უკრაინის ქალაქ კრამატორსკში გრიპის შედეგად დაღუპულთა რიცხვი 15-მდე გაიზარდა
ამის შესახებ "უნიანი" წერს. როგორც ჯანდაცვის დეპარტამენტის ხელმძღვანელი იგორ მიხაილოვი აცხადებს, 29 წლის მამაკაცი მე-15 იყო, რომელიც გრიპის ეპიდემიას შეეწირა. იგი დღეს დილით გარდაიცვალა. ამ დროისთვის ქალაქის საავადმყოფოში 180 ზრდასრული და 22 ბავშვი იმყოფება. მათგან 37 ზრდასრულისა და 8 ბავშვის მდგომარეობა კრიტიკულია. გრიპის ვირუსის გამო ექიმებისადმი მიმართვიანობა განსაკუთრებით ბოლო დღეების განმავლობაში გაიზარდა. სამედიცინო პერსონალის თქმით, ეპიდემია პიკს უახლოვდება.