შექება მოტივაციას და პროდუქტიულობას ზრდის
მკვლევარების მიერ ჩატარებულ ექსპერიმენტში 123 მოხალისეს "გასაუბრება" უნდა გაევლო. სპეციალისტებმა აღნიშნეს, რომ იმ მონაწილეებმა, რომლებიც მეგობრებმა შეაქეს, ინტერვიუ უფრო წარმატებულად გაიარეს, ვიდრე მათ, ვისაც კომპლიმენტები არ მიუღიათ.
მეცნიერები ფიქრობენ, რომ პოზიტიური უკუკავშირი ქმნის მომავალი წარმატების იმედს და დადებით ემოციებს იწვევს. გარდა ამასა, ის ახსენებს ადამიანს, თუ როგორი გავლენა შეუძლია მოახდინოს სხვებზე.
მეორე ექსპერიმენტში, 75 მონაწილეს, სხვადასხვა თემაზე, მაგალითად, როგორ შეიძლება ძველი გაზეთის გამოყენება, კრეატიული იდეების გამოთქმა სთხოვეს. აღმოჩნდა, რომ ისინი, ვინც ექსპერიმენტის წინ შეაქეს, ამოცანას უკეთ გაუმკლავდნენ.
მესამე ექსპერიმენტი ჩატარდა სამუშაო გარემოში. მეცნიერები მივიდნენ იმ დასკვნამდე, რომ თანამშრომლები, რომელთაც ბოსი აქებდა, იშვიათად ტოვებდნენ სამსახურს.
ამდენად, სპეციალისტები ხელმძღვანელებს ურჩევენ აღნიშნონ ქვეშევრდომების არა ნაკლოვანებები, არამედ ღირსებები, რაც მათ პროდუქტიულობას გაზრდის.
ლალი ჩხიკვაძე