ჯანდაცვის სამინისტროს ინფორმაციით, ავარიის შედეგად, თელავის რეფერალურ ჰოსპიტალში 21 პაციენტია მოთავსებული, მათგან 12 ბავშვია
როგორც "ინტერპრესნიუსს" ჯანდაცვის სამინისტროდან აცნობეს, გომბორში მომხდარი ავტოსაგზაო შემთხვევის შედეგად დაშავებულებს ჯანდაცვის მინისტრი მოინახულებს.
"დავით სერგეენკო პირველ მოადგილესთან, ზაზა ბოხუასთან და საგანგებო სიტუაციების კოორდინაციისა და გადაუდებელი დახმარების ცენტრის დირექტორთან, ავთანდილ თალაკვაძესთან ერთად ადგილზე გაეცნობა დაშავებულთა ჯანმრთელობის მდგომარეობას.
ამ დროისთვის, თელავის რეფერალურ ჰოსპიტალში 21 პაციენტია მოთავსებული, ამათგან - 12 ბავშვი", - ნათქვამია სამინისტროს ინფორმაციაში. წაიკითხეთ: შსს-ს ინფორმაციით, გომბორზე მომხდარი ავარიის შედეგად 4 ადამიანი დაიღუპა და 16 დაშავდა