29 სექტემბერს გულის მსოფლიო დღე აღინიშნება - მკურნალი.გე

აქედან 7.4 მილიონი კი გულის იშემიური დაავადებით დაიღუპა. ეს სტატისტიკა ნათლად გვიჩვენებს, თუ რაოდენ აქტუალურია გულის დაავადებათა პრევენციის თემა მსოფლიო სამედიცინო საზოგადოებაში.

ამ აქტუალურობას ეხმაინება გულის მსოფლიო დღე, რომელიც 2015 წლის 29 სექტემბერს ერთდროულად ტარდება იმ 100 ქვეყანაში, რომლებიც მსოფლიო გულის ფედერაციის წევრები არიან. მათ შორის არის საქართველოს გულის ფონდიც, რომლის პრეზიდენტია მედიცინის მეცნიერებათა დოქტორი, პროფესორი, ანგიოკარდიოლოგიური კლინიკის ხელმძღვანელი, საქართველოს გულის ფონდის პრეზიდენტი, ევროპის კარდიოლოგთა და ამერიკის გულ-ფილტვის ასოციაციის საპატიო წევრი მერაბ მამაცაშვილი.

გულის მსოფლიო დღე 2000 წლიდან აღინიშნება. გულის დღესათან დაკავშირებით გაიმართება სპორტული ღონისძიება – ფეხბურთი – 35-ე სპორტული სკოლის ბაზაზე, დღის 2 საათზე. ღონისძიების ინიციატორია Open Fun Football Schools, რომელიც აქტიურად თანამშრომლობს საქართველოს გულის ფონდთან. ღონისძიების ხელმძღვანელია ბ-ნი ბადრი ქარქაშაძე.

საქართველოს გულის ფონდი გულის მსოფლიო დღეს უძღვნის სამეცნიერო კონფერენციას, რომელზეც მოხსენებებით ცნობილი ქართველი კარდიოლოგები წარდგებიან.