მომზადებული კერძები აუცილებლად შეინახეთ მაცივარში
საკვებში მიკროორგანიზმთა ზრდა-გამრავლებისათვის კრიტიკულია 5 გრადუსზე მეტი ტემპერატურა. ისიც გაითვალისწინეთ, რომ მხოლოდ საგემოვნო თვისებების შეცვლა არ მიანიშნებს საკვების ფუჭებადობაზე. ამას ხშირად, ვერც სუნით განსაზღვრავთ. ბევრი პათოგენური ორგანიზმი მშვიდად ვითარდება საკვებში ისე, რომ ამ უკანასკნელს სუნს არ უცვლის. ერთადერთი მეთოდი ფლორის ზრდის შეფერხებისთვის საკვების გაყინვაა.
ზოგს ჰგონია, ზეთის კერძზე დამატება მაცივარზე უარის თქმის ტოლფასია, რომ ზეთი ერთგვარ აპკს ქმნის და კერძი ადვილად აღარ ფუჭდება. შეგახსენებთ, რომ არსებობენ ანაერობული ბაქტერიები (მაგალითად, Clostridium botulinum) რომლებსაც ჟანგბადნაკლული და უჟანგბადო გარემო ძალიან უყვართ. ცნობისათვის, ბოტულიზმი დაკონსერვებული საკვების გარდა, ხშირად უკავშირდება ზეთში მომზადებულ ბოსტნეულის კერძებსაც.
ამიტომაც ნუ გარისკავთ, მომზადებულ კერძებს მთელი ღამით ნუ დატოვებთ მაცივრის გარეშე, მით უფრო ზაფხულში!
თინათინ გოცაძე