როგორ გავიკეთოთ ნემსი უსაფრთხოდ
წარმოსახვით გაავლეთ დუნდულზე ჯვარი, რომელიც მას ოთხ ნაწილად გაყოფს. ჩხვლეტა საჭიროა ზედა გარეთა კვადრატში. ნემსი სწრაფად უნდა უჩხვლიტოთ, ხოლო წამალი ნელ-ნელა შეუშვათ.
ნემსი უმჯობესია გააკეთოთ სარკის წინ მდგომმა. მსუბუქად მოხარეთ მუხლში შესაბამისი ფეხი - ასეთ მდგომარეობაში კუნთები თვითონ დუნდება და ნემსი პრაქტიკულად უმტკივნეულოდ კეთდება. წინასწარ კუნთი უნდა დაიზილოთ, საჩხვლეტი ადგილი სპირტში დასველებული ბამბით გაიწმინდოთ და სწრაფად ჩაარჭოთ ნემსის მესამედი. ახლა თანაბრად შეიყვანეთ პრეპარატი, ნემსი ასევე თანაბარი მოძრაობით ამოიღეთ და ნაჩხვლეტზე იგივე სპირტიანი ბამბა მიაჭირეთ. მორჩა, ციხესიმაგრე აღებულია!