რუბრიკები
ოჯახის მკურნალი
როგორ მოვიქცეთ დაუცველი სქესობრივი კონტაქტის შემდეგ? - გადაუდებელი კონტრაცეფცია
როგორ მოვიქცეთ დაუცველი სქესობრივი კონტაქტის შემდეგ? - გადაუდებელი კონტრაცეფცია
როგორ მოვიქცეთ დაუცველი სქესობრივი კონტაქტის შემდეგ? - ... საუბრობს, ზურაბ საბახტარაშვილის რეპროდუქციული კლინიკის რეპროდუქტოლოგი, გინეკოლოგი, მედიცინის აკადემიური დოქტორი - მაია პარკაული.

სიყვარულს დაცვა სჭირდება.თითოეული ჩვენი არჩევანი კვალს ტოვებს ჩვენს ცხოვრებაზე. XXI საუკუნეში, ჯანსაღი გადაწყვეტილების მიღებით, ჩვენ თავად შეგვიძლია შევქმნათ ისეთი ცხოვრება, როგორიც გვსურს... სასურველი ბავშვი, სასურველ დროს... და იმდენი შვილი რამდენიც გვინდა.


კონტრაცეფციის ეს ფორმა სიცოცხლის მანძილზე, შეიძლება ნებისმიერ ქალს, არაერთხელ დასჭირდეს. მიმიხვდით ალბათ - გადაუდებელ კონტრაცეფციას ვგულისხმობ.
გადაუდებელი კონტრაცეფცია გამოიყენება დაუცველი სქესობრივი კავშირის შემდეგ ორსულობის თავიდან ასაცილებლად, ამიტომ მას ზოგჯერ "მეორე დილის აბებსა" და "პოსტკოიტალურ კონტრაცეფციასაც" უწოდებენ, მაგრამ სჯობს, ტერმინი "გადაუდებელი კონტრაცეფცია" გამოვიყენოთ, რომელიც უკეთესად გამოხატავს მეთოდის არსს. ეს ტერმინი მიანიშნებს, რომ კონტრაცეფციის ამ სახეობის ხშირი გამოყენება არ არის საჭირო და არ გვიქმნის მცდარ წარმოდგენას, თითქოს აბები აუცილებლად სქესობრივი კონტაქტის მეორე დილას ან სქესობრივი აქტის დამთავრებისთანავე უნდა მივიღოთ.
გადაუდებელი კონტრაცეფციისთვის იყენებენ სხვადასხვა საშუალებებს:პროგესტინულ აბს, კოკს (კომბინირებულ ორალურ კონტრაცეპტივს), ანტიპროგესტერონს (მიფეპრისტონს - გინეპრისტონს), საშვილოსნოსშიდა საშუალებას (სპირალი).
მეცნიერული კვლევებით დადგენილია, რომ გადაუდებელი კონტრაცეფციის არც ერთი მეთოდი არ ახდენს ზემოქმედებას უკვე დამდგარ ორსულობაზე და არ იწვევს თვითნებით აბორტს. დღეს შევჩერდები კონტრაცეფციის ერთ - ერთი საშუალებაზე , ეს არის ანტიპროგესტერონი (გინეპრისტონი).

რა შეიძლება ითქვას გინეპრისტონის მოქმედების მექანიზმზე? მარტივად რომ ავხსნათ: თუ დაუცველი სქესობრივი აქტი იყო ოვულაციამდე, მაშინ გინეპრისტონი ბლოკავს ოვულაციის პროცესს - კვერცხუჯრედი არ ტოვებს ფოლიკულს, არ ხვდება სპერმატოზოიდს, შედეგად ორსულობა არ დგება. იმ შემთხვევაში თუ სქესობრივი აქტი განხორციელდა ოვულაციის შემდგომ, მაშინ გინეპრისტონი მოქმედებს ენდომეტრიუმზე (საშვილოსნოს ლორწოვან გარსზე, კერძოდ ის არ მომზადდება განაყოფიერებული კვერცხუჯრედის მისაღებად), ის არ ემაგრება ლორწოვანს და შესაბამისად ორსულობა არ დგება. გინეპრისტონი გამოირჩევა კარგი ამტანობით და გვერდითი ეფექტების დაბალი სიხშირით. თუმცა მკაცრად უნდა განისაზღვროს , რომ გინეპრისტონი არის ექსტრემალური კონტრაცეფციული საშუალება და არა ყოვედღიური კონტრაცეპტივი, ის არ გამოიყენება ორსულობის შეწყვეტისათვის. აღნიშნულ სიტუაციაში მოხვედრისას უმჯობესია გაიაროთ კონსულტაცია თქვენს პირად ექიმ- გინეკოლოგთან, ან მიმართოდ გამოცდილ ფარმაცევტს რომელიც მოგაწვდით სწორ და სრულ ინფორმაციას ამ პრეპარატის გამოყენებასთან დაკავშირებით.
გადაუდებელი კონტრაცეფცია უსაფრთხო მეთოდია. უკვე 20 წელიწადზე მეტია, რაც მას იყენებენ, რასაც რაიმე სერიოზული სამედიცინო გართულება არ მოჰყოლია. ასევე არ დადასტურებულა ანტიპროგესტერონის(მიფეპრისტონის, გინეპრისტონის,) კავშირი ნაყოფის სიმახინჯეებთან, თანდაყოლილ დეფექტებთან. გადაუდებელი კონტრაცეფცია არც ექტოპიური ორსულობის რისკს ზრდის.

ვინც ასეთ გამოუვალ სიტუაციაში ჩავარდნილა, ალბათ დამეთანხმება, რომ გადაუდებელ კონტრაცეფციას ბევრი დადებითი მხარე აქვს: ის სრულიად უსაფრთხოა; იოლად ხელმისაწვდომია- გაიცემა რეცეპტის გარეშე; ამცირებს აბორტის საჭიროებას; ამცირებს არასასურველი ორსულობის რისკს; გამოიყენება ახალგაზრდებთან, რომლებიც, ნაკლებად სავარაუდოა, პირველი სქესობრივი კავშირისთვის იყვნენ მომზადებულნი. და ასევე ფიზიოლოგიური ამენორეის , ძუძუთი კვების პერიოდში.

გადაუდებელი კონტრაცეფცია არასასურველი ორსულობის თავიდან ასაცილებლად გამოიყენება ისეთ შემთხვევებში, როგორებიცაა:
-სქესობრივი კავშირი კონტრაცეფციული საშუალების გარეშე;
-კონტრაცეპტივის გამოყენებასთან დაკავშირებული გაუთვალისწინებელი შემთხვევა - კონდომის გახევა ან ჩამოცურება
You must have Flash Player installed in order to see this player.
- ზედიზედ, ორი ჩასახვის საწინააღმდეგო აბის მიღების გამოტოვება - სქესობრივი აქტის წარუმატებელი შეწყვეტა - ციკლის ფერტილური დღის არასწორი გამოთვლა - საშვილოსნოსშიდა საშუალების გამოვარდნა და სხვა;
-სქესობრივი ძალადობისას, როდესაც ქალი არ იყო დაცული კონტრაცეფციული მეთოდით.
დაუცველი სქესობრივი აქტის შემდეგ პაციენტმა რაც შეიძლება სწრაფად (არა უგვიანეს 72-120 საათისა) უნდა მიიღოს:
* 1 აბი გინეპრისტონი 10 მგ ერთჯერადად.

გადაუდებელ კონტრაცეფციას მრავალი უპირატესობა აქვს. მისი უმთავრესი ღირსება ეფექტურობაა. მისი გამოყენებისას 100 ქალზე წელიწადში ორსულობის მხოლოდ 0,3-3% შემთხვევა მოდის. ის ხელს არ უშლის სქესობრივ კავშირს და ერთ-ერთი ყველაზე კონფიდენციალური მეთოდია. რაც მთავარია, შექცევადია - როცა მზად იქნებით, დაგეგმილად, ყოველგვარი სიურპრიზის გარეშე მოახერხებთ დაორსულებას. .ამ მეთოდის კიდევ ერთი დიდი ღირსება ის არის, რომ ხელსაყრელია მეძუძური დედებისთვის (მისი მიღება მშობიარობიდან 6 კვირის შემდეგ შეიძლება)ეს საკმაოდ მნიშვნელოვანია რადგან, როგორც უკვე ავღნიშნეთ, უნდა იცოდეთ , რომ მშობიარობის შემდგომ, მენსტრუაციის ციკლის აღდგენამდეც შესაძლებელია დაორსულება.
გახსოვდეთ, გამოსავალი ყოველგვარი ვითარებიდან არსებობს, მთავარია, ამის შესახებ იცოდეთ. ეცადეთ, არ დაგჭირდეთ გადაუდებელი კონტრაცეფციის გამოყენება, მაგრამ თუ მაინც აღმოჩნდით გამოუვალ მდგომარეობაში, უკვე იცით, როგორ მოიქცეთ.
მნიშვნელოვანია!
არ გამოიყენოთ პოსტკოიტალური კონტრაცეფცია, როგორც თავის დაცვის რეგულარული საშუალება. გადაუდებელი კონტრაცეფცია არ გიცავთ სექსუალური გზით გადამდები დაავადებებისგან.
არ შეშინდეთ, თუ პოსტკოიტალური კონტრაცეპტივის მიღების შემდეგ მენსტრუალური პერიოდი დაგიგვიანდათ. ეს კონტრაცეპტივის ერთ-ერთი შესაძლო გვერდითი ეფექტია. დაელოდეთ 5-7 დღე, ან ორსულობის დასადგენი ტესტი გამოიყენე.

დამატებითი ინფორმაციისათვის დაგვიკავშირდით ტელ: 240 24 44.

R
თარიღი : 20-02-2016
givi
ესეიგი აბორრული არ არის და თუ შეგიძლიათ სტატის ლინკი დადოთ სადაც კობტრაცეპტივებზეა საუბარი რომელიც აბორტს არ იწვევს
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მეცნიერების აზრით, ყოველდღიურად ჩაის მიღებისას დემენციის რისკი 50%-ით მცირდება. „დემენციის გენის“ არსებობისას კი ტვინში ტოქსიური ნადებების წარმოქმნის ალბათობა 86%-ით მცირდება. აღსანიშნავია, რომ შავი და მწვანე ჩაი ტვინისთვის ერთნაირად სასარგებლოა.
რედაქციაში ბევრი წერილი შემოდის, როდესაც მკითხველს აინტერესებს როგორ მოიშორონ კოჟრები. გეტყვით, რომ აფთიაქებში იყიდება კოჟრის (ე.წ. "მაზოლის") საწინააღმდეგო "პლასტირები". მის გამოყენებამდე უნდა გაიკეთოთ თბილი წყლის აბაზანა, შემდეგ კარგად გაიმშრალოთ ის ადგილი, სადაც კოჟრი გაქვთ
იაპონია მოსახლეობის დღეგრძელობის კუთხით მსოფლიო ლიდერის პოზიციებს კარგავს. მას მალე სამხრეთ კორეა გადაასწრებს. ჯანდაცვის მსოფლიო ორგანიზაციამ გადახედა თავის პროგნოზებს და მნიშვნელოვანი ანალიზი გაუკეთა 35 განვითარებულ ქვეყანაში სიცოცხლის ხანგრძლივობის მაჩვენებლებს.
ამ კატეგორიის სხვა სტატიები
რუსთავში, კლინიკა ,,რუსთავში" მშობიარობის დროს 28 წლამდე ასაკის ქალი გარდაიცვალა. მშობიარე სამშობიაროში გამთენიისას მიიყვანეს. წინასწარი ინფორმაციით, მშობიარობის დროს სანაყოფე წყლებით მოხდა ემბოლიის განვითარება.
ცხვირიდან სისხლდენა საკმაოდ ხშირად გვხვდება სამედიცინო პრაქტიკაში, მსუბუქი ფორმიდან დაწყებული (მინიმალური სისხლდენა და თვითშეჩერება) მძიმე შემთხვევის ჩათვლით (უხვი სისხლის დანაკარგი).რომელიც საფრთხის ქვეშ აყენებს პაციენტის სიცოცხლეს და საჭიროებს დროულ , კომპენტენტურ სამედიცინო ჩარევას. ყველაზე ხშირად ამ პრობლემას აწყდებიან -ოტოლარინგოლოგები და მოიხსენიებენ ტერმინით - ეპისტაქსისი, რომელიც ბერძნული წარმოშობის სიტყვაა (ბერძნ. ეპი ზედ, ზევიდან, სტაზო ჩამოვედინები).

როცა საუბრობენ მაფიის ბოსებზე, ხშირ შემთხვევაში მამაკაცებს გულისხმობენ, თუმცა არიან ქალები, რომლებიც კრიმინალურ ბანდებს მამაკაცებზე უკეთ მართავენ. არმოგიდგენთ მსოფლიოს ყველაზე ცნობილ მაფიოზ ქალებს.
ზაფხულის დადგომასთან ერთად მატულობს ნაწლავური ინფექციების სიხშირე. დიარეა - ნაწლავთა გახშირებული მოქმედება (24 სთ-ში 3 ჯერ და მეტად) შეცვლილი კონსისტენციის განავლით (შეიცავს სითხეს, ლორწოს, იშვიათად სისხლს), საკმაოდ ხშირი სიმპტომია, განსაკუთრებით ბავშვებში.
მოსკოვში დააკავეს ე.წ. "სიკვდილის კგუფის"- "ლურჯი ვეშაპის" ერთ-ერთი ადმინისტრატორი, რომელიც 26 წლისაა
რუსთავის ბავშვთა საავადმყოფოს პირველი სართულის ფანჯრიდან სამ წლამდე ასაკის ბავშვი გადავარდა. როგორც ,,ინტერპრესნიუსთან“ საუბარში რუსთავის ბავშვთა საავადმყოფოს დირექტორმა ნატო თოფურიამ განაცხადა, შემთხვევა დღეს დილით მოხდა.
17 მაისი 2017
ამერიკელ მეცნიერთა განცხადებით, დაბერების პროცესი 39 წლიდან იწყება. ამ ასაკიდან ადამიანის გონებრივი შესაძლებლობები რამდენადმე სუსტდება, ირღვევა საყრდენ-მამოძრავებელი აპარატის ფუნქციაც.
27 აპრილი 2017
მამაკაცები, რომლებსაც ქრონიკული შფოთვა აღენიშნებათ, 2-ჯერ უფრო ხშირად ავადდებიან ონკოლოგიური დაავადებებით, ვიდრე ის პირები, რომლებსაც ფსიქიკური დარღვევები არ აწუხებთ. ამაზე მეტყველებს კემბრიჯის უნივერსიტეტის მეცნიერთა მიერ მიღებული კვლევის შედეგები.
აშშ-ის რამდენიმე შტატში ჩატარებული გამოკითხვით გაირკვა, რომ დასაქმებულთა ნახევარზე (60 %-ზე) მეტი სამუშაო დღეების ყველაზე დიდ მინუსად მიღებულ სტრესს ასახელებს. გამოკითხულთა 25 %-ს მიაჩნია, რომ ჯანმრთელობაზე ნეგატიურ გავლენას სამუშაო პირობები ახდენს.
ალკოჰოლის მოხმარება მრავალი დაავადების პროვოცირებას უწყობს ხელს. ეთანოლის გარდა, ალკოჰოლური სასმელების შემადგენლობაში შეიძლება სხვა მავნე ნივთიერებებიც იყოს. განსაკუთრებით საყურადღებოა, ზოგიერთი სახეობის სპირტიან სასმელში, შაქრის მაღალი შემცველობა, რაც ტიპი 2 შაქრიანი დიაბეტის განვითარებას იწვევს.
რეგულარულ ვარჯიშს რომ უდიდესი მნიშვნელობა აქვს ორგანიზმის ჯანმრთელობის, ნერვული სისტემის განმტკიცების, ახალგაზრდობის შენარჩუნებისა და სიცოცხლის გახანგრძლივებისთვის, ყველამ კარგად იცის. ვარჯიშის მოყვარულ ფიზიკურად აქტიურ პირებს ბევრ გამორჩეულ ნიშანთან ერთად კუნთოვანი სისტემა და კანიც უფრო ჯანსაღი აქვთ.