იძლევა თუ არა 100 პროცენტიან სურათს კიბოს სკრინინგი
ეს არის სიმსივნური უჯრედების მიერ წარმოებული და ბიოლოგიურ სითხეებში სეკრეცირებული ნივთიერებები, რომლებიც მაკრომოლეკულებს წარმოადგენს (ძირითადად ცილები, ნახშირწყლოვანი ან ლიპიდური კომპონენტებით). ნორმალური უჯრედების მიერ პროდუცირებული ნაერთებისგან ონკომარკერები გამოირჩევიან ხარისხობრივად (სიმსივნოსპეციფიური) ან რაოდენობრივად (სიმსივნესთან ასოცირებული, მაგრამ ნორმალურ უჯრედებშიც არსებული).
ონკომარკერების შემცველობაზე კვლევა ინიშნება მხოლოდ ექიმ-ონკოლოგის მიერ, ყოველ კონკრეტულ კლინიკურ სიტუაციაში, სხვა სახის გამოკვლევებთან ერთად. ეს კეთდება უკვე დიაგნოსტირებული ონკოლოგიური დაავადების მიმდინარეობის მონიტორინგისათვის, ჩატარებული თერაპიის ან ქირურგიული ჩარევის ეფექტურობის შეფასებისათვის, დაავადების მიმდინარეობის პროგნოზირების, რეციდივის გამოსავლენად და მაღალი რიკის მქონე პაციენტების გამოსაკვლევად. არც ერთ ცნობილ ონკომარკერს არ ახასიათებს აუცილებელი სპეციფიურობა და მგრძნობელობა საიმისოდ, რომ სიმსივნის სკრინინგისათვის ასი პროცენტით ეფექტურად ჩაითვალოს.
ლალი ჩხიკვაძე