უნივერსალური ტესტი კიბოს სადიაგნოსტიკოდ
სპეციალისტების თქმით, აღნიშნული ტესტი რეალურად შეცვლის პაციენტების ცხოვრებას, რადგან ოპერციული ჩარევისა თუ კონსერვატული მკურნალობის შესახებ გადაწყვეტილების მიღება უმოკლეს ვადებში იქნება შესაძლებელი.
საქმე ის გახლავთ, რომ სპეციალისტებმა შეძლეს კიბოსთვის დამახასიათებელი დნმ-ის გენეტიკური მუტაციის გამოყოფა 10-დან შვიდ პაციენტში. მოგვიანებით ამ პაციენტებში დადასტურდა სიმსივნის არსებობა. დნმ მიიღეს სისხლის პლაზმისგან. შეისწავლეს და გააანალიზეს სამი გავრცელებული გენეტიკური მუტაციის არსებობა. მუტაციაზე შესწავლილ იქნა ასევე სიმსივნური ქსოვილიც. აღმოჩნდა, რომ ხსენებული მუტაციები ჯანმრთელი ადამიანების სისხლში არ აღინიშნებოდა.
როგორც სპეციალისტები აცხადებენ, სისხლის ეს ანალიზი შესაძლოა ბიოფსიის სრულფასოვან ალტერნატივად განვიხილოთ. ის, გარდა იმისა, რომ ხელს შეუწყობს ჯანდაცვის სისტემის მიერ გამოყოფილი ფინანსების დაზოგვას, დაიცავს პაციენტებს მტკივნეული და არასასურველი პროცედურებისგან.
რაც მთავარია, ტესტი უნვერსალურია: ფილტვის კიბოს საწყისი ან მეორეული ფორმის მქონე პაციენტებს აღენიშნებოდათ ისეთივე გენეტიკური თავისებურებანი, როგორიც სხვა სახის კიბოთი დაავადებულებს, მაგალითად, კოლორექტალური სიმსივნის მქონე პირებს.
თინათინ გოცაძე