მეცნიერებმა უნიკალური ანტიბიოტიკი შექმნეს
მეცნიერთა განცხადებით, ეს პრობლემა უახლოეს მომავალში გადაიჭრება, რადგან ამერიკის, გერმანიისა და დიდი ბრიტანეთის მკვლევარებმა შექმნეს უნიკალური ანტიბიოტიკი, რომლის მიმართაც ბაქტერიათა მსგავსად ვირუსებიც უძლურნი იქნებიან.
პრეპარატს ჰქვია თეიქსობაქტინი. ის ინფექციურ დაავადებებთან ბრძოლის მძლავრი იარაღია. ტესტირება ჯერჯერობით ლაბორატორიულ ვირთაგვებზე მიმდინარეობს, თუმცა, როგორც კი ახალი პრეპარატი თავის ეფექტურობას დაადასტურებს, მისი გამოცდა მოხალისეებზეც დაიწყება.
ეს აღმოჩენა ჩრდილო-აღმოსავლეთის უნივერსიტეტის ბაზაზე მოხდა და როგორც ამბობენ, მეცნიერთა სამყაროში ფურორი გამოიწვია. ამ დრომდე ხომ ანტიბიოტიკებთან დაკავშირებით მეტად არასახარბიელო სიტუაცია იყო -მეცნიერები პრაქტიკულად ვერ ასწრებდნენ ახალი პრეპარატის შექმნას, რადგან ყოველი ახალი მედიკამენტის მიმართ ბაქტერიები უმალ ავლენდნენ მდგრადობას (რეზისტენტობას). ეს ფაქტი მეცნიერებს წყალში უყრიდა მთელ შრომასა და გარჯას, რომ აღარაფერი ვთქვათ იმ ფინანსებზე, რომლებიც კვლევებს ხმარდებოდა.
თინათინ გოცაძე