რუბრიკები
ოჯახის მკურნალი
კითხვა-პასუხი
საახალწლო ალერგია და მოულოდნელი უსიამოვნებები
საახალწლო ალერგია და მოულოდნელი უსიამოვნებები
ვის არ სურს, ისეთ ღირსშესანიშნავ დღეს, როგორიც ახალი წელია, შინ ულამაზესი ნაძვის ხე ედგას? მაგრამ, როგორც აღმოჩნდა, მანაც კი შეიძლება ალერგია გამოიწვიოს და დღესასწაული უსიამოვნო სიურპრიზად გვიქციოს. საქმე ის არის, რომ მედიკოსებმა ერთი საინტერესო რამ აღმოაჩინეს: იმ ორი კვირის განმავლობაში, რაც ნაძვი სახლში გვიდგას, ალერგიის განვითარების ალბათობა ხუთჯერ იმატებს. ის ფაქტიც კი, რომ გაციების შემთხვევების პიკი ახალი წლის დღეებზე მოდის, ექიმების აზრით, მცდარია. უბრალოდ, გაციების სიმპტომები ძალიან ჰგავს ალერგიის კლინიკურ ნიშნებს. ამასთან, უფრო დიდ საშიშროებას წარმოადგენს არა თავად ნაძვის ხე, არამედ ის სითხეები, რომლებითაც მას ამუშავებენ, ასევე - მტვერი და სოკო, რომელიც ხის წიწვებზე იბუდებს.

ნაძვის ყიდვისას არ უნდა დავივიწყოთ, რომ ყველა ხე მავნებლების საწინააღმდეგო ქიმიკატებით და ხარისხის დიდხანს შესანარჩუნებლად საჭირო სხვა ქიმიური საშუალებებით მუშავდება. ზოგიერთი ეგზემპლარი - მათი რაოდენობა არცთუ მცირეა - ხანძარსაწინააღმდეგო ნივთიერებებითაც არის დამუშავებული. ეკოლოგების რჩევით, საახალწლო ნაძვის ხის შეძენისას უნდა გავეცნოთ მათზე გაცემულ სერტიფიკატს და სასურველია, ეს ბიოსერტიფიკატი იყოს.

ცხადია, ალერგიას მხოლოდ ნაძვის ხეს ვერ დავაბრალებთ - ის შესაძლოა საახალწლო სუფრამ, ალკოჰოლურმა თუ გამაგრილებელმა გაზიანმა ფერადმა სასმელებმაც გამოიწვიოს.

არცთუ იშვიათად ალერგიას იწვევს ხელოვნური ნაძვი, რომელიც წარმოების ნარჩენებისგან მზადდება. მის შემადგენლობაში მავნე ნივთიერებების მთელ ნაკრებს აღმოაჩენთ. მათ შესაძლოა ორგანიზმის მოწამვლა გამოიწვიონ, მეტადრე მაშინ, როცა ასეთ ხეზე გირლანდაა ჩამოკიდებული - ის ახურებს ხელოვნურ მცენარეს და აძლიერებს მავნე ნაერთების გამოყოფას.

ნაძვის ხის სათამაშოებიც შეიძლება ალერგიის მიზეზად იქცეს, თუმცა ეს ყველა მათგანს არ ეხება - ვგულისხმობთ უმთავრესად იაფფასიან ნაწარმს. მედიკოსებს მიზანში აქვთ ამოღებული საახალწლო სანთლებიც, რომლებიც წვისას მურს, ტყვიას, ვერცხლისწყალს და სხვა მავნე და ტოქსიკურ ნივთიერებებს გამოყოფენ - მათმა ჩასუნთქვამ შესაძლოა გულ-სისხლძარღვთა და ნერვული პრობლემები გამოიწვიოს. სანთლები განსაკუთრებით საშიშია ბავშვებისა და ხანდაზმულთათვის.

ამრიგად, საახალწლო ალერგიის თავიდან ასაცილებლად ყურადღებით უნდა იყოთ, დაიცვათ სიფრთხილის ნორმები და თან იქონიოთ პრეპარატები, რომლებიც ალერგიის შემთხვევაში დაგეხმარებათ.

ახალი წლის დღეებში არც უბედური შემთხვევებისგან ვართ დაზღვეულნი. როგორ დავეხმაროთ დაშავებულს? შედარებით ადვილია დახმარება, თუ შუბლში შამპანურის საცობი მოგხვდათ. ამ დროს ნატკენ ადგილზე ყინული, თოვლი ან უბრალოდ ცივ წყალში დასველებული ნაჭერი უნდა მიიდოთ. ურიგო არ იქნება, დაშავებული მცირე ხნით წამოვაწვინოთ, ოღონდ ამ დროს თავი ტანზე მაღლა უნდა ჰქონდეს.

თუ ხელში პატარა პეტარდა აგიფეთქდათ და უმნიშვნელოდ დაშავდით, დაშავებული ადგილი ანადუღარ წყალში გახსნილი სოდით ჩამოიბანეთ (2 ს/კ სოდა 1 ლიტრ წყალზე). მერე ჭრილობის კიდეებზე იოდი წაისვით და სტერილური ბინტით შეიხვიეთ. თუ მცირე დამწვრობა მიიღეთ, მაგრამ კანის მთლიანობა დარღვეული არ არის, ხელი 10-15 წუთით შეუშვირეთ გამდინარე ცივ წყალს, მერე კი ნატკენი ადგილი დამწვრობის საწინააღმდეგო ქაფით ან მალამოთი დაიმუშავეთ და შეიხვიეთ. თუ დამწვრობამ დიდი ფართობი მოიცვა ან კანზე ბუშტუკები გაჩნდა, დაუყოვნებლივ მიმართეთ ექიმს.

თუ ბავშვმა ტორტის პლასტმასის მოსართავი გადაყლაპა: პატარა მოსართავი ადვილად გაივლის კუჭ-ნაწლავის ტრაქტს და 24 საათში გარეთ გამოდის; თუ
You must have Flash Player installed in order to see this player.
დიდია, შესაძლოა შეკრულობა გამოიწვიოს, ხოლო თუ წაწვეტებულია და ბავშვი ტკივილს გრძნობს, აუცილებლად მიმართეთ ექიმს.

თუ უცხო სხეული სუნთქვას უშლის ხელს, ბავშვი ისე წახარეთ წინ, რომ თავი მხრების დონეზე დაბლა ჰქონდეს და ხელისგული რამდენჯერმე დაჰკარით ზურგზე, ბეჭებს შორის. ამგვარად რეფლექსურ ხველას გამოიწვევთ. თუ გადაცდენილი საგანი გადმოვარდა, ბავშვს წყალი დაალევინეთ. თუ ამ გზით უცხო სხეული ვერ ამოაგდებინეთ, ზურგიდან მოეხვიეთ ბავშვს, ცალი ხელით მუშტი შეკარით და კუჭთან მიადეთ, მეორე ხელი პირველს დაადეთ ზემოდან და მკვეთრად მიაწექით კუჭისთავის მიდამოს. გააკეთეთ 6-10 ბიძგი ზემოთ და თქვენკენ.

თუ ვინმე ელექტროგირლანდას შეეხო და დენმა დაარტყა, დაშავებული, უპირველეს ყოვლისა, მოაშორეთ დენის წყაროს - რეზინის ან მშრალი შალის ხელთათმანებით სადენი ჯოხით გასწიეთ. თუ ადამიანს გონება არ დაუკარგავს, დააწვინეთ და დაალევინეთ ტკბილი მაგარი ჩაი. თუ უგონოდაა, სასწრაფოში დარეკეთ, მის მოსვლამდე კი ჩაუტარეთ ხელოვნური სუნთქვა და გულის არაპირდაპირი მასაჟი. დენის შესვლის ადგილი მშრალი სტერილური საფენით დაფარეთ, ხოლო დამწვრობა სპეციალური ქაფით ან კრემით დაამუშავეთ.

დაბოლოს, გახსოვდეთ: ელემენტარული წესების ცოდნა და დაცვა, ასევე მცირეოდენი ყურადღება და სიფრთხილე დიდ პრობლემებს აგაცილებთ თავიდან და საშუალებას მოგცემთ, დღესასწაული სასიამოვნო გარემოში გაატაროთ.
კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
კომპანია Medisys თანამშრომლების მიერ ჩატარებულმა კვლევამ აჩვენა, რომ რეგულარულმა უძილობამ (6 საათზე ნაკლები ძილი) შეიძლება ისეთივე შედეგები გამოიწვიოს, როგორიც ალკოჰოლის ჭარბმა მოხმარებამ. ძილის ნაკლებობა ზრდის სიმსუქნის, დეპრესიის, ინფარქტისა და ინსულტის რისკს.
ვაშინგტონის უნივერსიტეტის მეცნიერებმა დღის განმავლობაში ბავშვებთან მშობლების საუბარი ჩაიწერეს და კომპიუტერული პროგრამით შეადარეს, როგორ საუბრობდნენ დედა და მამა ბავშვებთან და მოზრდილებთან. სპეციალისტებმა აღმოაჩინეს, რომ დედები ბავშვებთან ბავშვის ხმით საუბრობდნენ.
თურმე ქალების ერთ მესამედს საშინლად არ მოსწონს საკუთარი თავი. სხეულის ყველაზე "მოძულებული ნაწილია" მუცელი - მისით უკმაყოფილოა ქალთა 71 %, 61 % მიიჩნევს, რომ მოკლე ან მსხვილი ბარძაყები აქვს, 66 %-ს თავი მეტისმეტად მსუქანი ჰგონია, მოდუნებული კუნთები კი 57 %-ს ურღვევს სიმშვიდეს.
ამ კატეგორიის სხვა სტატიები
დაავადებათა კონტროლის ეროვნული ცენტრის დირექტორის მოადგილე, პაატა იმნაძე მოსახლეობას კოღოებისგან დასაცავად რეკომენდაციებს სთავაზობს. როგორც პაატა იმნაძემ "ინტერპრესნიუსს" განუცხადა, კოღოებისგან დასაცავად შესაძლებელია რეპელენტების, დამაფრთხობლების გამოყენება.
ბევრი საზოგადოებრივი ტუალეტით სარგებლობას იქ არსებული ჭუჭყის გამო ერიდება. თუმცა, შესაძლებელია აქაც დავიცვათ თავი ბაქტერიებისგან. როგორც აღმოჩნდა, ყველაზე სუფთა შესასვლელ კართან არსებული კაბინაა. გარდა ამისა, უნიტაზის დასაჯდომიც ყველაზე ნაკლებად დაბინძურებული ადგილი აღმოჩნდა.
იტალიელი მკვლევარების რჩევით, თუ კოღომ გიკბინათ და ქავილს ვერ იოკებთ, უმჯობესია ნაკბენ უბანზე ბანანის ქერქი შიგნითა მხრიდან მიიდოთ და გაისრისოთ.
კვლევამ აჩვენა, რომ ქაღალდის ფული იდეალური გარემოა ბაქტერიების გასამრავლებლად, რომელთაგან მესამედი ინფექციის მაპროვოცირებელია. ბევრ ბანკნოტაზე აღმოჩნდა E. Coli შტამები, რომლებიც უმძიმეს კვებისმიერ მოწამვლას იწვევს.
წლის ცხელ პერიოდში ისევე შეიძლება გავცივდეთ, როგორც გაზაფხულსა და შემოდგომაზე. ხშირია გადაციების ან გადახურების შემთხვევები მკვეთრი ტემპერატურული სხვაობის (შენობაში კონდიციონერი, ქუჩაში კი გაუსაძლისი სიცხე) გამო, რაც ორგანიზმისთვის სტრესს წარმოადგენს და შეიძლება ქრონიკული დაავდებების გამოწვავებას ჰქონდეს ადგილი.
პლასტიკის ბოთლის მრავალჯერადი გამოყენებისას ადამიანი საშიში ბაქტერიებისა და ქიმიური ნაერთების ზემოქმედებას განიცდის. სპეციალისტებმა სპორტსმენების მიერ ერთი კვირის განმავლობაში გამოყენებული წყლის პლასტიკის ბოთლები შეისწავლეს.
10 აგვისტო 2017
ბევრი სტრესის მოხსნას ალკოჰოლით ცდილობს. ეს არა თუ უსარგებლო, არამედ სახიფათოცაა. სტრესის ფონზე სპირტიანი სასმელების მიღება ალკოჰოლური დამოკიდებულების ფორმირებას უწყობს ხელს, რასაც შეიძლება შფოთვაც ახლდეს თან.
27 ივლისი 2017
სტრესული გამოცდილება, როგორიცაა საყვარელი ადამიანის დაკარგვა, განქორწინება, სამსახურიდან დათხოვნა იწვევს ტვინის ბიოლოგიური ასაკის 4 წლით მატებას.
რაციონი არა მარტო ფიზიკური ფორმის შენარჩუნებისთვისაა მნიშვნელოვანი, არამედ ტვინის ეფქტური მუშაობისთვისაც! მსოფლიოში ცნობილი ფსიქიატრი დენიელ ამენი, ტვინის ფუნქციების შენარჩუნებისა და ასაკობრივი ცვლილებების თავიდან ასაცილებლად, გვირჩევს რაციონში შევიტანოთ შემდეგი სანელებლები:
მარტოობა და სოციალური იზოლაცია ადამიანისთვის სიმსუქნეზე უფრო საშიშია. ამერიკელი ფსიქოლოგების აზრით, მოსახლეობაზე ამ ფაქტორების ზემოქმედება ყოველწლიურად იზრდება და ნაციონალურ პრობლემად შეიძლება იქცეს.
როგორც კვლევამ აჩვენა, ქარიზმატული ლიდერები უფრო ცუდად ერკვევიან ხელმძღვანელობის დეტალებში, რესურსების მართვასა და დისციპლინაში. ადამიანები საშუალო დონის ქარიზმის ლიდერებს უფრო ეფექტურ ხელმძღვანელებად მიიჩნევენ.