უმიზეზო სიცილი ფარისებრი ჯირკვლის ფუნქციის მოშლაზე მიუთითებს
მაგალითად, ასიდან 60 შემთხვევაში - კუჭის წყლული და 30 შემთხვევაში მიოკარდიუმის ინფარქტი ნერვული სტრესით არის განპირობებული, მაგრამ არსებობს უკუკავშირიც, როდესაც დაავადების დასაწყისზე ემოციის უეცარი აფეთქება, განწყობის ცვალებადობა მიუთითებს.
ასე, მაგალითად: თუ გულღია და კონტაქტური ადამიანი უეცრად ეჭვიანი, ბოღმიანი და უხასიათო გახდა, ფარული ჩირქოვანი პროცესი უნდა ვივარაუდოთ. არცთუ იშვიათად ამის მიზეზია კარიესით დაავადებული კბილები, ჰაიმორიტი და პლევრიტი.
თუ ადამიანი უეცრად ყოფით საკითხებზე ფილოსოფოსობას მოჰყვა, უმიზეზო სევდა დაეუფლა და საკუთარ თავში ჩაიკეტა, უნდა ვიეჭვოთ სასუნთქი სისტემის ქრონიკული დაავადება - ბრონქული ასთმა, ფილტვების ობსტრუქციული დაავადება, ექსუდაციური პლევრიტი.
უმიზეზო სიცილი, ეგზალტაცია და ემოციების შეუკავებლობა ენდოკრინულ დარღვევებზე, კერძოდ, სასქესო და ფარისებრი ჯირკვლის ფუნქციის მოშლაზე მიუთითებს.