რამდენი უნდა ეძინოს ბავშვს ასაკის მიხედვით
1-2 წლის ასაკოვან ჯგუფში ნორმა11-14 საათია, 3-5 წლის ბავშვებისთვის - 10-13 საათი, 6-დან 12 წლამდე ასაკის ბავშვებისთვის 9-12 საათი, ხოლო ყმაწვილობის ასაკისთვის საკმარისია 8-10 საათიანი ძილი.
დროის აღნიშნული ნორმები განისაზღვრა ათთვიანი კვლევის შედეგებით. ძილის ხანგრძლივობასა და ბავშვის ჯანმრთელობას შორის კავშირი უდავოა. რეგულარული და ხარისხიანი ძილი აუმჯობესებს მეხსიერებას, ყურადღების კონცენტრაციის უნარს, ქცევას, ბავშვის ფსიქიურ და ფიზიკურ ჯანმრთელობას, ზრდის სწავლაში წარმატების ხარისხს.
თავის მხრივ, ძილის უკმარისობა უარყოფითად აისახება აღნიშნულ მაჩვენებლებზე, იზრდება უბედური შემთხვევების, ტრავმების, ჰიპერტონიის, სიმსუქნის, დიაბეტის რისკი და ფსიქიკის პრობლემები. მეცნიერების აზრით, აუცილებელია ძილთან დაკავშირებული სწორი ჩვევები ბავშვობიდანვე ჩამოგვიყალიბდეს.
ლალი ჩხიკვაძე