ამოუცნობი დაავადებების ტოპ-10
დაავადებულები ჩივიან, რომ აწუხებთ კანქვეშ უხილავ არსებათა მოძრაობის შეგრძნება და ღია ჭრილობებიდან ფერადი მიკროსკოპული ბოჭკოების გამოყოფა. ზოგიერთი მეცნიერი ამ დაავადებას ფსიქოპათიურ ჰალუცინაციად მიიჩნევს, ზოგი კი ამტკიცებს, რომ ზემოხსენებული სიმპტომები დაავადების სომატურ მიზეზებზე მიუთითებს.
2. ქრონიკული დაღლილობის სინდრომი
ქრონიკული დაღლილობა, სამედიცინო თვალთახედვით, კლასიკური აუხსნელი ფიზიკური დაავადებაა, რომლის დიაგნოზიც სხვა დაავადებათა გამორიცხვის საფუძველზე დაისმის. ზოგი ამ დროს მხოლოდ მსუბუქ დაღლილობას უჩივის, ზოგს კი გარკვეული ხნის განმავლობაში საწოლიდან წამოდგომაც უჭირს.
3. კრეიტცფელდ-იაკობის დაავადება
კრეიტცფელდ-იაკობის დაავადება (სპასტიკური ფსევდოსკლეროზი) თავის ტვინის იშვიათი დაავადებაა. ის ძროხის ცოფის სახელწოდებითაც არის ცნობილი. ადამიანი დაავადებული საქონლის ხორცის შეჭმისას ინფიცირდება. დაავადება, ჩვეულებრივ, სწრაფად პროგრესირებს და ლეტალური შედეგით მთავრდება, თანაც ზოგიერთ შემთხვევაში მიზეზის დადგენა და, შესაბამისად, პროფილაქტიკური ზომების მიღება შეუძლებელია.
4. შიზოფრენია
შიზოფრენიის წარმოშობა ბოლომდე ჯერ კიდევ არ არის შესწავლილი. ამ დაავადების დროს ადამიანი სრულიად კარგავს რეალური და გამოგონილი სამყაროების ერთმანეთისგან გამიჯვნის უნარს. დაავადება სხვადასხვა შემთხვევაში - სხვადასხვანაირად, საზოგადოდ კი ილუზიებით, ჰალუცინაციებით, აბდაუბდა ლაპარაკით და მოტივაციის ან ემოციის უქონლობით ვლინდება. დიაგნოსტიკური ტესტებით მისი დადგენა შეუძლებელია.
5. ორგანიზმის აუტოიმუნური დარღვევები
ამ ტერმინს იყენებენ სხვადასხვა დაავადების მიმართ, კანის ტუბერკულოზისა და გაფანტული სკლეროზის ჩათვლით. აუტოიმუნური დარღვევების დროს იმუნური სისტემის თავდაცვითი ფაქტორები საკუთარი ქსოვილებისადმი აგრესიას იწყებს. დაავადებას ქრონიკული ხასიათი აქვს. ასეთი შემთხვევების მკურნალობა მხოლოდ სიმპტომების შესუსტებისკენ არის მიმართული.
6. პიკის დაავადება
ამ დიაგნოზის მქონე პირებს არასაკვები ნივთიერებების, მაგალითად, მიწის, ქაღალდის, წებოსა და თიხის ჭამის დაუოკებელი სურვილი აქვთ. მიიჩნევა, რომ ეს დაავადება ორგანიზმში მინერალური ნივთიერებების უკმარისობასთან არის დაკავშირებული, მაგრამ მეცნიერებს ამ განსაკუთრებული დარღვევის მიზეზებისა და მკურნალობის მეთოდებისთვის ჯერაც ვერ მიუგნიათ.
7. ფრინველის გრიპი
ადამიანს არ გააჩნია იმუნიტეტი გრიპის იმ ძლიერი ვირუსის მიმართ, რომელიც ფრინველებს გადააქვთ. დასნებოვნება ჯერჯერობით ინფიცირებულ ფრინველთან უშუალო კონტაქტით ხდება, მაგრამ ჯანდაცვის სფეროს წარმომადგენლები შიშობენ, რომ ვირუსმა შესაძლოა მუტაცია განიცადოს და ადამიანისგან ადამიანს გადაედოს. ადამიანების დასნებოვნების შემთხვევაში სიკვდილიანობა 50%-ს აღწევს. სულ ცოტა ხნის წინ აღირიცხა ადამიანთა შორის ფრინველის გრიპის აფეთქების რამდენიმე შემთხვევა.
8. ჩვეულებრივი გაციება
აშშ-ში ყოველწლიურად ჩვეულებრივი გაციების მილიარდი შემთხვევა აღირიცხება, თუმცა დღემდე არ გამოუვლენიათ მიზეზი გაციებისა და ცხვირის სისველისა, რომელსაც თან ახლავს ხველაც. წამალი გაციებას არ შველის. მას მხოლოდ დრო და ქათმის ბულიონი - და არა ანტიბიოტიკები! - კურნავს.
9. ალცჰაიმერის დაავადება
არ აგერიოთ მეხსიერების დაქვეითებაში, რომელსაც ხალხში სკლეროზს უწოდებენ და რომელიც თითქმის ყველას გამოაჩნდება ხანდაზმულ ასაკში. ალცჰაიმერის დაავადება თავის ტვინის მუშაობის დეგენერაციული დარღვევაა, რომელიც სხვადასხვაგვარად ვლინდება. ამ დაავადების მიზეზები და მკურნალობის ეფექტური მეთოდები ჯერ კიდევ უცნობია.
10. შიდსი
დაავადება ოცდაათიოდე წლის წინ აღმოაჩინეს, მაგრამ ჯერაც არ არსებობს პრეპარატი იმუნოდეფიციტის სინდრომის ეფექტური მკურნალობისთვის. შიდსი დაავადებაა, რომელსაც უამრავი ადამიანი ეწირება, განსაკუთრებით - განვითარებად ქვეყნებში. ბოლოდროინდელ კვლევათა შედეგების მიხედვით, მეცნიერებმა წინ წამოსწიეს ვერსია, რომლის მიხედვითაც ვირუსი ადამიანს შიმპანზესგან გადაედო.