დედამიწის მოსახლეობის 92% დაბინძურებულ ჰაერს სუნთქავს
ანგარიშის თანახმად, ამ კუთხით ყველაზე უარესი მდგომარეობა შექმნილია სამხრეთ-აღმოსავლეთ აზიაში, ჩინეთში, მალაიზიასა და ვიეტნამში.
ჯანდაცვის მსოფლიო ორგანიზაციის მონაცემებით, დედამიწაზე ადამიანის გარდაცვალების ყოველი მეცხრე ფაქტი სწორედ ჰაერის დაბინძურებას უკავშირდება. განსაკუთრებით მწვავედ აღნიშნული პრობლემა დგას ღარიბ ქვეყნებში. ექსპერტების შეფასებით, 2012 წელს, ჰაერის დაბინძურება 3 მილიონი ადამიანის გარდაცვალების მიზეზი გახდა.