ექიმებმა 11 თვის ბიჭუნას 15-სანტიმეტრიანი კუდი მოკვეთეს
სპეციალისტთა განმარტებით, სწორედ ამ ეტაპზე რაღაც არასწორად წარიმართა და ბავშვის ხერხემალი დეფორმირდა.
ჩინელი ბიჭუნა 11 თვისაა, ხოლო მისი კუდი 15 სანტიმეტრს აღწევს. ეს მაჩვენებელი რეკორდულად შეიძლება ჩაითვალოს ანალოგიურ ატავიზმებს შორის. ბავშვის ახლობლები მას "პატარა მაიმუნს" ეძახდნენ დაბადების დღიდან და უარს აცხადებდნენ წანაზარდის მოკვეთაზე. თუმცა, ოპერაცია მაინც ჩატარდა, რადგან კუდის გამო ბავშვს ფეხებში სისუსტე განუვითარდა.
საყურადღებოა, რომ კუდის გარდა ბიჭუნას მალებზე ხვრელები აღენიშნებოდა, რომლებშიც დამცველი მემბრანები მოჩანდა. შედეგად პატარას განუვითარდა მენინგოცელე - ხერხემლის განვითარების ანომალია, რომელსაც კუდის სახე ჰქონდა.
ისიც აღსანიშნვია, რომ ბავშვის დაბადებამდე, დედის თქმით, ექიმებმა ვერ შენიშნეს განვითარების ეს მანკი, შესაბამისად, მას მოსალოდნელ პრობლემაზე არ აფრთხილებდნენ. საკეისრო კვეთის შემდეგ საბრალო ქალმა შვილის კუდის დანახვაზე შოკი მიიღო. თუმცა, ახალშობილის ბებია და რამდენიმე ახლობელი პირიქით, მოხარულნი დარჩნენ, იმ მოტივით, რომ ეს ბავშვს მომავალში ფინანსურ სარგებელს მოუტანდა. რამდენიმე თვეში ბავშვის ჯანმრთელობის მდგომარეობა იმდენად გაუარესდა, რომ კუდის მოკვეთა გარდაუვალი გახდა.
თინათინ გოცაძე