როგორ მოქმედებს ალკოჰოლი, ჩაი, ყავა, რძე მიღებულ წამლებზე
.
ალკოჰოლი. ეთილის სპირტი ცვლის უჯრედის მემბრანის შეღწევადობას. ამის ხარჯზე, ყველა წამლის ეფექტი, ისევე, როგორც გვერდითი მოვლენები, გარდა ანტიბიოტიკებისა, ძლიერდება. იმედი ნუ გვექნება, რომ ამით შესაძლებელი იქნება ძვირადღირებული წამლის დოზირების შემცირება. ღვიძლზე დატვირთვა ძლიერდება და ძალიან სწრაფად აღწევს საშიშ ზღვარს.
ლუდი, მათ შორის უალკოჰოლო, შეიცავს ღვიძლის ფერმენტების მოქმედების დამამუხრუჭებელ ნივთიერებებს. ამის გამო წამალი უფრო ნელა გადამუშავდება, რაც ასევე ზრდის დოზის გადაჭარბების რისკს.
არსოდეს შეურიოთ ალკოჰოლი და ტკივილგამაყუჩებელი საშუალებები. ამან შეიძლება სერიოზული პრობლემები გამოიწვიოს კუჭ-ნაწლავისა და ღვიძლის ფუნქციონირების მხრივ. კატეგორიულად აკრძალულია ანტიდეპრესანტების მიღება ალკოჰოლით. ამ შემთხვევაში უარყოფითი მოქმედება შეეხება არა მარტო ღვიძლს, არამედ ტვინსაც.
გრეიპფრუტის წვენი. ამ წვენის დაყოლება წამალზე კატეგორიულდ არ შეიძლება. ის მოქმედებს ფერმენტ CYP3A4-ზე. ეს ნივთიერება აქტიურია ღვიძლისა და ნაწლავების უჯრედებში. ნაწლავში ფერმენტი წამალს შეწოვაში ეხმარება. გრეიპფრუტის წვენი თრგუნავს CYP3A4 მუშაობას, რის გამოც, წამალი მუშაობს ნაკლებ ეფექტურად.
გრეიპფრუტის წვენი არღვევს ღვიძლში წამლის მოქმედი ნივთიერების გადამუშავების პროცესს.
ფერმენტების მუშაობას არღვევს ასევე, ფორთოხალი და ბროწეული.
თავისთავად გრეიპფრუტის წვენი ძალიან სასარგებლოა, მისი რეგულარული მიღებით ქვეითდება ათეროსკლეროზული ფოლაქების ჩამოყალიბება. მაგრამ გრეიპფრუტის წვენის დალევა არ შეიძლება სტატინებთან, ანტიდეპრესანტებთან, კრუნჩხვის საწინააღმდეგო, ანტიჰისტამინურ, ჰორმონალურ პრეპარატებთან ერთად.
რძე- სასარგებლო პროდუქტია. მასში კალციუმის, მაგნიუმის და რკინის იონების დიდი შემცველობაა. სწორედ ეს იონები შეიძლება შეკავშირდნენ ანტიბიოტიკების მოლეკულებთან და დაქვეითდეს მათი წვდომა ორგანიზმისადმი. ამიტომ ანტიბიოტიკების დალევა რძით არ შეიძლება.
რძის შემცველობაში არსებული ფერმენტი ქსანტინოქსიდაზა თრგუნავს ზოგიერთი სიმსივნის საწინააღმდეგო პრეპარატის მოქმედებას. სამაგიეროდ, ტკივილგამაყუჩებლისა და სიცხის დამწევი საშუალებების მიღება რძით სასარგებლოც არის. რძე ამცირებს მათ უარყოფით მოქმედებას კუჭის ლორწოვან გარსზე. ცხიმში ხსნადი ვიტამინები (A, D, E, K) ასევე რძის გარემოში კარგად გრძნობენ თავს.
ჩაი- შეიცავს ტანინს. ის ქმნის მჭიდრო კავშირს ბევრ იონთან, ამიტომ ირღვევა რიგი მიკროელემენტების შეწოვა. კერძოდ, ჩაი არ უნდა დავაყოლოთ რკინის პრეპარატებს. ჩაი მსუბუქად ასუსტებს ფერმენტ CYP3A4 მუშაობას, მაგრამ უფრო ნაკლებად, ვიდრე გრეიფრუტის წვენი.
ყავას- იგივე ეფექტი ახასიათებს, რაც ჩაის, გარდა ამისა ის შეიცავს კოფეინს. ამ სასმელით ცხადია არ შეიძლება საძილე საშუალებების მიღება, ხოლო ტკივილგამაყუჩებლები უფრო დიდხანს მუშაობს, თუ მას ყავით დავლევთ.
არითმიის საწინაარმდეგო, გულ-სისხლძარღვთა სისტემის მუშაობის დასარეგულირებელი და ჰიპოტენზიური საშუალებები არ შეიძლება ყავასთან ერთად მივიღოთ. რადგანაც კოფეინი მაღლა წევს წნევას და აძლიერებს გულისცემას.
ორალური ჰორმონალური კონტრაცეპტივები და კოფეინი ღვიძლში ერთიდაიგივე ფერმენტებით გადამუშავდება. ქალის ორგანიზმი, რომელიც ხანგრძლივად იღებს ჩასახვის საწინაარმდეგო საშუალებებს, ნელა გადაამუშავებს კოფეინს, რის ხარჯზეც ყავის ყოველი ფინჯანის მოქმედება ხანგრძლივდება.
ავტორი ლალი ჩხიკვაძე
იხილეთ აგრეთვე მედიკამენტებთან ერთად გრეიპფრუტის მირთმევა სახიფათოა