ქუთაისის 37-ე სკოლის შვიდმა მოსწავლემ, რომელიც გუშინ მოიწამლა, საავადმყოფო დატოვა
მოსწავლეების ჯანმრთელობის მდგომარეობა დამაკმაყოფილებელია და მათ საავადმყოფო შესაბამისი მკურნალობის გავლის შემდეგ, წუხელ დატოვეს. თუ რამ გამოიწვია მათი ინტოქსიკაცია ჯერჯერობით უცნობია.
მოწავლეების მოწამვლის ერთ-ერთ სავარაუდო მიზეზად სასმელი წყალი სახელდება, რომლის ლაბორატორიულ კვლევას სურსათის ეროვნული სააგენტო აწარმოებს. პარალელურად დაწყებულია წინასაგამოძიებო მოკვლევა.
შეგახსენებთ, გუშინ დღის მეორე ნახევარში სკოლის შვიდი მოსწავლე საავადმყოფოში ღებინების და თავბრუსხვევის სიმპტომებით მოხვდა. 4 ბავშვი საავადმყოფოში უშუალოდ სკოლიდან, 3 კი სახლიდან მიიყვანეს.