რუბრიკები
ოჯახის მკურნალი
კითხვა-პასუხი
რა უნდა იცოდეს ორსულმა

 

ამ ნიშანთა უმრავლესობა ვლინდება ჩასახვიდან მე-6-8 კვირას. ერთ-ერთი უმთავრესი ჩივილი, რომელიც დისკომფორტს უქმნის ორსულს, არის გულისრევა და ღებინება. ის ორსულობის ყველაზე გავრცელებული სიმპტომია და I ტრიმესტრში (პირველი სამი თვის განმავლობაში) ქალების 80-85%-ს აწუხებს, თუმცა მათ უმრავლესობას (87-91%-ს) ორსულობის მე-16-20 კვირას გაუვლის. ვინაიდან გულისრევა და ღებინება მეტწილად თავისთავად გაივლის და ორსულობაზე არავითარ გავლენას არ ახდენს, მედიკამენტების დანიშვნა არ არის მიზანშეწონილი, გარდა იმ შემთხვევებისა, როდესაც სიმპტომატიკა ძლიერ არის გამოხატული ან მეტისმეტად შემაწუხებელია. ორსულობისას ხშირია გულძმარვაც. მისი სიხშირე ორსულობის ვადასთან ერთად იმატებს. მის შესამსუბუქებლად, უპირველეს ყოვლისა, რეკომენდებულია ზედმეტად არ დავიხაროთ, განსაკუთრებით - ჭამის შემდეგ, თავი მაღალ სასთუმალზე გვედოს და დავიცვათ დიეტა, კერძოდ, მივირთვათ ხშირად და მცირე ულუფებით, ვერიდოთ ცხიმიან და კუჭის გამაღიზიანებელ საკვებს, მაგალითად კოფეინს (შეიცავს ყავა, კოკა-კოლა, მუქი ჩაი). აუცილებლობისას შეიძლება დაინიშნოს სათანადო მედიკამენტები. ორსულობის დროს ხშირია შეკრულობაც. მის წინააღმდეგ რეკომენდებულია ბოჭკოვანი დიეტა - ხორბლის ან ჭვავის ბოჭკოების დამატება, დოზირებული ფიზიკური დატვირთვა. აუცილებლობისას ინიშნება შესაბამისი პრეპარატები. ორსულობის უკანასკნელ ტრიმესტრში ქალთა 8%-ს ჰემოროიდული დაავადება ანუ ბუასილი აღენიშნება. მისი მკურნალობა გულისხმობს დიეტის გაუმჯობესებას, საჭიროებისას - ადგილობრივი საშუალებებისა გამოყენებას. ქვედა კიდურების შეშუპებაც არანაკლებ ხშირია ორსულობის დროს. შეშუპება, რომელსაც თან არ სდევს შარდში ცილის არსებობა და ჰიპერკოაგულაცია (სისხლის შედედების უნარის მატება), მკურნალობას არ საჭიროებს. ის დაკავშირებულია საშვილოსნოს მექანიკურ ზეწოლასთან და ორგანიზმში მიმდინარე ჰორმონულ ძვრებთან. ხშირია ვენების ვარიკოზული გაგანიერებაც, რომლის დროსაც მდგომარეობის შემსუბუქება შესაძლებელია სპეციალური ელასტიკური წინდების ტარებით, თუმცა ისინი ვენებს პროგრესული გაგანიერებისგან ვერ იცავენ. წელის ტკივილს ორსულთა 35-61% უჩივის. ქალთა 47-60%-ს ის ორსულობის მე-5-7 თვეს ეწყება. ტკივილის ინტენსივობა საღამო ხანს იმატებს. მისი მიზეზია სიმძიმის ცენტრის გადანაცვლება მუცლის სიმძიმისა და კუნთების გადაჭიმვის გამო. წელის ტკივილი შემაწუხებელია. მან შესაძლოა ქალის ყოველდღიურ ცხოვრებასა და ძილზეც კი მოახდინოს გავლენა, განსაკუთრებით - მესამე ტრიმესტრში. წყალში ვარჯიში მდგომარეობას ამსუბუქებს.


- როგორია ვაგინიტის ანუ საშოს ანთების მკურნალობის ტაქტიკა ორსულობისას?
- ვაგინიტის გამწვავება ორსულობის დროს საკმაოდ გავრცელებული პრობლემაა. მისი გამომწვევი აგენტის დასადგენად ტარდება საშოს ნაცხის ბაქტერიოლოგიური გამოკვლევა, რასაც, როგორც ზემოთ აღვნიშნეთ, ორსულის I ვიზიტიც ითვალისწინებს. უმეტესად გვხვდება სოკოვანი ვაგინიტი. მკურნალობის საკითხი და ტაქტიკა ყოველ ცალკეულ შემთხვევაში ინდივიდუალურად, პაციენტის მდგომარეობის, ჩივილებისა და ორსულობის ვადების გათვალისწინებით უნდა შემუშავდეს. ირჩევა ნაყოფისთვის  ნაკლებად ტოქსიკური პრეპარატები, უპირატესობა ენიჭება ადგილობრივ საშუალებებს. ორსულობის III ტრიმესტრში აუცილებელია საშოს სანაცია რბილი სამშობიარო გზების მოსამზადებლად.


- თქვენ ზემოთ ის ინფექციები ჩამოთვალეთ, რომლებმაც შესაძლოა ნაყოფის განვითარება შეაფერხონ. როგორია თითოეული მათგანის მნიშვნელობა ამ თვალსაზრისით?
- უპირველეს ყოვლისა, განვიხილოთ ქლამიდიური ინფექციის როლი, მასთან დაკავშირებული რისკი. დადგენილია, რომ ორსულობის დროს ქლამიდიური ინფექციის არსებობა ზრდის ნაადრევი მშობიარობის ალბათობას და აფერხებს ნაყოფის საშვილოსნოსშიდა განვითარებას.  აქტუალურია ციტომეგალოვირუსული ინფექციაც. ციტომეგალოვირუსი ჰერპესვირუსების ოჯახის წარმომადგენელია. ეს ინფექცია პირველადი ინფიცირების შემდეგ ლატენტურად, ფარულად მიმდინარეობს და თუ პაციენტის იმუნური სისტემა დათრგუნულია, შესაძლოა გააქტიურდეს. ამ ინფექციის არსებობისას ძნელი სათქმელია, რომელი ორსულობა გართულდება ნაყოფის ინფიცირებით. შეუძლებელია იმის განსაზღვრაც, რომელ ინფიცირებულ ახალშობილს ჩამოუყალიბდება მძიმე გართულებები. სამწუხაროდ, არც ვაქცინა, არც პროფილაქტიკური თერაპია ნაყოფის ინფიცირების პროფილაქტიკისთვის არ არსებობს. ყურადღებას მოითხოვს ის შემთხვევები, როდესაც დედა B ჰეპატიტის ვირუსით არის ინფიცირებული. დადგენილია, რომ ასეთ დროს დიდია ალბათობა, ბავშვი ქრონიკული ინფექციის მატარებელი გახდეს, ამიტომ დედის ინფიცირების გამოსავლენად სპეციალური სკრინინგია რეკომენდებული. საბედნიეროდ, ახალშობილის ინფიცირების პროფილაქტიკა ასიდან 95 შემთხვევაშია შესაძლებელი ვაქცინაციით ან დაბადებისთანავე იმუნოგლობულინის შეყვანით. მნიშვნელოვანი პრობლემაა C ჰეპატიტი. სადღეისოდ არსებობს მტკიცებულება, რომ დედისგან ბავშვზე მისი გადაცემის ალბათობა სისხლში ვირუსის ტიტრის მატების პირდაპირპროპორციულად იზრდება, თუმცა ზღვარი, რომელზეც ხდება ვირუსით ბავშვის დაინფიცირება, არ არის დადგენილი. როდესაც ჩ ჰეპატიტზე სკრინინგტესტის შედეგი დადებითია, ქალი სამკურნალოდ ინფექციონისტთან იგზავნება. ორსულობისას ტარდება წითურას სკრინინგიც. კვლევა არ არის მოწოდებული ნაყოფის მდგომარეობის შესაფასებლად. მისი მიზანია იმ ქალების გამოვლენა, რომელთაც წითურას საწინააღმდეგო ანტისხეულები არ გააჩნიათ, რათა მოხდეს მათი ვაქცინაცია მომავალი ორსულობის უსაფრთხოებისთვის. ორსულობის დროს წითურას ვაქცინაცია უკუნაჩვენებია პოტენციური ტერატოგენულობის გამო. ორსულობისას წითურათი დაავადება შესაძლოა ნაყოფის დაზიანებისა და ორსულობის ხელოვნური შეწყვეტის მიზეზად იქცეს. ორსულის I და IV ვიზიტების დროს რეკომენდებულია ათაშანგის ანუ სიფილისის სკრინინგიც. ეს გამოკვლევა უნდა ჩაუტარდეს ყველა ორსულს, ვინაიდან ადრეული მკურნალობა აუმჯობესებს როგორც დედის, ისე ახალშობილის ჯანმრთელობის პროგნოზს. ყველა ქალი, რომელიც ათაშანგზე დადებითი აღმოჩნდება, სამკურნალოდ სპეციალისტთან უნდა გაიგზავნოს. ათაშანგის პენიცილინით მკურნალობის ორსულობაზე არასასურველი ზემოქმედება სადღეისოდ არ არის დადასტურებული, არანამკურნალევ ორსულებში კი ახალშობილთა ინფიცირების მაჩვენებელი 70-100%-ს აღწევს. ახალშობილთა მესამედი უმწიფარი იბადება. განსაკუთრებული ყურადღება უნდა მიექცეს ტოქსოპლაზმოზს. პირველადი ტოქსოპლაზმოზი პარაზიტ Toxoplasma gondii-თ არის გამოწვეული. ჯანმრთელ ქალებში ის ხშირად უსიმპტომოდ მიმდინარეობს, თუმცა მწვავე ინფექციის განვითარება შესაძლოა სპონტანური აბორტის მიზეზად იქცეს. ტოქსოპლაზმოზით ინფიცირება შესაძლებელია:
* არასრულფასოვნად დამუშავებული ან უმი საკვებით - ამ დროს ორგანიზმში პარაზიტის ცოცხალი ცისტები ხვდება;
* ოოციტების მიღებით, რომელსაც კატები გამოყოფენ ან დაბინძურებულ ნიადაგსა და წყალთან კონტაქტით (მაგალითად, გაურეცხავი ხილით ან ბოსტნეულით, რომელიც კატის ფეკალიებით არის დაბინძურებული);
* დედისგან ნაყოფზე გადაცემით, როცა ქალის პირველადი ინფიცირება ორსულობის დროს ხდება.
კვლევებმა ცხადყო, რომ თერმულად არასრულფასოვნად დამუშავებული რძის პროდუქტები და დაკონსერვებული ხორცის პროდუქტები ორსულის ტოქსოპლაზმოზით დაინფიცირების ძირითადი ფაქტორებია. ნიადაგთან კონტაქტი ინფიცირებას გაცილებით იშვიათად იწვევს.

როდესაც T. gondii-სთან პირველი კონტაქტი ორსულობისას ხდება, დედისგან ნაყოფზე მისი გადაცემის ალბათობა ორსულობის ვადასთან ერთად იმატებს. იმის გამო, რომ ტოქსოპლაზმოზით პირველადი ინფიცირება უსიმპტომოდ მიმდინარეობს, ინფიცირების დადგენა შესაძლებელია მხოლოდ სეროლოგიური ტესტირებით. ტოქსოპლაზმოზის აღმოსაჩენად ტარდება IgG და IgM ანტისხეულების სკრინინგი. ხელმისაწვდომი კლინიკური ტესტები ვერ გვატყობინებენ, როდის მოხდა ინფიცირება - ორსულობის დროს თუ დაორსულებამდე 12 თვით ადრე. ქალებს, რომლებიც ჩასახვამდე დაინფიცირდნენ, ნაყოფზე გადაცემის რისკი არ აღენიშნებათ. ორსულმა უნდა დაიმახსოვროს, რომ ტოქსოპლაზმოზით ინფიცირების ალბათობას ამცირებს:
* ჭამამდე ხელების დაბანა;
* ხილისა და ბოსტნეულის საგულდაგულო გარეცხვა;
* საკვების საგულდაგულო თერმული დამუშავება;
* მიწასთან მუშაობის დროს ხელთათმანების გაკეთება;
* კატის ფეკალიებთან კონტაქტისთვის თავის არიდება.
ზოგადად კი ორსულობის დროს დადგენილი ჩამოთვლილი ინფექციების შესახებ უნდა ითქვას, რომ ქრონიკული ინფექციები არ არის მკურნალობის ჩვენება, ორსულობა ჩვეულებრივ გრძელდება.



თარიღი : 29-03-2017
sofio
გამარჯობათ 2016 წლის ნომებერში გამიკეთდა ფერტილოსკოპია მილების გამტარიანობაზე. ამის შემდგომ ექიმის დანიშნულების მიხედვით მე და მეუღლე გეგმიურად ვასრულებდით ყველაფერს და ანალიზების შემდგომ როდესაც უკვე გვითრხეს რომ ყველაფერი რიგზე გვქონდა ორივეს დაიგეგმა ორსულობა და სამწუხაროდ მენსტრუაცია მომივიდა 24 იანვარს როდესაც უნდა მომსვლოდა 21 იანვარს. ციკლი მაქვს ერტი კვირა დაახლოებით და ოვულაციის დგეებში ისევ დაიგეგმა ორსულობა და თებერვლის 21 რიცხვში 2 დღით მომივიდა მცირე მენსტრუაცია უმტკივნეულოდ ამის შემდგომ ერთი კვირის შემდეგ მქონდა წელის ძლიერი ტკივილები ციებ ცხელება მტელ სხეულში სისუტე ორგანიზმში უმადობა დიარეა საშჰვილოსნოს ყელის მოქაცჰვის სისმძიმის შეგრძნება რაღაცნაირი ტკივილი თუ დისკომფორტი უფერული ლორწოვანი გამონადენი 2 დღე დილის საათებში ტემპერატურა დღისით 37 და 4-5 ხაზი და ღამით 38და 4 ხაზი არანაირი ცხვირიდან გამონადენი და ხველება არ მქონია უბრალოდ წელის ძლიერი ტკივილები და მუცლის ყრუ ტკივილი ერტ ორჯერ მქონდა სულ ჩაწოლილი ვიყავი წამლები მხოლოდ პარაცეტამოლი მივიღე მაგრამ სიცხე არ იწევდა ქვემოთ თავს ძალიან სუსტად ვგრძნობდი ეს მთელი ორი კვირის მანძილზე გრძელდებოდა ერთი კვირის შუალედით კარგად გავხდი ცოტა შემდეგ მომდევნო ციკლამდე ისევ ავად გავხდი იგივე სიმპტომით (კონტაქტი მეუღელსთან არ მქონია). მარტის 24 რიცხვში მომივიდა მენსტრუაცია და ცოტა ძალიან წვეთების სახით და შეწყდა 26 ში და 28 ში ცოტა ყავისფერი წამომივიდა და შეწყდა. ციკლის მე-5 დრეს დილიტ უზმოზე ჩავაბარე შარდის ანალიზი და რეაქცია არის მჯავე ეპითელები მომატებული ბრტყელი რაოდენობით ლეიკოციტები 5-6 და მარილები ოქსიდ.მცირე. მითხრეს ცვლილებები არისო ლაბორატორიაში და ცოტა სუნიანი გადამიგეს თირკმელებზე ექოსკოპია და ყველაფერი რიგზეა უბრალოდ შარდვა გამიხშირდა წვა არამაქვს. გადამიღეს გინეკოლოგიური აბდომინური ექოსკოპია გამოკვლევა და საშჰვილოსნო გადახრილი არის წინ გარე კონტური არაა დეფორმილი მიომეტრიუმის ექოსტრუქტურა ერთგვაროვანია. სხეულის ზომები- 44{36{35 მმ. მოცულობა 30-სმ[3. ყელი ზომებით 30[26-მმ. ენდომეტრიუმი სისქე 3.8-მმ ნორმალური ექოსტრუქტურის. მარჯვენა საკვერცხის ზომებია- 29{15 მმ.მასში ფოლიკულები 5-10 მმ. მარცხენა- 30[17მმ ფოლიკულები 5-11 მმ. დუგლასის სივრცეში სითხე არ ისახება. ოჯახის ექმითან დავეზღვიე გუშIნ 28 მარტს და მან მითხრა რომ კანის ფერი შეცვლილი მაქვს ცოტათი მოყვითალო. გუშინ ცოტათი ყელი მტკიოდა და ამ დილით ხმა შემცვალა მაგრამ ყელი ტკივილი არ მაქვს არც ცხვირიდან გამონადენი უბრალოდ მაციებს ძალიან მთელს სხეულში ხან მაცხელებს გავიზომე ტემპერატურა და 36-5 ხაზი მაქვს და მაქვს დილიდან დიარეა ისე ეს დიარეა უკვე ერთი ტვეა მაქვს დაახლოებით ძალა არამაქვს წნევა დაბალი მაქვს მთელი ამ დროის მანძილზე 90-60 უჰაერობას განვიცდი რარაც მომენტში სუნზე მაქვს რეაქციები მაქვს უმადობა და არის რაღაც საჭმელები რომლებსაც ვჭამდი და ეხლა შეხედვაც კი არ მინდა. როგორ მოვიქცე მიზეზი ვერ დამიდგინეს ორშაბათს სისხლის საერთო ანალიზი და შარდის საერთო ანალიზი დილით უნდა ჩავაბარო ისევ... ექიმო შესაძლებელია რომ ორსულობასთAნ ჰქონდეს ამ ყველაფერს კავშირი? მადლობა წინასწარ
თარიღი : 18-02-2015
პაციენტი
ეს ქალი ვის რა რჩვეას აძლევს, ნამდვილი არაპროფესიონალი! ოღონდ კარებშივე გადაგახდევინოს 40 ლარი,მეტი საფიქრალი არ აქვს! ასეთი ექიმები არ უნდა არსებობდნენ!
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
სერიალი ”გაბოროტებული” წლების წინ გამოჩნდა სატელევიზიო სივრცეში, მაგრამ ის დღესაც არ კარგავს აქტუალობას. სატელევიზიო შოუს შესახებ საუბრები და მითქმა-მოთქმა დღემდე არ ჩერდება. მრავალი კითხვა ჩნდება სერიალის გარშემო. ჩვენ გთავაზობთ www.imdb.com-ის მიხედვით, ყველაზე ხშირად დასმულ კითხვებსა და მათზე პასუხებს სერიალ ”გაბოროტებულის” შესახებ.
#ქველმოქმედებამარტივია - ჟურნალ ,,ოჯახის მკურნალის"" და ,,პალიტრა მედიის"" ერთობლივი პროექტია, რომელიც მძიმე სნეულებების მქონე ბავშვებს რამდენიმე ათასი ლარით დაეხმარა.
აშშ-ის ჯანდაცვის ნაციონალური ინსტიტუტების მეცნიერების კვლევის მიხედვით დადგინდა, რა ხდება ტვინში ცხოვრების არასწორი წესის შემთხვევაში. კერძოდ, სიმსუქნის დროს იცვლება ტვინის დოფამინის, მოტივაციაზე პასუხისმგებელი რეცეპტორები.
ამ კატეგორიის სხვა სტატიები
კანადაში, ფოლიუმის მჟავათი გამდიდრებული პროდუქტების გამოჩენის შემდეგ, გულის თანდაყოლილი მანკით დაბადებული ახალშობილების რიცხვი მნიშვნელოვნად შემცირდა. ასეთ დასკვნამდე 1990-2011 წლებში დაბადებული 6 მილიონი ბავშვის მონაცემების ანალიზის საფუძველზე
დიდ ბრიტანეთში მკვდრადშობადობის, ნაადრევი მშობიარობისა თუ მუცლის მოშლის რისკი თურმე ორსულთა 10 პროცენტს აქვს. ამ პრობლემით შეწუხებულმა ბრიტანელებმა რამდენიმეწლიანი მუშაობის შედეგად შექმნეს ნაყოფის გულისცემის საკონტროლო ჯიბის მოწყობილობა.
კალიფორნიის უნივერსიტეტის თანამშრომლებმა ჩაატარეს კვლევა, რომლითაც დადგინდა, რომ ორსულობის პერიოდში სმარტფონების გამოყენება ნაყოფზე ნეგატიურ გავლენას ახდენს. კერძოდ, აღნიშნულ მოწყობილობათა გავლენით მომავალ პატარებთან მნიშვნელოვნად იზრდება ჰიპერაქტიურობის რისკი.
მეცნიერების აზრით, სწორედ მწვანე ჩია აძლევს ორგანიზმს ყველა სასარგებლო ელემენტს და ტოქსიკოზთან გამკლავებაში ეხმარება. სწორედ ამ უკანასკნელის გამო, ბევრ ქალს ორსულობის საწყის პერიოდში ერღვევა ნორმალური ცხოვრების რიტმი.
ორსულობა ნორმალურად რომ წარიმართოს, აუცილებელია ქალის ორგანიზმის საკვები ნივთიერებებით, ვიტამინებითა და მინერალებით ადეკვატური მომარაგება. იოდი ორგანიზმისთვის სასიცოცხლოდ აუცილებელი ერთ-ერთი მიკროელემენტია.
მშობიარობისა და საკეისრო კვეთის დაფინანსება უკლებლივ ყველა ჯგუფს შეუნარჩუნდება - მდიდარია, საშუალო შემოსავლის არის, თუ - ღარიბი, - ამის შესახებ საქართველოს შრომის, ჯანმრთელობისა და სოციალური დაცვის მინისტრმა დავით სერგეენკომ დღეს გამართულ ბრიფინგზე განაცხადა, სადაც საყოველთაო ჯანდაცვაში მოსალოდნელი ცვლილებები განმარტა.
16 თებერვალი 2017
მეცნიერების აზრით, წიგნები და მასობრივი ინფორმაციის საშუალებები მნიშვნელოვან როლს ასრულებენ ბავშვებში ამ თუ იმ პროდუქტისადმი დამოკიდებულების ჩამოყალიბებაში. ხოლო საკვებისადმი ბავშვობის დროინდელი სიყვარული, ხშირად მთელი ცხოვრების განმავლობაში ნარჩუნდება. მკვლევარებმა შეისწავლეს საჭმლის აღწერილობა 100 პოპულარულ საბავშვო წიგნში.
27 იანვარი 2017
გერმანიის ფედერალური ინსტიტუტის პროფესორი ბერნდ შეფერი აცხადებს, რომ ტოსტერში დაბრაწულ-დახრუკული პური (ე.წ "ტოსტი") ჯანმრთელობისთვის მავნებელია. რაც უფრო მეტხანს იწვება ის, მით მეტია მასში აკრილამიდის შემცველობა. ამ ნივთიერებას კი კანცეროგენების (სიმსივნის მაპროვოცირებელი ნაერთები) სიაში მოიაზრებენ.
მაიოს კლინიკის სპეციალისტები მივიდნენ დასკვნამდე, რომ ბავშვთა ასთმური შეტევის მიზეზი ხშირად მშობელთა მავნე ჩვევა - თამბაქოს მოხმარებაა. ისინი მოუწოდებენ მოზრდილებს, მოარიდონ ბავშვები თამბაქოს კვამლს. მეცნიერებმა გააანალიზეს ამ თემასთან დაკავშირებით ჩატარებული 25 კვლევის შედეგები. აღნიშნულ კვლევებში მონაწილეობდა 430 000-ზე მეტი ბავშვი, რომელთა საშუალო ასაკი 6-7 წელიწადს შეადგენდა.
როგორც კვლევებმა აჩვენა, ანანასს არა მარტო სასიამოვნო გემო აქვს, არამედ ანტიოქსიდანტების შემცველობის გამო, ჯანმრთელობისთვისაც სასარგებლოა. კერძოდ, ანტიოქსიდანტური თვისებების გამო ის წარმატებით ებრძვის ათეროსკლეროზს, გულის დაავადებებსა და სხვადასხვა ტიპის კიბოს.
კომპიუტერული თამაშები ხანდაზმულ ადამიანებს ჭკუასუსტობისგან იხსნის. კომპიუტერული თამაშების საშუალებით ტვინის ვარჯიში დემენციისკენ მიდრეკილი ადამიანების კოგნიტიური ფუნქციების გაუარესების პროცესს ამუხრუჭებს.