მატება და სხვადასხვა ქსოვილში ჩალაგება. დაავადებისთვის დამახასიათებელია ჰიპერურიკემია (სისხლის შრატში შარდმჟავას კონცენტრაციის მატება) და სახსრებში შარდმჟავა მარილების (კრისტალური ურატების) ჩალაგება, რასაც სახსრების რეაქტიული ანთება ახლავს თან, ასევე - შინაგანი ორგანოების, განსაკუთრებით კი თირკმელებისა და სისხლძარღვოვანი სისტემის დაზიანება.


გენეტიკა და კვება
გენეტიკური განწყობა ზოგიერთი ფერმენტის ცვლის დარღვევით მჟღავნდება, რაც, თავის მხრივ, პურინების სინთეზის მკვეთრ გაძლიერებას იწვევს. პოდაგრის დროს ფერხდება თირკმელებით შარდმჟავას გამოყოფა, რაც იწვევს სისხლში მისი რაოდენობის მომატებას - ჰიპერურიკემიას. კვების თავისებურებები გულისხმობს პურინების, ცხიმებისა და ნახშირწყლების შემცველი საკვებისა და ალკოჰოლის გადაჭარბებულ მოხმარებას. არანაკლებ მნიშვნელოვანია პოდაგრის განვითარებაში მაღალკალორიული კვებისა და დაბალი ფიზიკური აქტივობის როლი.


გავრცელება, ასაკი და სქესი
ევროპასა და აშშ-ში გავრცელებულ დაავადებებს შორის პოდაგრის წილად მოდის 0,01-0,3%, სხვა რევმატულ დაავადებებს შორის კი მისი ხვედრითი წილი 2-5%-ია. დაავადება უმთავრესად (ასიდან დაახლოებით 98 შემთხვევაში) 30-40 წლის მამაკაცებში გვხვდება. ქალებში პოდაგრა იშვიათია და შესაძლოა განვითარდეს მხოლოდ კლიმაქსურ პერიოდში.


სად ლაგდება ურატები?
ჰიპერურიკემიის შედეგად შესაძლოა მოხდეს კრისტალური ურატების ჩალაგება შემაერთებელ ქსოვილში, სინოვიურ გარსში, მყესში, ხრტილში, ძვლის სახსროვან ნაწილში, თვალის სკლერაში, თირკმელების ინტერსტიციულ შრეში, სისხლძარღვებში. ეს იწვევს მწვავე პოდაგრულ ართრიტს და მრავლობითი კვანძის - ე.წ ტოფუსების - განვითარებას.


მწვავე პოდაგრული ართრიტი
მწვავე პოდაგრული ართრიტი უმეტესად შუახნის მამაკაცებს ემართებათ უეცრად, თითქმის უმიზეზოდ, თუმცა არსებობს შეტევის რისკფაქტორები:

  • საკვები და ალკოჰოლური სასმელები;
  • ტრავმა;
  • ფიზიკური გადაღლა;
  • ნერვულ-ემოციური დატვირთვა;
  • გაციება;
  • ქირურგიული ჩარევა;
  • ცხოვრების წესის შეცვლა (აქტიური ცხოვრებიდან პასიურზე გადასვლა ან პირიქით);
  • სხვადასხვა ინფექციური დაავადება;
  • ალერგიული რეაქცია;
  • სამკურნალო პრეპარატები (კოფეინი, თეობრომინი, დიურეტინი, ეუფილინი, ვიტამინები, შარდმდენები, სულფანილამიდები, ღვიძლის ექსტრაქტები და ა.შ.), ხანგრძლივი სტეროიდული თერაპია ან სტეროიდების უეცარი შეწყვეტა.

ხშირად რამდენიმე ფაქტორი ერთმანეთს ერწყმის. მწვავე პოდაგრული ართრიტის კლინიკა, განსაკუთრებით - მისი პირველი შეტევა, იმდენადაა დამახასიათებელი დაავადებისთვის, რომ პოდაგრის ერთ-ერთ დიაგნოსტიკურ კრიტერიუმად არის მიჩნეული. პოდაგრის პირველი შეტევა უმეტესად ფეხის ცერა თითის სახსრის ანთებით იწყება, იშვიათად - ფეხის სხვა თითებისა, კოჭ-წვივისა, მუხლისა, კიდევ უფრო იშვიათად - სხივ-მაჯისა, იდაყვისა, ხელის მტევნისა, მენჯ-ბარძაყისა და

You must have Flash Player installed in order to see this player.
სხვა სახსრებისა. როგორც წესი, ვითარდება ერთი სახსრის ანთება, თუმცა არც პოლიართრიტია გამორიცხული. პოდაგრულ ართრიტს ლოკალიზაციის მხრივ გარკვეული კანონზომიერება ახასიათებს: ზედა კიდურების სახსრებზე ხშირად ქვედა კიდურებისა ზიანდება, მსხვილ სახსრებზე ხშირად - წვრილი.


პოდაგრული ართრიტის შეტევა
შეტევა ვითარდება უეცრად, უმეტესად ღამით. ავადმყოფს აღვიძებს ფეხის ცერა თითის არეში ძლიერი ტკივილი. სახსარი სწრაფად (რამდენიმე საათში) სივდება, კანი ჰიპერემიულია, დაჭიმული და მბზინავი. ხშირად გაფართოებული ვენებიც კი მოჩანს. შესივებული ქსოვილები მკვრივია. ადგილობრივი ტემპერატურა მომატებულია, ამ სახსარში ყოველგვარი მოძრაობა მკვეთრად მტკივნეულია. ასეთი ძლიერი ტკივილი არ იცის არც ერთმა ართროლოგიურმა დაავადებამ. ჩვეულებრივ, კრიზი გრძელდება რამდენიმე საათიდან 10-12 დღემდე და თანდათანობით (ერთ-ორ კვირაში) ცხრება. ამის პარალელურად ქრება შეშუპება და სახსრის ფუნქცია მთლიანად აღდგება. ავადმყოფს ჰგონია, გამოჯანმრთელდა, მაგრამ გარკვეული ხნის შემდეგ შეტევა მეორდება. მისი სიხშირე და ინტენსივობა ინდივიდუალურია.


პერიოდულობა
ზოგიერთს სახსროვანი კრიზი უმეორდება წელიწადში ერთხელ ან ორჯერ, ტკივილი არ არის ძლიერი და შრომისუნარიანობას დიდი ხნით არ აქვეითებს, ზოგს კი ძლიერი და ხშირი შეტევები აქვს, რაც ადრეულ ინვალიდობას იწვევს. თუ პირველი რამდენიმე შეტევა უპირატესად აზიანებს ტერფის პირველი თითის წინატერფფალანგთაშუა სახსარს, მომდევნო შეტევები უკვე სხვა სახსრების დაზიანებას იწვევს. თუ დაავადების დასაწყისში ძირითადად ერთი სახსრის ანთებასთან გვაქვს საქმე, შემდგომ პოდაგრის მწვავე შეტევა ერთდროულად ორი ან რამდენიმე სახსრის დაზიანებით მიმდინარეობს. შეტევებს შორის ავადმყოფების უმრავლესობა არაფერს უჩივის.




თარიღი : 22-03-2017
თინათინ
ბატონო ნუგზარ, აპითერაპია პოდაგრის მკურნალობისთვის თითქმის პანაცეაა... თუ დაინტერესდებით, დამიკავშირდით ტელ: 599183470 . პატივისცემით, აპითერაპევტი თინათინ გელხვიიძე.
თარიღი : 18-05-2015
ნუგზარი წულუკიძე
გასაგებია რომ ზალიან ცუდი ავადმყოფობაა, მე მაქვს დიდი ხანია თითქმის ყველგან ვარ ნამყოი საზგვარ გეთაც. ამ ავადტოფობას მართლაც უნდა დიეტა ოგონდ არუნდა დაარგვიო და თუ კაგად იქნები არუნდა ჩატვალო რო ისე რო კარგად ხარ და ცოტა დიეტას დაარგვევ, დაივიცყე ყველანაირი ალკოგოლური დასალევი, ყველანაირი გაზიანი ტკბილი დასალევი, ტკბილი კომპოტები, ყავა ნამცხვრები, სიგარეტი, დანარჩენი ჭამე და არავიტარ შემტხვევაში არ იშიმშილო დალიე რამდენსაც შეზლებ წყალი კარგია ჭყარო ჭყალის დალევა დგეში 2 ან 3 ლიტრი, ეს შეყავადს მოგცემს აუცილებლად და რა მორჩენას, თუ არ დაიცავ შედეგი ზაან ზაან ცუდი იქნება, ასეთი დიეტა მთელი ცხოვრება უნდა გაინაგზოს, ს ა ნ ა მ არ გამოიგონებენ ამ ცამალს ან გამოგონებული არის და ვერიშოვის კაცი სადმე, ესაა და ეს გაიხარე
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
როგორც გატყობინებდით, 2017 წლის 25 აპრილს უეცრად გარდაიცვალა აკადემიკოსი რეზო გაგუა. დიდია ბატონი რეზოს დამსახურება ქართული მედიცინის წინაშე. 
მეტი სიცილი პარტნიორებს შორის რომანტიკულ ურთიერთობას გაამყრებს. კანზასის უნივერსიტეტის თანამშრომლების მიერ ჩატარებული კვლევით, სპეციალისტებმა შეისწავლეს იუმორის გრძნობის როლი პარტნიორებს შორის ურთიერთობაში. მკვლევარები მივიდნენ იმ დასკვნამდე, რომ პარტნიორებს იუმორის გრძნობა მსგავსი უნდა ჰქონდეთ.
ამერიკული კრიმინალური დრამა "გაბოროტებული" (Breaking Bad) 2008 წლიდან დღემდე ერთ-ერთი ყველაზე პოპულარული და მაღალრეიტინგული სერიალის პოზიციას არ თმობს. გთავაზობთ სერიალის შესახებ საინტერესო ფაქტების მეორე ნაწილს:
ამ კატეგორიის სხვა სტატიები
ბევრს სირბილი არ შეუძლია სახსრებთან დაკავშირებული პრობლემების გამო, ან იმის შიშით, რომ სახსრები შეაწუხებს. მეცნიერებმა ექსპერიმენტული კვლევით დაადგინეს, რომ რეგულარული სირბილი არა მარტო ზოგადად ჯანმრთელობისთვის, არამედ სახსრებისთვისაც სასარგებლოა.
ომეგა-3-ით მდიდარი თევზის ქონისა და ასპირინის კომბინაცია ართრიტთან ბრძოლის მაქსიმალურად ეფექტურ გადაწყვეტილებად აღიარეს.
ბავშვები ხშირად ამბობენ, რომ სტკივათ მუცელი, თავი, ფეხები... ასეთი ჩივილის უყურადღებოდ დატოვება არ შეიძლება, განსაკუთრებით, თუ ის სახსრების ტკივილს ეხება. ეს ნიშანი შესაძლოა სახსრების ანთებით დაზიანებაზე მეტყველებდეს. გვესაუბრება მედიცინის დოქტორი მაკა იოსელიანი.

სახსრების ენდოპროთეზირება მკურნალობის მაღალტექნოლოგიური მეთოდია, რომელიც დაზიანებული სახსრის თანამედროვე მასალით (იმპლანტით) ჩანაცვლებას გულისხმობს. იმპლანტების მწარმოებელი მსოფლიო ფირმები მუდმივად ხვეწენ გამოშვებული პროდუქციისათვის საჭირო მასალას და ცდილობენ, სულ უფრო მეტად სრულყოფილი ენდოპროთეზები შექმნან. მათი მთავარი ამოცანაა უზრუნველყონ ენდოპროთეზის კომპონენტების ძვალში მყარად ფიქსაცია და სახსრის ოპტიმალური ფუნქციობა, მაქსიმალურად გაზარდონ ენდოპროთეზის ექსპლუატაციის ხანგრძლივობა, შეამცირონ პოსტოპერაციული გართულებების რიცხვი.

შეცვლილი და მტიკვნეული სახსარი მხოლოდ რევმატოლოგიური დაავადების გამოვლინება როდია. ზოგჯერ ეს სიმპტომები შინაგანი ორგანოების სრულიად განსხვავებული დაავადებების დროს ვითარდება. არის შემთხვევები, როცა პაციენტისა და ექიმის ყურადღებას სახსროვანი სიმპტომები იპყრობს, თუმცა აღნიშნულის მიღმა შინაგან ორგანოთა ესა თუ ის დაავადება იმალება. დღეს შევეცდებით მოკლედ განვიხილოთ ანალოგიური მდგომარეობები.

უკანასკნელი ასწლეულები კაცობრიობამ საკუთარი ცხოვრების ხარისხის გაუმჯობესებასა და გაადვილებას მოანდომა. ცხადი პოზიტიური შედეგების გვერდით, შეუძლებელია, ვერ შევამჩნიოთ ამ ქმედებათა ნეგატიური მხარეებიც, რომელთა შორისაც, უპირველესად, შემცირებული ფიზიკური აქტივობა უნდა დასახელდეს.

03 მარტი 2017
სპეცილისტებმა 2300 ადამიანი გამოკითხეს. აღმოჩნდა, რომ ქალები საღამოს 11 საათიდან, ღამის 2 საათამდე შუალედში ამჯობინებენ სექსს. სექსუალური აღგზნებადობის პიკი 23:21 საათზე მოდის. მამაკაცები სექსუალური თვალსაზრისით დილის საათებში არიან უფრო აქტიურები. ყველაზე დიდ ლტოლვას ისინი 7:54 საათზე განიცდიან.
09 თებერვალი 2017
ბევრი ფიქრობს, რომ ადამიანები, რომლებიც ხშირად იღებენ სელფს, ნარცისიზმით არიან შეპყრობილები. თუმცა, ტეხასის უნივერსიტეტის მეცნიერების მიერ ჩატარებულმა კვლევებმა აჩვენა, რომ ეს ყოველთვის ასე არ არის. ამ ადამიანებს სხვა მოტივიც შეიძლება ამოძრავებდეთ.
ამერიკელმა მეცნიერებმა დაადგინეს, რომ ნიკოტინი მუცლადყოფნის პერიოდში ბავშვს ისევე ვნებს, როგორც კოკაინი და ჰეროინი. ისინი მწეველი დედების 27 ახალშობილისა და 29 "არამწეველი ჩვილის" მდგომარეობას და ქცევას დაბადებიდან 48 საათის განმავლობაში აკვირდებოდნენ.
როგორც კვლევებმა აჩვენა, ანანასს არა მარტო სასიამოვნო გემო აქვს, არამედ ანტიოქსიდანტების შემცველობის გამო, ჯანმრთელობისთვისაც სასარგებლოა. კერძოდ, ანტიოქსიდანტური თვისებების გამო ის წარმატებით ებრძვის ათეროსკლეროზს, გულის დაავადებებსა და სხვადასხვა ტიპის კიბოს.
სპეციალისტებმა ყველაზე საშიში და აუხსნელი დაავადებების რეიტინგი დაასახელეს. რეიტინგის პირველ ადგილს იკავებს მარბურგის ჰემორაგიული ცხელება. ამ სასიკვდილო დაავადებაზე ცოტა რამაა ცნობილი. გამომწვევი ვირუსის გადამტანები მაიმუნები არიან. ექიმებისთვის მხოლოდ მისი სიმპტომებია ცნობილი: მასიური სისხლდენა, ღვიძლის, კუჭ-ნაწლავის ტრაქტისა და ცენტრალური ნერვული სისტემის დაზიანება.