რუბრიკები
ამენორეა - მენსტრუალური ციკლის შეწყვეტა
ამენორეა - მენსტრუალური ციკლის შეწყვეტა

ამენორეის სიმპტომები
პირველადი ამენორეის სიმპტომია მენსტრუაციის არარსებობა 16 წლისთვის. მეორეული ამენორეის სიმპტომებია არსებული ციკლის შეწყვეტა, სულ ცოტა, სამი თვის განმავლობაში ზედიზედ ან საერთო ჯამში, მინიმუმ, 6 თვის განმავლობაში. არსებობს სხვა სიმპტომებიც. ისინი სხვადასხვა ხასიათისაა და ამენორეის გამომწვევ დაავადებაზეა დამოკიდებული. მაგალითად, შესაძლოა თავი იჩინოს ჰორმონული დარღვევებისა და მამაკაცური ჰორმონების სიჭარბის ნიშნებმა - ციკლის რეგულარულობის დარღვევამ, ჭარბთმიანობამ, ხმის დაბოხებამ, გამონაყარმა - აკნემ. პროლაქტინის მომატებით გამოწვეული ამენორეა სარძევე ჯირკვლიდან გამონადენით ვლინდება.


როდის მივმართოთ ექიმს?
ამენორეის დროს ექიმთან ვიზიტი ნებისმიერ შემთხვევაში აუცილებელია. კიდევ ერთხელ აღვნიშნავთ, რომ ამენორეა ციკლის რეგულარული დარღვევაა და არა ერთჯერადი. ერთჯერადად დარღვევა ხშირად ემოციასთან, ავადმყოფობასთან ან სტრესთან არის დაკავშირებული და არ მოითხოვს ექიმთან ვიზიტს, მით უფრო - ძვირად ღირებული გამოკვლევების ჩატარებას.


როგორ ტარდება დიაგნოსტიკა ამენორეის დროს?
ამენორეის დიაგნოსტიკისთვის, პირველ რიგში, აუცილებელია მენსტრუაციის დღიური. შეგიძლიათ, მენსტრუაციის დღეები პატარა კალენდარზე მონიშნოთ. ასეთი ჩანაწერის მეშვეობით ექიმი ადვილად მიხვდება, ჭეშმარიტად ამენორეასთან აქვს საქმე თუ უბრალოდ ციკლის რეგულარულობის დარღვევასთან. ამასთან ერთად ექიმი პაციენტს სრულყოფილად სინჯავს. ამგვარად მიღებული მონაცემების საფუძველზე იგეგმება შემდგომი კვლევები. სისხლის ჰორმონული გამოკვლევით ადგენენ საკვერცხის, ჰიპოფიზისა და ფარისებრი ჯირკვლის ჰორმონების დონეს. ექიმმა შესაძლოა მოითხოვოს პროლაქტინის, ფოლიკულმასტიმულირებელი ჰორმონის, ესტროგენის, თირეოტროპული ჰორმონის,  დიჰიდროეპიანდროსტერონ სულფატის, ტესტოსტერონის გამოკვლევა. განსაზღვრულ შემთხვევებში პირველ რიგში ტარდება ტესტი ორსულობაზე. ზოგჯერ იგეგმება ექოსკოპიური კვლევა, რენტგენოგრაფია, კომპიუტერული ტომოგრაფია ან მაგნიტურ-რეზონანსული კვლევა.


როგორ მკურნალობენ?
ამენორეის ორივე სახის მკურნალობა მიზეზზეა დამოკიდებული. მკურნალობის მიზანია ჰორმონული დისბალანსის სიმპტომების შემსუბუქება, მენსტრუაციის აღდგენა, ამენორეასთან დაკავშირებული გართულებების პროფილაქტიკა და/ან უნაყოფობის ლიკვიდაცია. სამწუხაროდ, ყველა ამ მიზნის მიღწევა ყოველთვის არ არის შესაძლებელი. როცა ამენორეის მიზეზია გენეტიკური ან ანატომიური დარღვევა (ჩვეულებრივ, პირველადი ამენორეის დროს), შესაძლოა საჭირო გახდეს ქირურგიული ჩარევა ანომალიების კორექციისთვის. ჰიპოთალამური ამენორეა,  რომელიც შესაძლოა წონის კარგვასთან, ჭარბ ვარჯიშთან, დაავადებებთან, ემოციურ დარღვევებთან იყოს დაკავშირებული, მიზეზის კორექციის შემდეგ უმეტესად აღმოიფხვრება. მაგალითად, წონის ნორმალური მაჩვენებლის მიღწევა ან ვარჯიშის ინტენსივობის შემცირება, თუ ამენორეის სხვა მიზეზები არ არსებობს, შესაძლოა საკმარისი აღმოჩნდეს ციკლის მოსაწესრიგებლად. ზოგჯერ საკმარისია კვების რეჟიმის შეცვლა, სრულფასოვანი კვების აღდგენა, ზედმეტად მკაცრ დიეტაზე უარის თქმა. საკვერცხეების ნაადრევი უკმარისობის დროს შესაძლოა საჭიროდ მიიჩნიონ ჰორმონული მკურნალობა, რაც შეამცირებს ესტროგენების შემცველობის დაქვეითებასთან დაკავშირებულ შემაწუხებელ სიმპტომებს და თავიდან აგვაცილებს ამავე მიზეზით გამოწვეულ გართულებებს, მაგალითად, ოსტეოპოროზს. ჰორმონული მკურნალობისთვის შესაძლოა გამოყენებულ იქნეს ესტროგენისა და პროგესტერონის შემცველი საშუალებები. ამ პრეპარატების ნაწილს პაციენტები იცნობენ როგორც ჩასახვის საწინააღმდეგო საშუალებებს. მეცნიერული გამოკვლევების შედეგების თანახმად, ასეთი მკურნალობა ასაკოვან ქალებში გულ-სისხლძარღვთა სისტემის მხრივ ერთგვარ რისკთან არის ასოცირებული, თუმცა ახალგაზრდა ქალებში, რომელთაც საკვერცხეების ნაადრევი უკმარისობა აქვთ, ამ გზით შესაძლოა თავიდან ავიცილოთ ძვლების დაზიანება. პოლიცისტური საკვერცხის სინდრომის დროს მკურნალობის მიზანია მამაკაცური ჰორმონების აქტივობის დაქვეითება. ჰიპერპროლაქტინემიით გამოწვეული ამენორეისას გამოიყენება მედიკამენტები, რომლებიც პროლაქტინის დონეს ამცირებს. თუ ორსულობა იგეგმება, შეიძლება გონადოტროპული მედიკამენტების (საკვერცხეებში ფოლიკულის მომწიფების მასტიმულირებელი საშუალებების) გამოყენება.


ფიტოთერაპიის როლი
დღეს ბევრი ცალკეული მეწარმე თუ კომპანია გვთავაზობს ამენორეის სამკურნალო მცენარეულ საშუალებებს. მიუხედავად ცალკეული წარმატებებისა, მათი ეფექტურობა სამეცნიერო კვლევებით არ არის დადასტურებული. ამერიკის შეერთებული შტატების სურსათისა და მედიკამენტების ადმინისტრაციის მიერ ეს საშუალებები შემოწმებული არ არის, მათი ხარისხი უცნობია. ამიტომ ჯობს, მცენარეული საშუალებებით მკურნალობის დაწყებამდე დავრწმუნდეთ პრეპარატის ხარისხიანობაში, მივიღოთ გარანტია, რომ მცენარე ეკოლოგიურად სუფთა გარემოშია მოპოვებული. აუცილებლად უნდა შევუთანხმოთ ასეთი მკურნალობა ექიმს და გავითვალისწინოთ, რომ ზოგჯერ ფიტოპრეპარატებს მხოლოდ დამხმარე მნიშვნელობა აქვს და ვერ ცვლის სხვა ფარმაკოლოგიურ პრეპარატებს.


რა გართულება მოჰყვება ამენორეას?
ამენორეის უმნიშვნელოვანესი შედეგი უნაყოფობაა. ეს სერიოზული გართულებაა მათთვის, ვინც შვილის გაჩენას აპირებს. ესტროგენების დაბალი შემცველობა კი შესაძლოა ოსტეოპენიისა და ოსტეოპოროზის მიზეზად იქცეს. სხვა გართულებები ამენორეის გამომწვევ დაავადებებზეა დამოკიდებული.


შეიძლება თუ არა, თავიდან ავიცილოთ ამენორეა?
ამენორეა სიმპტომია და არა დაავადება. შესაბამისად, მისი პროფილაქტიკა გამომწვევი დაავადების პროფილაქტიკას გულისხმობს. გენეტიკურ ან თანდაყოლილ დაავადებებთან დაკავშირებული ამენორეის პროფილაქტიკა შეუძლებელია, მაგრამ ზედმეტ ვარჯიშსა თუ ტოპმოდელების აღნაგობის მიღწევის სურვილით განპირობებულ მკაცრ დიეტებთან დაკავშირებული ამენორეა ნამდვილად შეიძლება ავიცილოთ თავიდან. ამისთვის საკმარისია ნორმალური კვება, ფიზიკური დატვირთვა და დასვენება.

 

 



2014-11-07/11/14
sofia
gamarjobat , tu shegidzliat damexmaret.gatxovili var 5 tvea da orsulad ar davrchenilvar rasac dzalian ganvicdi. erti tvea rac daviwye foliumis mjavas daleva ginekologma mirchia. wina tveshi mqonda 1 kvira gadacileba , am periodshi vizomavdi sicxeebs swor nawlavshi.ciklis pirvel naxevarshic da meore naxevarshic anu 1-14 dgemde da 14- dan 28 dgemde maqvs magali sicxeeebi 37.0 da maqsimumia 37.2 ra vqna risi bralia ? da ra gavaketo imistvis rom davorsulde aqtis mere ramdeni xani unda viwve? ginekologtan ori dgis win viyavi da yvelaperi rigze gaqvso wesit unda darche orsuladi. axla hormonaluri wamali daminishna , mirchiet rame, gtxovt ..
2014-19-06/23/14
lako
გამარჯობაატ ციკლი არ მქონდა ზუსტად სამი ე მეოტხე ტვეზე მომოვიდა ვარ 18 წლის ვარ 9 ტვის გატხოვი სჰილი ჯერ არ მყავს და არის ტუ არა ეს ყველაპერი საშიში?ექიმტან ვიყავი და ეგრე მიტხრა სჰენი ორგანიზმი არ არის მზად ორულობისტვისო და ტქვენ ვერ მეტყვიტ ეგ რისი ბრალი იქნება გტხოვტ მომწეროტ პასუხიიიიი
2014-08-06/12/14
sofio
გამარჯობათ.დროის უქონლობის გამო ვერ ვახერხებ ხანგრძლივი გამოკვლევების დაწყებას,რადგან ბავშვების დამტოვებელიც არმყავს.მეორე ბავშვის გაჩენის მერე დამეწყო ციკლის არევა,ხან 3თვე არმომდიოდა.ხან თავისით მილაგდებოდა.ეხლა ისევ ამერია.პირველი ციკლი დადგა 14წლის ასაკში/მქონდა ყოველთვის 28დღის ინტერვალიტ და 3დღიანი.ტკივილი ან გადაცილებები ან ჭარბი სისხლდენა არასდროს მქონია.ორივე ბავშვი საკეისროთი გავაჩინე,ტუმცა მეარდამიგეგმია ორივეზე სამშობიარო ტკივილებით მივედი დაბავშვების დიდიწონის გამო მიკეთებდნენ.მაქვს ც.ჰეპატიტი რომელიც მხოლოდ მეორე ორსულობისას დამიდგინეს იქამდე არმქონია/სავარაუდოდ სტომატოლოგიურში გადამდეს.თუ იქნება ეს დარღვევები ც.ჰეპატიტის ბრალი?ძალიან გთხოვთ მიპასუხოთ.
2014-25-05/11/14
en
გამარჯობა! დაახლოებით 9 თვეა ციკლის ჩავარდნის პრობლემა მაქვს . თავიდან ორსულობა მეგონა, უამრავი ტესტი გავიეთე და უარყოფითმა პასუხმა მიმიყვანა დასკვნამდე რომ რაღაც დარღვევა მქონდა და მალე ყველაფერი თავისით ჩადგებოდა ნორმაში. გავიდა 4 თვე ისე , რომ ციკლი არ მომსვლია, შემდეგ მომივიდა,მაგრამ გინეკოლოგთან მაინც მივედი, მან ჰორმონების ანალიზები გამაკეთებინა და აღმოჩნდა რომ საკვერცხეებში მამაკაცის ჰორმონი მაქვს მომატებული. დამინიშნა წამლები , რომლების ციკლის მოსვლის შემდეგ უნდა დავლიო მაგრამ მას მერე ისევ არ მომსვლია და ისევ არ ვარ ორსულად. მახსოვს ადრე მსგავსი პრობლემის დროს დამინიშნეს რაღაც წამალი დამაჩქარებელი მაგრამ სახელი აღარ მახსოვს . იქნებ დამეხმაროთ, წამლები ნაყიდი მაქვს და ვერ ვსვავ , ექიმი უკვე 4 თვეა მეუბნება დაელოდეო და მე ძალიან მეშინია , რომ საბოლოოდ არ მოეღოს ჩემ ორგანიზმს ბოლო ამ ლოდინის გამო. იქნებ მირჩიოთ რამე დამაჩქარებელი. ძალიან შეწუხებული ვარ . წინასწარ, მადლობა
ამ კატეგორიის სხვა სტატიები