რუბრიკები
კითხვა–პასუხი - კანი, კუნთები, ძვლები
02-08-2013
-ჩემს შვილს 15 წლის ასაკში ექიმმა დაუდგინა კვანძოვანი ერითემა,გამოკვლევებით მიზეზი არ დადგინდა და სავარაუდოდ ალერგიულ ფონს დააბრალეს. ახლა ის 20 წლისაა,და კვანძოვანი ერითემა გაუმეორდა, წვივზე ისევ გამოუვიდა ჯერ ერთი, შემდეგ კიდევ ერთი კანქვეშა ცხიმოვან შრესა და ფასციას შორის მცირე ზომის სითხოვანი ჩანართი 12*3მმ კანიდან 4.5მმ სიღრმეზე.ამ პერიოდში მხოლოდ ერთხელ ჰქონდა 38.5 სიცხე და ტკივილი ზურგის არეში, ექიმმა გაუკეთა ტკივილგამაყუჩებელი. მეტი ტკივილები არანაირი არ ჰქონია, უბრალოდ გადავამოწმეთ სისხლის საერთო ანალიზი, აღმოჩნდა როე იყო 60, ცე რეაქტიული 0.93. რევმატოლოგის დანიშნული სპეციფიკური ანალიზები ნორმაშია მაგრამ დაუნიშნა არკოქსია 1თვის განმავლობაში დღეში ერთხელ როეს დასაწევად და ალგესტინის გელი,ფილტვებიც რენტგენოგრაფიით სუფთა აქვს, ოტოლარინგოლოგმა დაუდგინა ქრონიკული დეკომპენსირებული ტონზილიტი და დაუნიშნა პროფაგი და ტრახისანის სავლები. 10 დღის შემდეგ გავიმეორეთ სისხლის ანალიზი-როე 42 აქვს. გთხოვთ მირჩიოთ როგორ მოვიქცე, შეიძლება მხოლოდ ყელის გამო ჰქონდეს როე ასეთი მაღალი? გლანდების ოპერაცია გამოსავალია? რა კვლევები ჩავუტარო კიდევ?
-ტონზილიტისთვის დამახასიათებელია ედს-ის მაჩვენებლის ამგვარი მატება.  აუცილებელია მკურნალობა მიიყვანოთ ბოლომდე და რამდენიმე დღეში კვლავ გადაამოწმოთ სისხლში ედს-ის მაჩვენებელი. რადგან ტონზილიტი დეკომპენსირებულია,  მოზარდი საჭიროებს ოპერაციას, ამიტომ კარგი იქნება თუ ამ მანიპულაციასაც  პროცესის გამწვავების ჩაქრობის შემდგომ დაგეგმავთ. 
დაამატეთ კომენტარი
*
*
 
სხვა კითხვები