როგორი უნდა იყოს ხანში შესულთა ფიზიკური აქტივობა - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორი უნდა იყოს ხანში შესულთა ფიზიკური აქტივობა

თანამედროვე სამყაროში კარგად არის ცნობილი ჰიპოდინამიის მავნებლობა, მათ შორის - ხანდაზმულებთანაც. 65 წელს გადაცილებულ ადამიანებთან დაბალანსებული ფიზიკური აქტივობის გარეშე ჩქარდება დაბერების პროცესები, იზრდება გულის იშემიური დაავადების, ჰიპერტონიის, ინსულტის, ვესტიბულოპათიის, მსხვილი ნაწლავის, სარძევე ჯირკვლის კიბოს, ოსტეოპოროზის, ზედა და ქვედა კიდურების მადეფორმირებელი ართროზის, ნივთიერებათა ცვლის, კოგნიტური ფუნქციების დარღვევის, დეპრესიის რისკი. რეგულარული ფიზიკური აქტივობა ხანში შესული ადამიანების ჯანმრთელობის განმსაზღვრელია.

ფიზიკური აქტივობა აწესრიგებს და ააქტიურებს თავის ტვინის სისხლის მიმოქცევას, ზრდის მიოკარდიუმის კუმშვადობის ფუნქციას. ფიზიკური დატვირთვისა და ინტენსიური მოძრაობისას იხსნება სარეზერვო კაპილარები, რის ხარჯზეც უმჯობესდება კორონარული სისხლის მიმოქცევა.

ხანდაზმულ ასაკში მოძრაობის აქტივობისას იზრდება ფილტვების ვენტილაცია, რაც ფილტვებში აირების ცვლას აუმჯობესებს.

მჯდომარე ცხოვრების წესისგან განსხვავებით, აქტიური ცხოვრების ტრადიციული სარგებელი სხეულის ოპტიმალური მასის შენარჩუნებაა. ხანდაზმულ ასაკში ცხიმოვანი ქსოვილის დაგროვება და ზრდა სიმსუქნეს იწვევს. სისხლში დაგროვილი მავნე ქოლესტერინი ახშობს სისხლძარღვების კედლებს და ზრდის თრომბოზის რისკს. ფიზიკური ვარჯიში და აქტივობა ორგანიზმს გარემო პირობებისადმი სწრაფ ადაპტაციაში ეხმარება, ძლიერდება იმუნური სისტემა, რომელიც აქტიურად ეწინააღმდეგება ვირუსებს, ბაქტერიებს, შესაბამისად, გაციებასა და ინფექციურ დაავადებებს.

ზოგი ვარჯიში გათვლილია საიმისოდ, რომ გაიზარდოს ხერხემლის მალების მოძრაობის უნარი, კორექტირდეს ტანდეგობა, დაქვეითდეს გულსისხლძარღვთა სისტემის აღგზნებადობა. გარდა ამისა, სამკურნალო ფიზკულტურა აუმჯობესებს და უნარჩუნებს კოორდინაციას. ნებისმიერი მოძრაობითი აქტივობა არ არის ორგანიზმის დაბერების პრევენცია (რაც გარდაუვალია), ეს არის მისი აშკარა შენელება.

სამწუხაროდ, ცოტანი არიან ხანში შესულებში, საკუთარ ჯანმრთელობაზე სწორად რომ ზრუნავენ. ფიზიკური აქტივობა გულისხმობს არა ძალოვან ვარჯიშებს ან ინტენსიურ აერობიკას ტრენაჟორების დარბაზში, არამედ ელემენტარულ მოქმედებებს: ფეხით სეირნობას სუფთა ჰაერზე, დილის გამამხნევებელ ვარჯიშს, ხოლო ვისაც ჯანმრთელობა საშუალებას აძლევს - სირბილს. თუ ექიმი არ კრძალავს, გამოცდილი მწვრთნელის მეთვალყურეობით შეიძლება უფრო სერიოზული სპორტული აქტივობაც.

ფიზიკური ვარჯიში დადებითი ემოციის მომტანი უნდა იყოს, სხვაგვარად, ის ნაკლებად ეფექტური იქნება.

ხანდაზმულთა ვარჯიშების კომპლექსი ასაკობრივი ცვლილებების გათვალისწინებით უნდა შეირჩეს, რომ ორგანიზმის სისტემებისა და ორგანოების მუშაობა არ დაირღვეს.

ფიზიკურმა აქტივობამ სარგებელი რომ მოიტანოს და არ იქცეს რაიმე დარღვევის მიზეზად, გასათვალისწინებელია შემდეგი რეკომენდაციები:

  • ნებისმიერი ფიზიკური ვარჯიშის წინ, ვარჯიშის უსაფრთხოების მიზნით, აუცილებელია ექიმთან კონსულტაცია;
  • ვარჯიშისას არ შეიძლება მკვეთრი, სწრაფი მოძრაობები, მძიმე ტვირთის აწევა, სხეულის კორპუსის მკვეთრი და სწრაფი ცვლილება;
  • ფიზიკური ვარჯიშისას დაუშვებელია სუნთქვის შეკავება, ძლიერი დაძაბვა, სხვა შემთხვევაში, ირღვევა გულის კუნთში სისხლის მიდინება და ჩნდება ფილტვების ემფიზემის განვითარების რისკი;
  • ფიზიკური დატვირთვისას აუცილებელია მავნე ჩვევების გათვალისწინებაც: სიგარეტის, სპირტიანი სასმელების მოხმარება, ქოშინი ან პროფესიული დაავადებები, რომლებიც სუნთქვის გართულებას აპროვოცირებს.

ხანდაზმულ ასაკში ორგანიზმი რთულად ადაპტირდება დატვირთვების მიმართ, ამიტომ დატვირთვა ნელ-ნელა, თანდათანობით უნდა გაიზარდოს, კვირაში არა უმეტეს 5%-ისა. ვარჯიშის პერიოდში გამუდმებით უნდა კონტროლდებოდეს პულსის სიხშირე.

სპორტის თითოეული გაკვეთილი უნდა იწყებოდეს ნელი მოთელვით, კუნთების თანდათანობითი გახურებით. დაღლილობისას დამატებითი ვარჯიშები არ შეიძლება, რადგანაც ეს ორგანიზმის გადაძაბვას გამოიწვევს.

ვარჯიშის დასრულებას უნდა ახლდეს დაღლილობის სასიამოვნო შეგრძნება და არა გამოფიტვა და სუნთქვის გაძნელება.

ხანში შესულთა ფიზიკური აქტივობა გულისხმობს კვირაში 1-2-ჯერ ვარჯიშს. ეს სრულიად საკმარისია შესანიშნავი ფორმის შესანარჩუნებლად. არ შეიძლება ხანგრძლივი პერიოდით შესვენება. სპორტს რეგულარულად უნდა მისდიოთ, რადგან ხანდაზმულ ასაკში ორგანიზმისთვის ძალიან რთულია დატვირთვის შეჩვევა.

ხანდაზმული ადამიანებისთვის ვარჯიშების კომპლექსი შეიძლება 8-10 ვარჯიშს მოიცავდეს. ვარჯიშის შემდეგ კარგია პარკში ფეხით ან ველოსიპედით გასეირნება.

ხანში შესულებისთვის დასაშვებია ცურვა, ბადმინტონი, ჩოგბურთი, თხილამურებით სიარული.

ვარჯიში ბუნებრივი სტიმულატორია, რომელიც სიცოცხლის გახანგრძლივებასა და ჯანმრთელობის გამყარებას ეხმარება. დამზოგველი რეჟიმითა და რეგულარული ვარჯიშით დიდი ხნის მანძილზე შეიძლება მხნეობის შენარჩუნება.