რუბრიკები
ოჯახის მკურნალი
კითხვა-პასუხი
შეიძლება თუ არა პურის შენახვა მაცივარში
შეიძლება თუ არა პურის შენახვა მაცივარში
არსებობს მოსაზრება, რომ ზაფხულის ცხელ დღეებში მაცივარი პურის შესანახად იდეალური ადგილია. ჩვენ შევეცდებით, თქვენთან ერთად გავარკვიოთ, ნამდვილად ასეა თუ არა.

თავიდან უნდა აღვნიშნოთ, რომ პური ყველაზე უკეთ ინარჩუნებს სასარგებლო თვისებებს, როცა ოთახში ტემპერატურა 15-25°С-ია და ჰაერის ტენიანობა - არა უმეტეს 75%. თუმცა, როგორც ამ საკითხში კომპეტენტური ადამიანები ამბობენ, სიცხეში ნამდვილად შეიძლება მაცივარში პურის შენახვა, ოღონდ აუცილებლად გარკვეული წესების გათვალისწინებით.

უპირველესად, სწორად უნდა შეარჩიოთ შესაფუთი მასალა:

პოლიეთილენის პაკეტი პურის მხოლოდ ერთჯერადი შენახვისთვის გამოდგება. ამასთანავე, აუცილებელია ასეთი
მასალისგან დამზადებულ პარკს ნახვრეტები გაუკეთოთ (მაგ., ნემსით), რათა პოლიეთილენის პარკში არ დაგროვდეს კონდენსატი. თუმცა, თუ პურის საყინულეში მოთავსებას აპირებთ, შეფუთვა სრულად ჰერმეტული უნდა იყოს. გარდა ამისა, პურის შესანახად აუცილებლად პოლიეთილენის ახალი პაკეტი გამოიყენეთ.

ქაღალდის პაკეტი პურის შესაფუთად იდეალური მასალაა, რადგან არ „იკიდებს“ მაცივარში მოთავსებული პროდუქტების სუნს, კარგად ინარჩუნებს პროდუქტის ბუნებრივ ტენიანობას და ამის წყალობით პური დიდხანს არ ხმება.

ქსოვილის ტომარაც საუკეთესო საშუალებაა მაცივარში პურის შესანახად. დღეს უკვე ბევრგან იყიდება პურის შესანახი სპეციალური ტომრები, რომლებიც სამფენოვანი ქსოვილისგანაა შეკერილი. ასეთი სტრუქტურის წყალობით პროდუქტი დაცულია გახმობისგან, ობის სოკოს გაჩენისა და „უცხო სუნისგან“.

ფოლგა საუკეთესო ვარიანტია იმ შემთხვევაში, თუ პურს საყინულეში ინახავთ.

შენახვის წესები და ვადა:

მაცივარში პური ქვედა თაროზე ან საყინულეში უნდა შეინახოთ. ყველაზე შეუფერებელი ადგილია ზედა და გვერდითა თაროები.

მაცივრის ქვედა თაროზე პური (შესაფუთი მასალის მიხედვით) 4-14 დღე ინახება. საყინულეში კი - მთელი თვით, თუმცა თხელ ნაჭრებად დაჭრილი და პოლიეთილენის პაკეტში ან ფოლგაში შეფუთული.

მაცივარში ნუ შეინახავთ ახალ პურს, სანამ ის ჯერ კიდევ თბილია. დაელოდეთ გაცივებას.

გაითვალისწინეთ, რომ ჭვავის პური ხორბლის პურისგან განცალკევებით უნდა შეინახოთ, რადგან ჭვავის პურის ტენიანობა უფრო მაღალია და, შესაბამისად, უფრო სწრაფად ობდება.

პრაქტიკამ დაადასტურა, რომ სიცივეში ყველაზე კარგად ხორბლის პროდუქცია ინახება, ჭვავისა
You must have Flash Player installed in order to see this player.
კი - ნაკლებად.

მაცივრიდან გამოღების შემდეგ პური რბილი რჩება ერთი დღის განმავლობაში, საყინულიდან გამოღებული კი - რამდენიმე საათი.

თუ მაცივარში მოთავსებულ პურის პარკში დოლბანდში გამოკრულ მწიკვ მარილს ჩადებთ, უფრო მეტი გარანტია გექნებათ, რომ პური არ დატენიანდება.

დაბოლოს, დაიმახსოვრეთ: დაძველებულ პურს შეიძლება ობი მოეკიდოს, მაგრამ რბილობი წებოვანი არ უნდა გახდეს. პურის წებოვნება მის დასნებოვნებაზე მიუთითებს!
კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ცურვა განსაკუთრებით სასარგებლო და მნიშვნელოვანია მათთვის, ვისთვისაც სპორტის ძალისმიერი სახეობები უკუნაჩვენებია.
ექიმების რჩევით, კონდენციონერების გამოყენება მინიმუმამდე უნდა შევზღუდოთ. საქმე ეხება საშიშ ბაქტერიას - ლეგიონელას.
კომპანიის წამყვანი თანამშრომელი სამსახურში არ გამოცხადდა, თანაც არავისთვის დაურეკავს, რომ გაეფრთხილებინა კომპანიის ხელმძღვანელი.
ამ კატეგორიის სხვა სტატიები
თუ ლოგინის თეთრეულს კვირაში ერთხელ არ გამოვცვლით, საწოლში გამრავლებული მიკროორგანიზმები ჩვენს ჯანმრთელობაზე ცუდად იმოქმედებს. საწოლში ცხოვრების მესამედს ვატარებთ. ლოგინი შეიძლება ძალიან სწრაფად გარდაიქმნას ბაქტერიებითა და სოკოებით მდიდარ „ბოტანიკურ ბაღად“.
მარცვლეული და ბურღულეული პროდუქტები ფიტინის მჟავას შეიცავს. კვლევებით კი დამტკიცებულია, რომ ფიტინის მჟავა ბლოკავს ორგანიზმის მიერ მაგნიუმის, კალციუმის, რკინისა და ცინკის ათვისებას და ანემიისა და ალერგიულობის გამომწვევ მიზეზად გვევლინება.
ამ იაფი და ხელმისაწვდომი საგნით შეგიძლიათ, ბევრი საქმე გაიმარტივოთ:

ცხიმიანი ლაქა უკვალოდ გაქრება, თუ ცარცს წაუსვამთ და 10 წუთით ასე დატოვებთ. ამის შემდეგ ნივთი ჩვეულებრივი წესით უნდა გარეცხოთ.
თუ თქვენ იშვიათად ან კიდევ არასწორად ალაგებთ სახლს, შესაძლოა, მტვერში კანცეროგენებსა და სხვა მავნე შენაერთებს შეეჯახოთ. მათ შორისაა ფტალატები - შენაერთები, რომლებიც გვხვდება თმისათვის განკუთვნილ ლაქში, საპონსა და კოსმეტიკაში.
თუ კვერცხს წინასწარ სოდიანი წყლით ან ძმრით გარეცხავთ, უფრო თანაბრად შეიღებება. ხარშვისას კი კვერცხი რომ არ გასკდეს, შეღებვამდე 1 საათს სითბოში ან ოთახის ტემპერატურაზე გააჩერეთ, ხოლო ხარშვისას წყალში ჩაამატეთ 1 სუფრის კოვზი მარილი - ნაჭუჭი რომც გასკდეს, გული არ გადმოიღვრება.
შეიძლება დიასახლისს სულაც არ იტაცებს საჭმლის მომზადება და გაზქურასთან ტრიალი, მაგრამ ყველა ქალს მეტ-ნაკლებად უწევს სამზარეულოში საქმიანობა, ამიტომ მათ არც სასარგებლო სიახლისა და რჩევის გათვალისწინება აწყენდათ.

20 ივლისი 2017
დილით უზმოზე, ჭამამდე 30-40 წუთით ადრე, სასარგებლოა 1 ჭიქა წყლის მიღება. ეს პროცედურა მოამზადებს კუჭ-ნაწლავს შემდგომი დატვირთვისთვის, დააქვეითებს მადას, ორგანიზმიდან გამოდევნის ტოქსინებს და შლაკებს. დღის განმავლობაში სასურველია დალიოთ არანაკლებ 2 ლიტრი წყალი.
29 ივნისი 2017
კანადელი მეცნიერების განმარტებით, სხვადასხვა მუსიკალურ ინსტრუმენტზე დაკვრა ასაკოვან ადამიანებთან ნეიროდეგენერაციული პროცესების განვითარებას აფერხებს.
ადამიანთა უმრავლესობას, გამოსასვლელ დღეებში სადილობამდე უყვარს ლოგინში კოტრიალი, რის შემდეგაც თავს დამძიმებულად და მოდუნებულად გრძნობს.
ამერიკელი მკვლევარები ამტკიცებენ, რომ ლუდი და არაქისი ვარჯიშის შემდეგ ადამიანს აღდგენაში ეხმარება. ინტენსიურმა ფიზიკურმა დატვირთვამ შეიძლება გამოიწვიოს ჯანმრთელობისთვის საშიში გაუწყლოება. ლუდისა და არაქისის მიღება ხელს უწყობს სითხის მარაგის შევსებას.
ამერიკელი ფსიქოლოგების განცხადებით, ინტერნეტის გავრცელებამ განსაკუთრებულად გაზარდა აზარტული თამაშების მიმართ მიდრეკილი ადამიანებს რიცხვი. საგანგაშოა ის, რომ ამ ადამიანებს უფრო მეტად აქვთ გამოხატული ემოციური დარღვევები