გორის სამხედრო ჰოსპიტალში ე.წ. ღორის გრიპით ჯარისკაცი გარდაიცვალა
ინფორმაცია "ინტერპრესნიუსს" თავდაცვის სამინისტროში დაუდასტურეს. მათი განმარტებით, გარდაცვლილი 38 წლის იყო. ის სპეციალური ოპერაციების ძალებში მსახურობდა. ქართველი ჯარისკაცი გრიპის ვირუსით გორის სამხედრო ჰოსპიტალში რამდენიმე დღის განმავლობაში მკურნალობდა. გარდაცვლილს 4 შვილი დარჩა. გორის სამხედრო ჰისპიტალში გრიპის ვირუსით ინფიცირებული სულ 12 ჯარისკაცია მოთავსებული. მათი მდგომარეობა დამაკმაყოფილებელია.