აშშ მარიხუანას სრულ ლეგალიზაციას არ ჩქარობს
აღნიშნული ფაქტი წინააღმდეგობაში მოდის იმასთან, რომ ცალკეულ შტატში მარიხუანას სამედიცინო ჩვენებებით ნიშნავენ. საგულისხმოა, რომ რამოდენიმე ათეული წელია მარიხუანა, ჰეროინთან ერთად, აკრძალული ნივთიერებების პირველ სიაშია. იგი მაღალი ხარისხის ალბათობით იწვევს დამოკიდებულების განვითარებას და აშშ-ში არ გამოიყენება ზოგად კლინიკურ პრაქტიკაში. თუმცა, ამერიკის 25 შტატში დაშვებულია მარიხუანას სამედიცინო მიზნით გამოყენება. თითოეული ამ შტატის ფარგლებში, ექიმებს შეუძლიათ პაციენტებისთვის მისი დანიშვნა, ხოლო მწარმოებლებსა და მომწოდებლებს მარიხუანას გაყიდვა, თუმცა ფედერალურ დონეზე მარიხუანა აკრძალულია, ასე რომ დანიშვნა შეიძლება დაპატიმრებით ან სხვა სანქციებით დასრულდეს. თავის მხრივ, DEA-მ ჯანდაცვის სამინისტროს საკითხის სამედიცინო და სამეცნიერო შესწავლა სთხოვა. ჯანდაცვის სამინისტროს დასკვნით, მარიხუანას ბოროტად გამოყენების რისკი მაღალია და ზოგად კლინიკურ პრაქტიკაში მისი დანიშვნა უსაფრთხოების თვალსაზრისით არაა მისაღები. ლალი ჩხიკვაძე