ჩასახვის საწინააღმდეგო აბები სარძევე ჯირკვლის კიბოს რისკფაქტორია
. კვლევაში მონაწილეობა მიიღო 20-დან 49 წლამდე ასაკის ძუძუს კიბოთი დაავადებულმა 1102-მა და 21952-მა ჯანმრთელმა ქალმა. მკვლევრებმა შეაგროვეს დეტალური და ზუსტი ინფორმაცია პრეპარატების დოზირებისა და მიღების ხანგრძლივობის შესახებ. აღმოჩნდა, რომ ზოგიერთი ორალური კონტრაცეპტივის გამოყენება კვლევის მონაწილეთა შორის 50%-ით ზრდიდა ძუძუს კიბოს განვითარების ალბათობას. ესტროგენის დიდი დოზით შემცველი კონტრაცეპტივები, მაგალითად, ეთინოდიოლ დიაცეტატის ან ნორეთინდრონის შემცველი სამფაზიანი კომბინირებული პრეპარატები, რისკს 2,6-3,1-ჯერ ზრდის, ხოლო ზომიერად შემცველი - 1,6-3,1-ჯერ. აბები, რომლებიც ესტროგენს მცირე კონცენტრაციით შეიცავს, რისკის მატებასთან არ ასოცირდება. მეცნიერთა თქმით, პრეპარატის მიღების შეწყვეტის შემდეგ კიბოს განვითარების ალბათობა იკლებს.