სოფელ ტყვიავში დაჭრილი 20 წლის ახალგაზრდის ჯანმრთელობის მდგომარეობა მძიმეა
სამედიცინო ცენტრ „გორმედის" ქირურქის, დავით გასიტაშვილის თქმით, პაციენტს ქირურგიული ოპერაცია ჩაუტარდა. დაჭრილს ბასრი საგნით მიყენებული დაზიანებები მუცლის არეში აღენიშნება.
გუშინ გორის მუნიციპალიტეტის სოფელ ტყვიავიდან გორის საავადმყოფოებში სასწრაფო დახმარების ჯგუფებმა ორი ახალგაზრდა გადაიყვანეს. ორივე მათგანს სხეულზე ბასრი საგნით მიყენებული ჭრილობები აღენიშნება. დაშავებულები ძმები არიან. ერთ-ერთი დაჭრილი სამედიცინო ცენტრ ,,გორმედის" სტაციონარში მოათავსეს, სადაც მას ქირურგიული ოპერაცია ჩაუტარდა, მეორე კი - გორის სამხედრო ჰოსპიტალში გადაიყვანეს.
დაშავებული ძმებიდან ერთი 20 წლის, მეორე კი 22 წლისაა. მომხდარის მიზეზი და დეტალები უცნობია. შემთხვევის ადგილზე საგამოძიებო მოქმედებები ჩატარდა.