მეცნიერთა დასკვნით, თმის საღებავი ლიმფოიდური ქსოვილის კიბოს იწვევს
- ასეთ დასკვნამდე მივიდნენ ამერიკელი მეცნიერები 10.000-ზე მეტი ადამიანის გამოკვლევის შედეგად.
იელის უნივერსიტეტის თანამშრომელმა იავეი ჩანგმა და მისმა კოლეგებმა დაადგინეს, რომ კიბოსადმი უფრო მეტად არიან მიდრეკილნი ის ქალები, რომლებიც 1980 წლამდე გამოშვებულ თმის საღებავებს იყენებდნენ. ამასთანავე, ფოლიკულური ლიმფომის განვითარების ალბათობა მათ 40%-ით მეტი აქვთ, ხოლო B-უჯრედოვანი ქრონიკული ლიმფოლეიკოზისა - 50%-ით მეტი. რაც შეეხება 1980 წლის შემდეგ გამოშვებულ საღებავებს, მკვლევართა თქმით, რისკის მატება მხოლოდ მუქ ნაირსახეობათა მოხმარებისას აღინიშნება. მათი რეგულარული გამოყენებისას ფოლიკულური ლიმფომის განვითარების რისკი 50%-ით იზრდება. ცნობისთვის: რამდენიმე წლის წინ გაირკვა, რომ თმის საღებავში შემავალი კანცეროგენული ნივთიერებები პარიკმახერ მამაკაცებში შარდის ბუშტის კიბოს განვითარების ალბათობას ზრდის.