News
დარიჩინის ალდეჰიდის საშუალებით კანცეროგენის ზემოქმედების ქვეშ მყოფმა უჯრედებმა ტოქსიკური ნივთიერებების ნეიტრალიზაცია და თვითაღდგენა შეძლეს. ამჟამად მეცნიერებს განსზრახული აქვთ გაარკვიონ, თავად დარიჩინი უშლის ხელს კიბოს განვითარებას თუ მისი მხოლოდ რომელიმე კომპონენტი. თუ ასეა, კლინიკური კვლევები ადამიანებზე შესაძლოა ძალიან მალე დაიწყოს. კიდევ ერთმა ბოლოდროინდელმა კვლევამ აჩვენა, რომ თხილეული ამცირებს კოლორექტალური კიბოს განვითარების რისკს. კერძოდ, კვლევის მონაწილეებს, რომლებიც კვირაში ორჯერ ან მეტჯერ იღებდნენ ერთ უნცია (28 გრამ) თხილეულს, მსხვილი და სწორი ნაწლავის კიბოს განვითარების რისკი 13%-ით ნაკლები ჰქონდათ ვიდრე მათ, ვინც თხილეულს იშვიათად ჭამდა.
ძილის წინ კაკაოს დალევა წონის კლებას უწყობს ხელს
ამერიკელი დიეტოლოგები ვარაუდობენ, რომ ძილის წინ კაკაოს ან ცხელი შოკოლადის დალევა ჭარბი წონის დაკლებას უწყობს ხელს. ეს სასმელები შეიცავს სასარგებლო ნაერთებს - ფლავონოიდებს, რომლებიც სისხლში ტრიგლიცერიდების რაოდენობას ამცირებს. შედეგად სისხლძარღვები უფრო მოქნილი ხდება და სისხლის მიმოქცევა უმჯობესდება. ამის გამო მეტაბოლიზმის სიჩქარე იმატებს, მიმდინარეობს უჯრედების განახლება და ყველა მავნე ნივთიერება სწრაფად ტოვებს ორგანიზმს. ასეთი ცვლილებები ხელს უწყობს წონის შემცირებას და ორგანიზმს ანთებისა და დიაბეტის განვითარებისგან იცავს. მეცნიერთა თქმით, ეფექტი შესამჩნევი გახდება კაკაოს ან ცხელი შოკოლადის 10-კვირიანი რეგულარული მიღების შემდეგ. მთავარია, სასმელები შეიცავდეს ბევრ კაკაოს და რაც შეიძლება ნაკლებ შაქარს. მკვლევრები აცხადებენ, რომ დიეტის ეფექტურობა რაციონში ბიოლოგიურად აქტიური ნივთიერებების, მათ შორის - ფლავონოიდების, შემცველობაზეა დამოკიდებული. მათ დაადგინეს ისიც, რომ შოკოლადისა და ნახშირწყლებით ღარიბი დიეტის კომბინაცია გახდომის მსურველებს საუკეთესო შედეგის მიღებაში ეხმარება.