ბრონქული ასთმისა და ქრონიკული ბრონქიტის სამკურნალო ვარჯიშები - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ბრონქული ასთმისა და ქრონიკული ბრონქიტის სამკურნალო ვარჯიშები

. მისმა ავტორებმა, დედა-შვილმა სტრელნიკოვებმა, შემთხვევით აღმოაჩინეს, რომ ვარჯიში ხსნიდა მოხრჩობის შეტევას. დროთა განმავლობაში გაირკვა, რომ ეს მეთოდიკა ეფექტიანია ბრონქული ასთმის, ქრონიკული პნევმონიის, ქრონიკული ბრონქიტის, ქრონიკული სურდოსა და ჰაიმორიტის, გრიპის, ჰიპერტონიის და ჰიპოტონიის დროს.

სტრელნიკოვას ვარჯიშებს პარადოქსულს იმიტომ უწოდებენ, რომ ჩასუნთქვა და ამოსუნთქვა ისეთ მოძრაობებთან ერთად ხდება, რომლებიც აძნელებს სუნთქვის ამ ფაზას: გულმკერდის შეკუმშვისას (ხელების ერთმანეთთან მიახლოება გულმკერდის ყაფაზის წინ, წინ დახრა) სრულდება ჩასუნთქვა, ხოლო გაფართოებისას (ხელების გაშლა, წელში გამართვა) - ამოსუნთქვა.

ჩასუნთქვა

ხმაურიანი, მოკლე, მკვეთრი (ტაშის შემოკვრის მსგავსი) ჩასუნთქვა ისე უნდა განახორციელოთ, თითქოს კვამლს ან ნამწვს ყნოსავდეთ ან სრუტუნებდეთ. ჩააქსოვეთ მასში ემოცია - გაკვირვება, აღტაცება, სიძულ-ვილი. ჩასუნთქვისას ტუჩები მოკუმეთ, მაგრამ დაუძაბავად. ეცადეთ, არ გამოიყენოთ ის კუნთები, რომ-ლებიც, ჩვეულებრივ, მონაწილეობენ სუნთქვის აქტში: არ გამობეროთ მუცელი (მუცლით სუნთქვა), არ ასწიოთ მხრები, არ გაასწოროთ გულმკერდის ყაფაზი. თუ ზომაზე მეტი ჰაერი ჩაისუნთქეთ, თავბრუ დაგეხვევათ ან უბრალოდ დისკომფორტს იგრძნობთ. ვარჯიშის მიზანი სწორედ ის არის, რომ ბევრო ჰაერი არ ჩაისუნთქოთ. სწორედ ამიტომ სრულდება ჩასუნთქვისას ისეთი მოძრაობები, რომლებიც გულმკერდის ყაფაზს ბოჭავს და ჩასუნთქვას აძნელებს.

ამოსუნთქვა

ამოსუნთქვა სრულდება პირით, ბუნებრივად და თავისუფლად, თითქოს ჰაერი თავისთავად ამოდის ფილტვებიდან. ამოუშვით, რამდენიც ამოვა. ჰაერის დაბრკოლება მეორე უხეში შეცდომაა. ჩასუნთქვა-ამოსუნთქვა ისე უნდა განახორციელოთ, თითქოს პირით რეზინის სალტეს ბერავდეთ, წუთში 60-70-ჯერ. ამასთანავე, აუცილებელი არ არის, თავიდანვე სრული კომპლექსი შეასრულოთ. ისუნთქეთ დისკომფორტის გაჩენამდე. ჩასუნთქვა-ამოსუნთქვათა რიცხვი თანდათანობით, გეომეტრიული პროგრესიით უნდა გაიზარდოს: თავდაპირველად - მინიმუმ 2 ჩასუნთქვა-ამოსუნთქვა, მომდევნო საფეხურზე - 4, შემდეგ - 8, 16, 32 და ა.შ. აუცილებლად დაითვალეთ!

უკუჩვენება

სტრელნიკოვას ვარჯიშების ჩატარება არ შეიძლება მაღალი ხარისხის მიოპიის, გლაუკომის, მეტისმეტად მაღალი არტერიული წნევის დროს. გარდა ამისა, აკრძალულია ამ ვარჯიშების ჩატარება სხვა, განსაკუთ-რებით - იოგას სისტემის ან ჩინური ცი-გუნ-თერაპიის სუნთქვითი ვარჯიშების პარალელურად. დავაზუ-სტებთ: აკრძალვა მხოლოდ სუნთქვით ვარჯიშებს ეხება. ჩვეულებრივი გამაჯანსაღებელი ვარჯიშები სტრელნიკოვას ვარჯიშებთან სავსებით თავსებადია.

ვარჯიშის მეთოდიკა

თავდაპირველად შეეცადეთ, აითვისოთ ორი ძირითადი პრინციპი - აქტიური ემოციური ხანმოკლე ჩასუნთქვა და პასიური თავისუფალი ამოსუნთქვა, შემდეგ კი პარადოქსულ ვარჯიშებზე გადადით.

1. ატრიალეთ თავი აქეთ-იქით. ყოველი მოძრაობის ბოლოს ჩაისუნთქეთ ცხვირით სწრაფად და ხმაურიანად, ისე, რომ ნესტოები კი არ გაიბეროს, ერთმანეთს მიეკრას. თავდაპირველად შეგიძლიათ ივარჯიშოთ სარკის წინ. ტემპი: 1 ჩასუნთქვა წამში ან უფრო სწრაფად. ამოსუნთქვა ხდება ავტომატურად, ოდნავ ღია პირით. ეს წესი ეხება ყველა ვარჯიშს.

2. "ყურები": დახარეთ თავი აქეთ-იქით. ყოველი მოძრაობის ბოლოს მკვეთრად ჩაისუნთქეთ.

3. "პატარა ქანქარა": ამოძრავეთ თავი წინ და უკან. ყოველი მოძრაობის ბოლოს შეასრულეთ ხანმოკლე ჩასუნთქვა.

ეს სამი ვარჯიში თავისებური მოთელვაა.

4. "მოხვიე ხელები": იდაყვებში მოხრილი ხელები ასწიეთ მხრების დონეზე, გადააჭდეთ ერთმანეთს გულმკერდზე და ისევ დააცილეთ (ზემოდან მორიგეობით უნდა მოხვდეს ხან მარჯვენა, ხან მარცხენა ხელი). ხელების შემხვედრი მოძრაობისას ფილტვების ზედა ნაწილი იბოჭება. ამ დროს ჩაისუნთქეთ ძალიან ხმაურიანად და სწრაფად.

5. "ტუმბო": კორპუსით ზამბარისებურად დაიხარეთ და გაიმართეთ. მოძრაობის სულ ქვედა წერტილში სწრაფად ჩაისუნთქეთ. მეტისმეტად დაბლა დახრა აუცილებელი არ არის. არც ბოლომდე გამართვაა საჭირო.

6. ზამბარისებრი დახრა უკან: ხელები მკერდზე ერთმანეთს გადააჭდეთ (ისე, როგორც მეოთხე ვარჯიშში). მოძრაობის უკიდურეს წერტილში ჩაისუნთქეთ.

7. ზამბარისებრი ჩაჯდომა - ცალი ფეხი წინ გადგით, მეორე - უკან. სწრაფად ჩაჯექით და სწრაფადვე გასწორდით. დროდადრო ფეხები შეანაცვლეთ. ჩაჯდომისას დაბლა დაშვებული ხელები შეაერთეთ. ჩაისუნთქეთ ხელების შეერთებისას.

8. "დიდი ქანქარა": დაიხარეთ წინ და უკან ქანქარას პრინციპით. ჩაისუნთქეთ დახრის უკიდურეს მომენტში. უკან გადახრისას ხელები გულმკერდზე ერთმანეთს გადააჭდეთ.

როდესაც ამ ვარჯიშებს კარგად დაეუფლებით, შეგიძლიათ, ივარჯიშოთ შემდეგი სქემით:

პირველი კურსი

ვარჯიში 1. წყება:

8 ჩასუნთქვა 2-ჯერ.

წყება 5-6-წამიანი პაუზებით გაიმეორეთ სამჯერ.

ვარჯიშებს შორის პაუზა - 10-12 წამი.

ვარჯიში 4. 2X8 (სამი წყება)

ვარჯიში 5. 2X8 (ექვსი წყება)

ვარჯიში 7. 2X8 (ექვსი წყება)

ამრიგად, ერთ წყებაში სრულდება 288 ჩასუნთქვა-ამოსუნთქვა. ამას დაახლოებით 5-6 წუთი სჭირდება. თვლა რომ გაგიადვილდეთ, წაიღიღინეთ რაიმე რიტმული მელოდია.

მეორე კურსი

ვარჯიში 1. 4X8 (ორი წყება)

ვარჯიში 2. 4X8 (ერთი წყება)

ვარჯიში 4. 4X8 (სამი წყება)

ვარჯიში 5. 4X8 (ერთი წყება)

ვარჯიში 6. 4X8 (ერთი წყება)

ვარჯიში 7. 4X8 (ექვსი წყება)

სულ - 576 ჩასუნთქვა ერთ ვარჯიშზე, ხანგრძლივობა - 9-10 წუთი.

მესამე კურსი

ვარჯიში 1. 4X8 (სამი წყება)

ვარჯიში 2. 4X8 (ორი წყება)

ვარჯიში 3. 4X8 (ერთი წყება)

ვარჯიში 4. 4X8 (ორი წყება)

ვარჯიში 5. 4X8 (ოთხი წყება)

ვარჯიში 6. 4X8 (სამი წყება)

ვარჯიში 7. 4X8 (ორი წყება)

სულ - 672 ჩასუნთქვა-ამოსუნთქვა, ხანგრძლივობა - 10-11 წუთი.

მეოთხე კურსი

ვარჯიში 1. 4X8 (სამი წყება)

ვარჯიში 2. 4X8 (სამი წყება)

ვარჯიში 3. 4X8 (ორი წყება)

ვარჯიში 4. 4X8 (სამი წყება)

ვარჯიში 5. 4X8 (ორი წყება)

ვარჯიში 6. 4X8 (ორი წყება)

ვარჯიში 7. 4X8 (ორი წყება)

ვარჯიში 8. 4X8 (ერთი წყება)

მეხუთე კურსი

ვარჯიში 1. 6X8 (ორი წყება)

ვარჯიში 2. 6X8 (ორი წყება)

ვარჯიში 3. 4X8 (ორი წყება)

ვარჯიში 4. 10X8 (ერთი წყება)

ვარჯიში 5. 10X8 (სამი წყება)

ვარჯიში 6. 10X8 (ერთი წყება)

ვარჯიში 7. 6X8 (ორი წყება)

ვარჯიში 8. 6X8 (ორი წყება)

მეექვსე კურსი

ვარჯიში 1. 6X8 (ორი წყება)

ვარჯიში 2. 6X8 (ორი წყება)

ვარჯიში 3. 6X8 (ორი წყება)

ვარჯიში 4. 12X8 (ორი წყება)

ვარჯიში 5. 4X8 (ერთი წყება)

ვარჯიში 6. 12X8 (სამი წყება)

ვარჯიში 7. 6X8 (ორი წყება)

ვარჯიში 8. 8X8 (ორი წყება)

სულ - 992 ჩასუნთქვა-ამოსუნთქვა. ხანგრძლივობა - 15 წუთი. ასეთ დატვირთვას პირველი თვის ბოლოს მიაღწევთ. შეგიძლიათ, ამაზე შეჩერდეთ. თუ სწორად ვარჯიშობთ, პულსი თანაბარი უნდა იყოს და არ უნდა აღემატებოდეს 100 დარტყმას წუთში. თავბრუხვევა შესაძლოა გამოწვეული იყოს ორი შეცდომით - მეტისმეტად ღრმა და ხანგრძლივი ჩასუნთქვით ან ჰაერის შეკავებით. ყურადღება მიაქციეთ იმას, რომ მხრები და თავი ჩასუნთქვისას ოდნავ დახრილი იყოს. ვარჯიშის სწორი შესრულებისას შესაძლოა უჩვეულო შეგრძნება დაგეუფლოთ. თუ ეს მსუბუქი ეიფორიაა, საშიში არაფერია, ხოლო თუ შეგრძნება უსიამოვნოა, ვარჯიში უნდა შეწყვიტოთ - დროებით ან სამუდამოდ.