მსახიობი ჰიუ ჯეკმანი კანის კიბოსთან აქტიურ ბრძოლას განაგრძობს
მსახიობმა საკუთარ Instagram-ზე ყველას მოუწოდა მზისგან დამცავი კრემის გამოყენებისა და კანის რეგულარული სამედიცინო კონტროლისაკენ.
ახლა მსახიობი კანის კიბოს მკურნალობის მეხუთე ეპიზოდს გადის. 2013 წლის ნოემბერში მას (ჯეკმანის მეუღლემ შეამჩნია ხალზე საეჭვო ნიშნები ცხვირის მიდამოში) ბაზალურ-უჯრედოვანი კარცინომის დიაგნოზი დაუსვეს. მსახიობმა აღიარა, რომ არასოდეს იყენებდა მზისგან დამცავ კრემებს.
ბაზალურ-უჯრედოვანი კარცინომა ავთვისებიანი სიმსივნეა, რომელიც ვითარდება ეპიდერმისის ქვედა ფენიდან. როგორც წესი, ის კანის იმ უბანზე ჩნდება, რომელიც მზის სხივების ზემოქმედების ქვეშაა. სიმსივნის ზრდის ტემპი ვარიაბელურია. აღსანიშნავია, რომ ბაზალიომა ორგანოებში მეტასტაზებს არ წარმოქმნის და აზიანებს მხოლოდ ირგვლივ მდებარე ქსოვილებს.
ლალი ჩხიკვაძე