საშვილოსნოს დანამატების მკურნალობა ხალხური მეთოდით
იზოლირებულად საკვერცხის ან კვერცხსავალის ანთება შედარებით იშვიათია, როგორც წესი, ანთებითი პროცესი დანამატებს ერთად მოიცავს.
ხალხური რჩევები
• მოხარშეთ რძეში ახალი კომბოსტოს ფურცლები. მასა მთლიანად მოათავსეთ მოხერხებულ ჭურჭელში, რომელზეც შეძლებთ შემოჯდომას ორთქლის აბაზანის მისაღებად. პროცედურა ყოველდღიურად ჩაიტარეთ მანამ, სანამ სრულ განკურნებას არ მიიღებთ.
• უზმოზე სისტემატურად სვით კარტოფილის ახლად გაწურული წვენი (ჩაის ჭიქის 1/3 მოცულობით). ამისათვის ყოველდღიურად ერთი საშუალო ზომის კარტოფილი ჯერ ჩახეხეთ სახეხზე და შემდეგ გაწურეთ. დალევის წინ კარგად მოურიეთ, რათა ნალექი მაქსიმალურად შეტივტივებულ მდგომარეობაში აღმოჩნდეს და უდანაკარგოდ შეითვისოთ. სასურველია მკურნალობის კურსი გვიან ზაფხულში დაიწყოთ, შემოდგომასა და ზამთარში, მარტის ჩათვლით ჩაიტაროთ.
• აიღეთ 2 წილი ვირისტერფას ფოთოლი, 2 წილი მუხის ქერქი, 3 წილი სალბის ფოთოლი, 5 წილი გვირილას ყვავილი, დააქუცმაცეთ, შეურიეთ ერთმანეთს, დაასხით წყალი და ნელ ცეცხლზე წამოადუღეთ (1 ლიტრი წყალი 2 სადილის კოვზის მოცულობის ნაკრებზე). ნახარში ვაგინალური (საშოს) შესხურებისა და ტამპონებისათვის გამოიყენეთ.
თინათინ გოცაძე