დაბინძურებული საკვები პროდუქტების სწრაფად აღმოჩენა უკვე რეალურია
აღნიშნული ბაქტერია წარმოადგენს კვებითი მოშლილობისა და საკვებისმიერი მოწამვლის ერთ-ერთ ყველაზე ხშირ მიზეზს. ის მარტივად აზიანებს საკვებ პროდუქტებს.
საკვების შემოწმების ტრადიციული მეთოდიკა 24 საათს მოიცავს, რაც საკმაოდ ხანგრძლივია. ამ დროის მანძილზე დაბინძურებული პროდუქტები, მთელი ქვეყნის მასშტაბით, თავსდება მაღაზიების თაროებზე. არსებობს ტესტირების უფრო სწრაფი მეთოდებიც, მაგრამ მათ გარკვეული შეზღუდვები ახასიათებს. მაგალითისთვის, მაგნიტურ-რეზონანსული კვლევით შესაძლებელია მცირე კონცენტრაციის პათოგენების აღმოჩენა, თუმცა მაღალი კონცენტრაციისას მეთოდი ეფექტურად აღარ მუშაობს. პათოგენების ფლუორესცენტური მარკირება კი, პირიქით მცირე კონცენტრაციას ვერ აღიქვამს.
ახალი სენსორის შექმნით, მეცნიერებმა ორი ტექნიკის შეერთება გადაწყვიტეს. გამოვიდა ჰიბრიდი, რომელიც მოიცავს როგორც მაგნიტურ რეზონანსს, ისე ფლუორესცენციას. სენსორით რძის შემოწმებამ აჩვენა, რომ ხელსაწყო სხვადასხვა კონცენტრაციის ნაწლავის ჩხირს „გრძნობდა“ ერთი საათის განმავლობაში. გამოვლენილ პათოგენებს შორის იყო განსაკუთრებით საშიში შტამი, როგორიცაა O157:H7. ხელსაწყოს ძირითადი პლუსი არის ის, რომ მისი მომართვა სხვა პათოგენების ძებნაზეც შესაძლებელია.
ლალი ჩხიკვაძე