შავი წიწაკა, არა მარტო სუნელი
1. აწყნარებს ხველას.
თაფლიან ჩაის, შავ წიწაკასთან ერთად, ტრადიციულად იყენებენ დასავლეთისა და აღმოსავლეთის ხალხურ მედიცინაში. წიწაკა ასტიმულირებს ამოხველებას. ცხელ ჩაის დავუმატოთ ორი ჩაის კოვზი თაფლი და 1 ჩაის კოვზი შავი წიწაკა. გავაჩეროთ 10-15 წუთი, გადავწუროთ და მივიღოთ.
2. ამარტივებს სიგარეტისთვის თავის დანებებას.
2013 წელს ჩატარებულმა კვლევებმა აჩვენა, რომ შავი წიწაკის ზეთის შეყნოსვა ასუსტებს თამბაქოსადმი ლტოლვას.
3. ამსუბუქებს ცხვირის გაჭედილობას.
წიწაკას გააჩნია შეშუპების საწინააღმდეგო თვისება, რის შედეგადაც ის შესანიშნავად უმკლავდება ცხვირის გაჭედილობას.
მდუღარე წყალს დაუმატეთ 5 წვეთი ევკალიპტის ზეთი და ამდენივე წიწაკის ზეთი და გაიკეთეთ ინჰალაცია.
4. აწყნარებს კუნთების ტკივილს.
ვარჯიშის შემდეგ, კუნთების მოდუნებაში დაგვეხმარება შავი წიწაკის ზეთი. იგი ხსნის დაჭიმულობას, აძლიერებს სისხლის ცირკულაციას.
5. აუმჯობესებს საჭმლის მონელებას.
წიწაკა აუმჯობესებს კუჭში მარილმჟავას სეკრეციას, რაც იმას ნიშნავს, რომ აჩქარებს და აადვილებს საკვების მონელებას.
6. ასუფთავებს კანს.
შავ წიწკაკას გააჩნია ბაქტერიოციდული თვისება, ახურებს კანს, ხსნის ფორებს და ხელს უწყობს მათ ღრმა დასუფთავებას. საამისოდ, იყენებენ შავი წიწაკის ზეთს.
7. რეცხვისას ქსოვილებს უნარჩუნებს მკვეთრ ფერებს.
საკმარისია რეცხვისას სარეცხის ფხვნილს დავუმატოთ 1 ჩაის კოვზი შავი წიწაკა, რათა ქსოვილებს შეუნარჩუნდეს მკვეთრი ფერები.
ლალი ჩხიკვაძე