რუბრიკები
ოჯახის მკურნალი
კითხვა-პასუხი
IBღ-მა "ყველაზე იაფი" და "ყველაზე ძვირი" აფთიაქები გამოავლინა
IBღ-მა "ყველაზე იაფი" და "ყველაზე ძვირი" აფთიაქები გამოავლინა

მაისის დასაწყისში ილიას სახელმწიფო უნივერსიტეტის G კორპუსის საკონფერენციო დარბაზში "ილიაუნი ბიზნეს რევიუს" (იბრ) მიერ მომზადებული "აფთიაქების ბაზრის კვლევის" შედეგების პრეზენტაცია გაიმართა. "ილიაუნი ბიზნეს რევიუ" მზადდება ილიას სახელწიფო უნივერსიტეტის ბიზნესის ფაკულტეტზე არსებული ეკონომიკური კვლევებისა და კონსულტაციების ცენტრის მკვლევართა მიერ; მის მომზადებაში აქტიურად მონაწილეობენ იმავე უნივერსიტეტის სტუდენტები. "ილიაუნი ბიზნეს რევიუს" ინტერესისა და საქმიანობის სფეროა მაკრო- და მიკროეკონომიკური მაჩვენებლები და მათი ანალიზი, ბაზრების კვლევა, პროგნოზირება, რეიტინგები, ინდექსები, ტენდენციები და რეკომენდაციები.

"ილიაუნი ბიზნეს რევიუმ" გამოსაკვლევად შეარჩია თბილისში შედარებით მსხვილი რამდენიმე სააფთიაქო ქსელი: "ავერსი", "პსპ", "გპს", "ციტყ პჰარმა", "ფარმაცენტრი", "ფარმადეპო", "ნეოფარმი", "36,6", "სახალხო აფთიაქი", "ფარმაგიდი". კვლევის მეთოდოლოგია გახლდათ ვიზიტები აფთიაქებში; სატელეფონო ზარები და აფთიაქების ვებგვერდების ანალიზი. კვლევა მიზნად ისახავდა ფასების დადგენას ერთსა და იმავე წამალზე საქართველოს ბაზარზე ოპერირებად აფთიაქებს შორის და მათ შედარებით ანალიზს. მიღებული შედეგების საფუძველზე განისაზღვრა, რომელი აფთიაქი აწვდის მომხმარებელს მედიკამენტებს და სამედიცინო საშუალებებს ყველაზე იაფად და რომელი - ყველაზე ძვირად. თბილისში მოქმედ მეტ-ნაკლებად ცნობილ ქსელურ აფთიაქებში გამოსაკვლევად 20 დასახელების წამალი განისაზღვრა (7 სხვადასხვა სახეობის წამლების კატეგორიებიდან).


აქვე გთავაზობთ იმ პროდუქტების ჩამონათვალს, რომლებზე დაყრდნობითაც შედგა ეს კვლევა:
1. ბინტი - სტერილური, პატარა, 5სმX10სმ;
2. ბამბა (სტერილური) - 50 გრამი;
3. იოდი 5% - 10 მლ;
4. წყალბადის ზეჟანგი 3% - 100 მლ;
5. ამოქსიცილინი - 500 მგ. 10 ტაბ.
6. ანალგინი - 500 მგ. 10 ტაბ.
7. ბარალგინი - 500 მგ. 10 ტაბ.
8. კეტანოვი - 10 მგ. 10 ტაბ.
9. ნო-შპა - 40 მგ. 100 ტაბ.
10. ციტრამონი - 10 ტაბ.
11. ადელფანი - 10 ტაბ.
12. რაუნატინი - 10 ტაბ.
13. ვალიდოლი - 10 ტაბ.
14. ვალერიანი - 20 მგ. 10 ტაბ.
15. ომეპრაზოლი - 20 მგ. 10 კაფს.
16. ლევომიცეტინი - 500 მგ. 10 ტაბ.
17. ნაფტიზინი - 0,1% 10 მლ.
18. პარაცეტამოლი - 500 მგ. 10 ტაბ.
19. ბრომჰექსინი - 8 მგ. 25 ტაბ.
20. გრიპისა და გაციების საწინააღმდეგო ტაიქოლდის ჩაი - 1 პაკ.

შერჩეული მედიკამენტების შეძენა, მეტ-ნაკლები ალბათობით, ყველა სამიზნე აფთიაქშია შესაძლებელი. კვლევის შედეგების საფუძველზე გამოვლინდა "ყველაზე იაფი" და "ყველაზე ძვირი" აფთიაქები. აფთიაქების პოზიციები წამლებზე ფასების საერთო მოცულობაში ყველაზე იაფი და ყველაზე ძვირი მედიკამენტების ფიქსირების სიხშირის მიხედვით განისაზღვრა.


"ყველაზე იაფი" აფთიაქები:
I ადგილი - "ფარმადეპო" (24,0%)
II ადგილი - "პსპ" (20,5%)
III ადგილს ინაწილებენ "სახალხო აფთიაქი", "ფარმაცენტრი" და "ავერსი" (18,5%)


"ყველაზე ძვირი" აფთიაქები:
I ადგილი - "36,6" (40,5%)
II ადგილი - "ნეოფარმი" (35, 2%)
III ადგილი - "ფარმაგიდი" (24,3%)


კვლევაში ფიქსირებული ფასები დადგინდა მომხმარებლებისთვის პროდუქციის დახლზე შეთავაზებული ფასების შესაბამისად. ფასები ლარებშია აღრიცხული და ფიქსირებულია 2012 წლის 26 მარტიდან 10 აპრილამდე არსებული მდგომარეობით. "ილიაუნი ბიზნეს რევიუში" აცხადებენ, რომ შედეგების განზოგადებით ვიღებთ შემდეგ სურათს: "თუ ეგრეთ წოდებულ "ყველაზე იაფ" აფთიაქებში ოჯახი ჩვენ მიერ შერჩეული ხშირად მოხმარებული წამლების პაკეტს შეიძენს, იმავე წამლების შეძენა ეგრეთ წოდებულ "ყველაზე ძვირ" აფთიაქებში ოჯახს პროდუქციას საშუალოდ 62%-მდე უძვირებს".

You must have Flash Player installed in order to see this player.
"ილიაუნი ბიზნეს რევიუს" მკვლევართა ჯგუფი ბაზრის კვლევას სხვადასხვა მიმართულებით აწარმოებს. უახლოეს მომავალში ინფორმაცია უკვე დინამიკაში მიეწოდება საზოგადოებას, რაც ბაზარზე მიმდინარე საინტერესო პროცესებზე უფრო ნათელ წარმოდგენას შექმნის.


 

თარიღი : 22-07-2015
მარი
ავერსზე ძვირი აფთიაქი თბილისში არაა---რა კვლევა უნდა მაგათ.,... კარგით რაა...
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
დასრულდა 2017 წლის ეროვნული გამოცდები, თუმცა ჯერ არ დამცხრალა ვნებათაღელვა, რაც ამ პროცესს ახლავს ხოლმე თან.
ექიმების აზრით, თითოეულ კონკრეტულ ადამიანს შეუძლია ჯანმრთელობის ოპტიმალურ მდგომარეობას მიაღწიოს შემდეგი რჩევების გათვალისწინებით:

1. ცხოვრების აქტიური რეჟიმი. ფიზიკური დატვირთვის არარსებობა ადამიანს სიცოცხლის 4 წელს ართმევს.
თმის ღერების მთავარი სტრუქტურული ელემენტი და მათი ზრდის დამაჩქარებელი - ცილაა. შესაბამისად, თმის ზრდის სტიმულაციის მსურველებმა საკვები რაციონი ცილით უნდა გაამდიდრონ, რეგულარულად მიირთვან კვერცხი, თევზი, რძის პროდუქტები და ხორცი.
ამ კატეგორიის სხვა სტატიები
წინათ მიაჩნდათ, რომ თერმოგენეზში ანუ სითბოს გამომუშავების პროცესში მთავარ როლს ასრულებს მაკროფაგები (სისხლის თეთრი უჯრედების გარკვეული სახეობაა).
კუნთოვან ქსოვილში არის ცილა, რომელიც ამცირებს უძილობისგან გამოწვეულ უარყოფით ეფექტებს. ექსპერიმენტულად დადასტურდა, რომ თაგვები კუნთებში BMAL1 ცილის მაღალი მაჩვენებლისას, უძილობის ეპიზოდის შემდეგ, უფრო ადრე აღიდგენდნენ ჯანმრთელობის მაჩვენებლებს.
დასრულდა 2017 წლის ეროვნული გამოცდები, თუმცა ჯერ არ დამცხრალა ვნებათაღელვა, რაც ამ პროცესს ახლავს ხოლმე თან.
ვრცელდება ინფორმაცია, რომ თურქეთის ზღვისპირა კურორტებზე კოქსაკის ვირუსით გამოწვეული ინფექციის შემთხვევები გახშირდა. ამის გამო ბევრმა ტურისტმა უარი თქვა იქ დასვენებაზე
სკოლებში "ვაშლების დარიგების" კამპანია განათლების სამინისტროს პირველ ეტაპზე 90 ათასი ლარი დაუჯდება, - ამის შესახებ "ბიზნესპრესნიუსს" განათლებისა და მეცნიერების სამინისტროს პროგრამის მენეჯერმა მაია მუშკუდიანმა განუცხადა.
დღეიდან ძალაში შევიდა "ადმინისტრაციულ სამართალდარღვევათა კოდექსში" განხორციელებული ცვლილებები, რომლითაც აკუსტიკური ხმაურის დასაშვები ნორმების გადამეტება და ასევე, ღამის საათებში პიროტექნიკის გამოყენება ადმინისტრაციული წესით დასჯადი გახდა.
15 აგვისტო 2017
ვრცელდება ინფორმაცია, რომ თურქეთის ზღვისპირა კურორტებზე კოქსაკის ვირუსით გამოწვეული ინფექციის შემთხვევები გახშირდა. ამის გამო ბევრმა ტურისტმა უარი თქვა იქ დასვენებაზე
15 აგვისტო 2017
მეცნიერები სამი წლის განმავლობაში აკვირდებოდნენ ცხრა კოსმონავტს, რომლებიც ფრენის იმიტაციის პროგრამაში მონაწილეობდნენ. აღმოჩნდა, რომ რაც უფრო დაბალი იყო კოსმონავტების ყოველდღიურ რაციონში მარილის შემცველობა, მით ნაკლებად აწუხებდათ წყურვილის გრძნობა.
კბილების გათეთრების უამრავი რეცეპტი არსებობს სოდის, აქტივირებული ნახშირის, კალციუმის გლუკონატის და წყალბადის ზეჟანგის გამოყენებით. სტომატოლოგები გვაფრთხილებენ, რომ ეს საშუალებები არა მარტო არაეფექტური, არამედ საშიშიცაა.
სპორტი მამაკაცებს უნაყოფობის დაძლევაშიც კი ეხმარება - ამ დასკვნამდე ირლანდიელი მეცნიერები რამდენიმე პრაქტიკული კვლევისა და თეორიული გათვლის შემდეგ მივიდნენ. როგორც მათ გაარკვიეს, მამაკაცებს, რომლებიც რეგულარულად ვარჯიშობენ
ჭარბთმიანობის განვითარების მიზეზებზე, დიაგნოსტიკასა და მკურნალობის საშუალებებზე გვესაუბრება ესმა ჯამასპიშვილი, ექიმი ენდოკრინოლოგი, ჰარბინის (ჩინეთი) სამედიცინო უნივერსიტეტის მეორე აფილირებული ჰოსპიტლის დოქტორანტი ენდოკრინოლოგიის განხრით.