ნერწყვის ანალიზით შესაძლოა სიმსივნის ადრეულ სტადიაზე გამოვლენა მოხდეს
გამოკვლევის ავტორები თავიანთ აღმოჩენას "წმინდა გრაალს" უწოდებენ საშიში დაავადებების ადრეული გამოვლენის საქმეში. კალიფორნიის უნივერსიტეტის მეცნიერებმა დაადგინეს, რომ ადამიანის ნერწყვში არსებობს გარკვეული ტიპის მოლეკულები, რომლებიც სხვადასხვა დაავადების ინდიკატორია. ასეთივე მოლეკულებია სისხლშიც. მათი დახმარებით შესაძლოა ალცჰაიმერის დაავადების, დემენციის სხვადასხვა სახეობის, სიმსივნური პროცესების, მეორე ტიპის შაქრიანი დიაბეტისა და ზოგიერთი აუტოიმუნური დაავადების ამოცნობა მოხდეს, თანაც ძალიან ადრეულ სტადიებზე.
გრანდიოზული კვლევის ავტორი, დოქტორი დევიდ ვონგი აცხადებს: ნერწყვი დიაგნოსტიკური თვალსაზრისით ნამდვილი საგანძურია. მისი წყალობით შესაძლებელია მომავალში საფუძველი ჩაეყაროს პერსონალიზებულ მედიცინას. ეს უდიდესი რამ იქნება! წარმოიდგინეთ, ექიმი სტომატოლოგების მიერ ჩატარებული მარტივი ანალიზის წყალობით ადრეულ სტადიებზე, სიმპტომების გამოვლენამდე ბევრად ადრე, შესაძლებელი იქნება პანკრეასის კიბოს, დიაბეტის წინა მდგომარეობისა და მრავალი საშიში პათოლოგიის დიაგნოსტიკა. ეს უამრავი ადამიანის გადარჩენის საშუალებას მოგვცემს. ასე ვთქვათ, ჩანასახშივე ვუმკურნალებთ ძირითად პრობლემას და დაავადებად ჩამოყალიბების საშუალებას არ მივცეთ უამრავ მძიმე პათოლოგიას!".
თინათინ გოცაძე