ახალ სახსარსა და ცხვირს სპეციალურ პრინტერზე დაბეჭდავენ
სამგანზომილებიანი ბეჭდვით. ეს არის ცხვირის, მუხლის ან ყურის აღსადგენი პერსონალიზებული იმპლანტანტების რეალური პერსპექტივა. ტექნოლოგია წარმატებულად შემოწმდა თაგვებზე.
როგორც უკვე აღინიშნა, საფუძველი ბიომელანია, რომლის მისაღებად მეცნიერებმა ერთმანეთს შეურიეს ყავისფერი წყალმცენარეების პოლისაქარიდები, ცელულოზის ფიბრილები და ადამიანის ქონდროციტები (ხრტილის უჯრედები). აღნიშნული ნარევის დაბეჭდვა მოხერხდა განსაკუთრებული არქიტექტურის (მაგალითად, ყურის ფორმა) გამოყენებით. რაც ყველაზე მნიშვნელოვანია, მელანი მიცემულ ფორმას ინარჩუნებდა დაბეჭდვის შემდეგაც. უფრო მეტიც, მელნით დაბეჭდილი უჯრედები იწყებდნენ ხრტილოვანი ქსოვილის წარმოებას.
თუმცა არსებობს შეზღუდვა: იმისათვის, რომ მეთოდმა იმუშაოს, საჭიროა დაბეჭდილი უჯრედების შემანარჩუნებელი საკვები ხსნარის შეცვლა და ზრდის ფაქტორების დამატება. მეცნიერებმა შეძლეს დაბეჭდილი ქსოვილების ცხოველებისთვის გადანერგვა. ცოცხალ ორგანიზმში უჯრედები ნორმალურად ფუნქციონირებდნენ. ხრტილოვანი უჯრედების რაოდენობის გასაზრდელად, სპეციალისტებმა ქონდროციტები ადამიანის ძვლის ტვინის მეზენქიმალურ ღეროვანუჯრედებს შეურიეს, რამაც კარგად იმუშავა.
ლალი ჩხიკვაძე