რუბრიკები
ოჯახის მკურნალის ანონსი
ივნისი 2018
კითხვა-პასუხი
ქართველი ექიმის ტრიუმფი, გაოცებული მსოფლიო სამედიცინო საზოგადოება და გამარჯვებული საქართველო!
ქართველი ექიმის ტრიუმფი, გაოცებული მსოფლიო სამედიცინო საზოგადოება და გამარჯვებული საქართველო!
საოცარი განცდაა ხოლმე - სიამაყის, აღმაფრენის, სიდიადის, როდესაც ჩვენი თანამემამულე უცხოეთში საქართველოს დროშას ააფრიალებს, თავის წარმატებულ სიტყვას იტყვის პროფესიულ ასპარეზზე და სამშობლოს ასახელებს! მადლობა ღმერთს, ქართველებს არ გვაკლია ეს განცდა ჩვენი სახელოვანი მორაგბეების, საზოგადოდ სპორტსმენების, ხელოვანებისა თუ მეცნიერების წყალობით!

ამჯერად, მადლობა ქართველ ექიმს, ყველასათვის კარგად ცნობილ, სახელოვან ქირურგს, პროფესორ გურამ ქარაზანაშვილს, რომელმაც პირველად ქართული მედიცინის ისტორიაში ამერიკის უროლოგთა ასოციაციის კონგრესზე თავისი ინოვაციური სიტყვა თქვა, მთელ ონკოქირურგიაში ურთულეს ჩარევად აღიარებული ოპერაციის მისეული, მრავალწლიანი პროფესიული მოღვაწეობის ფონზე შექმნილ-შემუშავებული ახალი ქირურგიული ტექნიკა წარმატებით
წარადგინა, ამა წლის 19 მაისს, სან-ფრანცისკოში მსოფლიოს 100 ქვეყნიდან მოწვეულ ათასობით სპეციალისტს გაუზიარა თავისი უნიკალური მეთოდი, მოუწყო მათ საქართველოს ერთ-ერთ კლინიკაში, ემ-ემ-ტე ჰოსპიტალში ჩატარებული ურთულესი ოპერაციის ვიდეო-ჩვენება (პრეზენტაცია).
გააოცა და აალაპარაკა მსოფლიო სამედიცინო საზოგადოება!

ეს იყო არა მხოლოდ ქართველი ქირურგის ტრიუმფი, არამედ მთელი ქართული სამედიცინო საზოგადოების
წარმატება და "დიდ" ამერიკაში "პატარა" საქართველოს უდიდესი გამარჯვება!
ეს იყო დასტური იმისა, რომ ჩვენს ქვეყანაში ურთულესი ქირურგიული ჩარევების განხორციელებით ქართველი ექიმები მსოფლიო დონეზე დგანან, მეტიც, აქვთ უდიდესი გამოცდილება, ფლობენ ისეთ მეთოდებსა და ტექნიკურ მიღწევებს, რომლებიც ახალი, უცხო და საინტერესოა უცხოელი კოლეგებისათვის.
დიახ, "პატარა", მაგრამ დიად საქართველოში, ქართველი ექიმის მიერ ურთულესი ოპერაცია (რადიკალური ცისტოპროსტატექტომია, შემდგომი რეკონსტრუქციით, ხელოვნური რეზერვუარის შექმნითა და შარდის ორთოტოპული დერივაციით) ტარდება ისეთი დახვეწილი და უნიკალური ტექნიკით, რომელიც ახალი, აქამდე უცნობი სიტყვა იყო მსოფლიოს სამედიცინო საზოგადოებისათვის. ახლა კი ამერიკის უროლოგთა ასოციაციის ბიბლიოთეკაში ინახება და ნებისმიერ მსურველს, ვისაც კი შეხება აქვს და მიუწვდება ხელი, შეუძლია ნახოს, გაეცნოს, შეისწავლოს და შეითვისოს!

mkurnali.geშეგახსენებთ, რომ ამერიკის უროლოგთა ასოციაციის კონგრესი არის მსოფლიოში პირველი, ყველაზე მაღალი რანგის სამეცნიერო ფორუმი უროლოგიის დარგში, ევროპის უროლოგთა ყრილობაზე ბევრად უფრო მაღალი რანგის ფორუმი, საიდანაც მოდის ყველა სიახლე, ახალი მიდგომები, ინფორმაციები, მეთოდიკები, გზამკვლევები უროლოგიაში, ონკოლოგიაში, ქირურგიაში, ტექნოლოგიებსა თუ სხვა მიმართულებებში.
აღნიშნულ კონგრესს მსოფლიოს სხვადასხვა ქვეყნიდან 16-20 ათასი სპეციალისტი ესწრება, როგორც პრაქტიკოსი მედიკოსები, ასევე მეცნიერები, უროლოგები, ონკოლოგები, ქირურგები, ფიზიოლოგები, ბიოლოგები, ყველა სპეციალისტი, ვისაც კი რაღაც კუთხით შეხება აქვს უროლოგიასთან.

კონგრესი მაღალავტორიტეტული და დიდმნიშვნელოვანია არა იმიტომ, რომ ის ამერიკის უდიდესი ორგანიზაციის ფორუმია, არამედ იმიტომ, რომ განსაკუთრებული სამეცნიერო ღირებულება აქვს, იქ წარმოდგენილი ახალი მიღწევები და აღმოჩენები სასარგებლოა მსოფლიო მედიცინისა და კაცობრიობისათვის. კონგრესისათვის ყოველწლიურად საგანგებოდ შეირჩევა ათასობით კვლევა მთელი მსოფლიოდან. იქ გაგზავნილი თითოეული ნაშრომი დეტალურ შემოწმება-შეფასებას გადის სამეცნიერო ღირებულებასა და მნიშვნელობაზე. საყურადღებოა ისიც, რომ ყოველივე ეს ხდება ანონიმურად, ელექტრონულად გადაგზავნილი ნაშრომი შესწავლა-ანალიზს გადის სულ მცირე 4 ექსპერტის მიერ, რომლებმაც არ იციან ვის ნაშრომს (რომელი ქვეყნიდან შემოსულს) ამოწმებენ, ისევე როგორც წარმდგენი პირისათვის უცხოა რეცენზენტების ვინაობა. ეს განაპირობებს სწორედ რეცენზიის მაღალსანდოობას, ხოლო თუ იმასაც გავითვალისწინებთ, რომ ექსპერტები უმაღლესი რანგის მსოფლიოს წამყვანი სპეციალისტები არიან, გასაგები გახდება რაოდენ დიდი გამარჯვება იყო ამ უდიდესი კონკურენციის ფონზე ჩვენი ქართველი ექიმის ნაშრომის გამორჩევა!

ჩვენდა საამაყოდ პროფესორ გურამ ქარაზანაშვილის მიერ შემუშავებული მეთოდის გაცნობამ, მის მიერ ჩატარებული ურთულესი, უცხოელთათვის ჯერ არნახული ოპერაციის ვიდეოჩვენებამ (პრეზენტაციამ) უდიდესი ტრიუმფით ჩაირა!
რამ გააოცა და აღაფრთოვანა მსოფლიოს სპეციალისტები, რატომ დაინტერსდნენ ისინი ქართველი ექიმის მონაპოვარით, რა იყო მათთვის უცხო და ახალი, რა კეთდება საქართველოში ისეთი, რაც არ იციან მათ, რა მეთოდს ფლობს ჩვენი სახელოვანი ქირურგი, რატომ არის მისი ოპერაციული ტექნიკა და მიდგომები მნიშვნელოვანი და სასარგებლო მსოფლიო მედიცინისათვის, საზოგადოდ კაცობრიობისათვის, რატომ იძლევა უნიკალურ შედეგს მის მიერ წარმოებული ურთულესი ოპერაციები მსოფლიოს ნებისმიერ ქვეყანაში, მათ შორის ამერიკაში წარმოებული ქირურგიული ჩარევებისაგან განსხვავებით - ამის შესახებ დაწვრილებით წაიკითხავთ ჟურნალ "ოჯახის მკურნალის" ივლისის ნომერში.

მანამადე კი იამაყეთ ჩვენი პროფესიონალის გამარჯვებით და გაიხარეთ იმ განცდით, რომ "დიდ" ამერიკას დიადი საქართველო ტოლს არ უდებს!

mkurnali.ge
თარიღი : 11-06-2018
ვიოლეტა
წარმატებები სასახელო ქართველო. უფალი გფარავდეს.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მსგავსი სიახლეები
გურამ ქარაზანაშვილი - უნიკალურ ოპერაციათა შემოქმედი
05-04-2018
ორსულობის მშვიდად, გართულებების გარეშე წარმართვისათვის,
05-02-2018
ამ კატეგორიის სხვა სტატიები
გურამ ქარაზანაშვილი - უნიკალურ ოპერაციათა შემოქმედი
თირკმლის კენჭის დაშლის უახლეს მეთოდებზე გვესაუბრება MMT-ჰოსპიტლის წამყვანი სპეციალისტი, უროლოგი, მედიცინის მეცნიერებათა დოქტორი, პროფესორი გურამ ქარაზანაშვილი:

კენჭის დაშლის
ნახეთ, როგორ ფუნქციონირებს საშარდე სისტემა
ამა წლის 4 ოქტომბერს ივ. ჯავახიშვილის სახელობის თბილისის სახელმწიფო უნივერსიტეტში საქართველოს ონკოლოგიური უროლოგიის ასოციაციის ორგანიზებით პირველი საერთაშორისო კონგრესი გაიმართა. ღონისძიება საქართველოს განათლებისა და მეცნიერების სამინისტროს მიერ ორგანიზებული სამეცნიერო ფესტივალის ფარგლებში ჩატარდა. ის შარდ-სასქესო სისტემის კიბოს დიაგნოსტიკისა და მკურნალობის თანამედროვე მეთოდებს მიეძღვნა. მასში მონაწილეობა მიიღეს მსოფლიოს წამყვანმა ექსპერტებმა და მეცნიერებმა აშშ-დან, ბელგიიდან, გერმანიიდან, ჰოლანდიიდან, თურქეთიდან, ბელორუსიიდან, უკრაინიდან, რუსეთიდან, სომხეთიდან, აზერბაიჯანიდან და საქართველოდან. პროფესიონალებმა ერთმანეთს საკუთარი გამოცდილება, მეცნიერული მიღწევები, სიახლეები და მეთოდები გაუზიარეს.

მაღალი არტერიული წნევის ერექციულ დისფუნქციასთან კავშირის განხილვამდე მოკლედ შეგახსენებთ მამაკაცის სასქესო ასოს ანატომიას. როგორც მორფოლოგიური აგებულებით, ასევე ფუნქციური როლის მიხედვით, ასოს ძირითადი ნივთიერება შედგება ერთმანეთისაგან გამორჩეული ორი ნაწილისაგან - ასოს მღვიმოვანი სხეულისაგან, რომელიც მისი უმეტესი ნაწილია და შუაზე ორადაა გაყოფილი ღარით და ასოს კენტი ღრუბლისებრი სხეულისაგან. ასოს მღვიმოვან ნაწილს სხვაგვარად ერექციულ (ერეცტორ - გამმართველ) ნაწილსაც უწოდებენ, რადგან მასზეა დამოკიდებული ასოს ერეგირების ფუნქცია. მღვიმოვანი სხეული შედგება მრავლობითი წვრილი არტერიებისა და ვენებისაგან, გლუვკუნთოვანი ბოჭკოებისა და მღვიმოვანი ხარიხებისაგან, რომლებიც ერთმანეთისგან თავისუფალ სივრცეებს, ე.წ. მღვიმეებს გამოყოფს.

ბრიტანელმა სპეციალისტებმა ჩაის მოულოდნელი თვისება გამოავლინეს. გლაზგოს უნივერსიტეტის თანამშრომლებმა განაცხადეს, რომ დიდი რაოდენობით ჩაის მიღება მამაკაცის ორგანიზმზე ნეგატიურად აისახება
22 ივნისი 2018
წლის ცხელი სეზონი განწყობასა და გარეგნობას ცვლის. ზაფხული არა მარტო სასიამოვნო მომენტების მომტანია, შეიძლება
25 ივნისი 2018
კომფორტული წნევა ყველასთვის ინდივიდუალურია. ერთისთვის იდეალურია სტანდარტული 120/80, მეორესთვის
კალიფორნიის სააპელაციო სასამართლომ უკურნებელი სენით დაავადებულთა მიმართ ევთანაზიის გამოყენება დაუშვა.
დაავადებათა კონტროლის ცენტრის სამეცნიერო საბჭოს თავმჯდომარე მოსახლეობას წითელას აცრის გაკეთებისკენ მოუწოდებს.
ამერიკელი სპეციალისტები დარწმუნებულები არიან, რომ კვების დროის შეღუდვა ზედმეტი წონის დაკლებისა და არტერიული წნევის