"ჯორჯიან უოთერ ედნ ფაუერის" მტკიცებით, თბილისში სასმელი წყალი ჯანმრთელობისთვის უსაფრთხოა
კომპანია დაავადებათა კონტროლის ცენტრის მიერ სასმელ წყალთან დაკავშირებით გავრცელებულ მითითებებს ეხმიანება და აცხადებს, რომ თბილისში სასმელი წყალი უსაფრთხოა ჯანმრთელობისთვის და მოსახლეობისთვის აღნიშნულ განცხადებაში მოყვანილი მითითებების შესრულება აუცილებლობას არ წარმოადგენს.
"სასმელი წყლის სინჯების აღება და მათი ლაბორატორიული კვლევა ქალაქის სხვადასხვა უბანში ყოველდღიურად ხორციელდება. წყლის ხარისხის მაკონტროლებელი ლაბორატორიები განლაგებულია ყველა სათავე ნაგებობაზე და სასმელი წყალი 24-საათიან რეჟიმში კონტროლდება. კომპანია "ჯორჯიან უოთერ ენდ ფაუერი" სრული პასუხისმგებლობით აცხადებს, რომ სასმელი წყალი თბილისში სუფთაა", - ნათქვამია კომპანიის მიერ გავრცელებულ განცხადებაში.