ექიმთა საქველმოქმედო აქციები მოსახლეობის დასახმარებლად
მემორანდუმის ფარგლებში, 22 და 23 ივნისს რესპუბლიკური საავადმყოფოს ექიმთა საინიციატივო ჯგუფი და საყოველთაო ამბულატორიული სამსახური მაკა ბულეიშვილის ხელმძღვანელობით გეგმავს საქველმოქმედო აქციას წყალტუბოს რაიონში, იძულებით გადაადგილებულ პირთა და ასევე ადგილობრივი მოსახლეობის დასახმარებლად. ამ აქციის ფარგლებში მოსახლეობას უფასოდ მოემსახურებიან მაღალკვალიფიციური ექიმები და ლაბორანტები. საინიციატივო ჯგუფი უკვე მრავალ რეგიონს ეწვია და როგორც დაბაში, ისე მაღალმთიან სოფლებში სრულიად უანგაროდ არაერთი საქველმოქმედო აქცია გამართა. აღსანიშნავია, რომ მოსახლეობის ჯანმრთელობისა და დაავადებათა პროფილაქტიკის ხელშეწყობის გარდა, აღნიშნული აქციები ემსახურება საზოგადოების ინფორმირებას საყოველთაო ჯანდაცვის პროგრამის ხელმისაწვდომობის თაობაზე. აქციებს პერიოდულად უერთდება პროფესორი მერაბ დვალი - კლინიკა "ახალი მზერა", ჰამბურგის ლაბორატორია. აქცია მრავალჯერადია, და ყოველთვის საქველმოქმედო. ქალბატონი მაკა ბულეიშვილი აცხადებს: ჩვენ ვდგავართ იქ, სადაც ჩვენს მოსახლეობას უჭირს!