იაფფასიანი კოსმეტიკის მომხმარებლები კანცეროგენების ზემოქმედების ქვეშ იმყოფებიან
კვლევაში მონაწილეობდა 100 გოგონა. მოხალისეებს სთხოვეს სამი დღე უარი ეთქვათ თავიანთ კოსმეტიკაზე. მათ ნაცვლად შესთავაზეს ის კოსმეტიკური საშუალებები, რომლებიც არ შეიცავდა პოტენციურად საშიშ ნაერთებს-ფტალატებს, პარაბენს, ტრიკლოზანს და ოქსიბენზონს. ცხოველებზე ჩატარებულმა კვლევამ აჩვენა, რომ ეს ნაერთები ენდოკრინულ სისტემაზე უარყოფითად მოქმედებს.
ექსპერიმენტამდე და მის შემდეგ, სპეციალისტებმა აიღეს და გააანალიზეს მონაწილეების შარდის ნიმუშები. აღმოჩნდა, რომ პარფიუმერიაში გამოყენებული დიეთილფტალატის დონე გოგონების ორგანიზმში კვლევის დასრულებისას 27%-ით შემცირდა, მეთილპარაბენისა და პროპილპარაბენის - 44% და 45% -ით, ხოლო საპონსა და კბილის პასტებში შემავალი ტრიკლოზანის, ასევე მზისგან დამცავ კრემებში არსებული ბენზოფენონ-3-ის დონე 36%-ით შემცირდა.
ლალი ჩხიკვაძე