ქარელის სამშობიაროში დედა და ახალშობილი გარდაიცვალნენ
ჯანდაცვის სამინისტროს რეგულირების სააგენტოს კონტროლის დეპარტამენტი საკითხის შესწავლას გეგმავს.
როგორც „ინტერპრესნიუსს“ ჯანდაცვის სამინისტროს რეგულირების სააგენტოს კონტროლის დეპარტამენტის უფროსმა ნინო ხუციშვილმა განუცხადა, სააგენტომ სასამართლოს მიმართა იმისთვის, რომ კლინიკაში აღნიშნული შემთხვევის შესამოწმებლად ნებართვა მიიღოს.
„ჩვენთან შემოდის გარდაცვალების შესახებ შეტყობინება. ამ შეტყობინების საფუძველზე მივმართეთ სასამართლოს. შესვლისა და შესწავლის თაობაზე როგორც კი სასამართლთლოსგან ნებართვას მივიღებთ, შევალთ დაწესებულებაში და დავიწყებთ საკითხის შესწავლას“, - განაცხადა ნინო ხუციშვილმა.
ნინო ხუციშვილის ინფორმაციით, ქარელის სამშობიაროში დედა და ახალშობილი გუშინ გარდაიცვალნენ.