ასაკოვან მამაკაცებში ფეხბურთი გულსისხლძარღვთა დაავადებებისა და შაქრიანი დიაბეტის განვითარების რისკს ამცირებს
63-დან 75 წლის ასაკის მამაკაცებისთვის. ფეხბურთი ამცირებს გულსისხლძარღვთა დაავადებებისა და შაქრიანი დიაბეტის განვითარების რისკს.
მკვლევარები მამაკაცებს ერთი წლის განმავლობაში აკვირდებოდნენ. ყველა მოხალისე ვარჯიშობდა 52 კვირის განმავლობაში. მონაწილეების უმრავლესობა კვლევის დასრულებიდან 2 წლის შემდეგაც აგრძელებდა ერთმანეთთან ფეხბურთის თამაშს კვირაში 2-ჯერ. ანალიზმა აჩვენა, რომ ფეხბურთის თამაშის დაწყებიდან 4 თვის შემდეგ, მამაკაცთა გულსისხლძარღვთა სისტემის მდგომარეობა 15% გაუმჯობესდა.
გარდა ამისა, მოხალისეთა შრომის უნარი გაუმჯობესდა 43%, ხოლო ფუნქციური შესაძლებლობა გაიზარდა 30%. ერთი წლის შემდეგ სხეულის მასის ინდექსი შემცირდა 3%. ამასთან, მათმა ორგანიზმმა უკეთ გააკონტროლა სისხლში შაქრის დონე და გაუმკლავდა თავისუფალ რადიკალებს.
ლალი ჩხიკვაძე