მეცნიერთა აზრით, აივ-ინფექცია ნაკლებად საშიში ხდება
ასეთი შედეგები სპეციალისტებმა მიიღეს ბოტსვანსა და სამხრეთ აფრიკის რესპუბლიკაში პაციენტებზე მრავალწლიანი დაკვირვების შედეგად.
მეცნიერებმა გამოარკვიეს, რომ ადამიანის იმუნურ სისტემასთან ადაპტირებისას, აივ-ი მუდმივად განიცდის მუტაციას. ამის შედეგად, ვირუსს მეტი დრო სჭირდება შიდსში გადასასზრდელად. ვირუსის მუტაციამ ის ნაკლებად გადამდები გახადა. დადებითი როლი ამ საკითხში შეასრულა ანტირეტროვირუსული პრეპარატების გამოყენებამ.
ვირუსულოგები ვარაუდობენ, რომ თუ აივ-ინფექცია გააგრძელებს მუტაციას, დროთა განმავლობაში შეიძლება "თითქმის უვნებელი" გახდეს. მანამდე, კი ეს მუტაცია აივ/შიდსის გავრცელების საწინააღმდეგო ეფექტური ბრძოლის საშუალებას იძლევა.
კვლევის შედეგები გამოაქვეყნა ჟურნალმა Proceedings of the National Academy of Sciences.