რუბრიკები
ოჯახის მკურნალი
კითხვა-პასუხი
ძმარი - და მისი სასარგებლო თვისებები
ძმარი - და მისი სასარგებლო თვისებები

კარგა ხანია, მესმის ვაშლის ძმრის სამკურნალო თვისებების შესახებ. ეგებ გვითხრათ, ასეთივე სასარგებლოა თუ არა ღვინის ძმარიც? შესაძლებელია თუ არა მათი მომზადება სახლის პირობებში?


ძმარს ღვინისა და ვაშლისგან რომ ამზადებენ, ალბათ ყველამ იცის. არსებობს მრავალი სხვა სახეობის ძმარიც. ერთადერთი სახეობა, რომელსაც სამკურნალო თვისება არ გააჩნია, სინთეტიკური სუფრის ძმარია.

ძმრის ისტორია
ძმარი 10 ათასი წელია არსებობს და მის წარმოშობას ყურძენს უნდა ვუმადლოდეთ. დიდი ხნის წინ ადამიანებმა შეამჩნიეს, რომ თუ ჭურჭელს 2-3 კვირას თავახდილს დატოვებდნენ, ღვინო ამჟავდებოდა და ძმრად იქცეოდა. ვიღაცას აზრად მოუვიდა, კი არ გადაეღვარა ეს მომჟავო ღვინო, არამედ მისთვის სხვა დანიშნულება მოეძებნა. და გაირკვა კიდეც, რომ ეს ახალი პროდუქტი უნიკალური თვისებებით ყოფილა შემკული:

  • ხელს უშლის საკვების გაფუჭებას;
  • დეზინფექციას უკეთებს წყალს;
  • არბილებს ხორცის ბოჭკოებს და აშორებს მათ მრავალ სენს;
  • კლავს წყურვილს;
  • კარგ გემოს აძლევს კერძს.

სწორედ ამ აღმოჩენის შემდეგ დაიწყეს ღვინის სპეციალურად დაძმარება. ასე გაჩნდა თეთრი თუ წითელი ღვინის, ვაშლისა თუ ბრინჯის ძმარი.


ღვინის ძმრის შესახებ
ღვინის ძმარი შაქრით ვაშლის ძმარზე მდიდარია. ის არც ორგანული მჟავების ასორტიმენტით ჩამორჩება სხვას. კერძოდ, შეიცავს ღვინის, ჭიანჭველას, ასკორბინისა და სხვა მჟავებს. სხვათა შორის, ძმრის სამკურნალო თვისებებს სწორედ ორგანული მჟავები განაპირობებს. ღვინის ძმრით მკურნალობენ:

  • ორგანიზმის საერთო სისუსტეს;
  • ნერვული სისტემის გადაძაბვას;
  • სისხლნაკლებობას.

როგორც წესი, ორგანიზმში ასეთი ცვლილებები ნივთიერებათა ცვლის მოშლით და უმადობით მიმდინარეობს. სწორედ აქ გვშველის ძმარი - ის დადებითად მოქმედებს სისხლის მიმოქცევაზე, ხელს უწყობს დაბალი წნევის აწევას და მაღლის დაწევას. თუ ვაშლის ძმარი საჭმლის მომნელებელი სისტემის მუშაობას არეგულირებს, ღვინისა აუმჯობესებს სასუნთქი სისტემის ფუნქციობას. მას ამოსახველებელი მოქმედება აქვს, ამიტომ იყენებენ ბრონქიტის, პლევრიტის, ტუბერკულოზის საწყის სტადიაში. ღვინის ძმარი თაფლთან ერთად განსაკუთრებით უხდება კუჭ-ნაწლავს: შველის ფაღარათს, ნაღვლის ბუშტისა და თირკმელების კენჭოვან დაავადებას. ღვინის ძმრის მაღაზიაში შეძენაც შესაძლებელია და შინ მომზადებაც. ამისათვის იღებენ 1,5 კგ დაჭყლეტილ ყურძენს, ათავსებენ სამლიტრიან მინის ქილაში, აყრიან 200 გ შაქრის ფხვნილს, ასხამენ 1,5 ლიტრ წყალს, დოლბანდით უკრავენ პირს და დგამენ ნათელ ოთახში, რომ დუღილი დაიწყოს. ძმარი მზად იქნება 3 თვის შემდეგ. მას ნალექს ხდიან და ბოთლებში ასხამენ. ამ წესით დამზადებულ ძმარს აქვს კარგი გემო, არომატი და შეიცავს 5%-იან ძმრის მჟავას.


ძველრომაული რეცეპტი
რომის იმპერიაში ძმრის ბალზამის მომზადება იცოდნენ. ამ საიდუმლოს წყალობით რამდენიმე იტალიური კლანი გამდიდრდა კიდეც. ძმარს არაჩვეულებრივი თვისებები ჰქონდა: არჩენდა მრავალ სენს, ებრძოდა უძილობასა და დეპრესიას... დღეს ამ არომატულ ძმარს ოქროს ფასი ადევს - გურმანები ერთ ბოთლში 1000 დოლარს იხდიან! ეს არ ნიშნავს, რომ ჩვენ მისი გასინჯვა არ გვიწერია. ძმრის ბალზამის მომზადება შესაძლებელია, თუ ღვინის ან ვაშლის ძმარს ჩავამატებთ ტარხუნას, თავშავას, ბარამბოს, პიტნას, ქინძს და სხვა სუნელებს. ქვემოთ შემოგთავაზებთ რამდენიმე საინტერესო და სასარგებლო რეცეპტს: ძმარი ტარხუნით - ნახევარლიტრიანი ბოთლი აავსეთ ძმრით, ჩაადგეთ შიგ 2-3 ღერი ქორფა ტარხუნა. ტარხუნიანი ძმარი აუმჯობესებს ნივთიერებათა ცვლას, ამცირებს ინტოქსიკაციას, ებრძვის კუჭის დაავადებებს, არაჩვეულებრივ გემოს აძლევს სალათებს, განსაკუთრებით

You must have Flash Player installed in order to see this player.
- ჭარხლისა და კომბოსტოსგან მომზადებულს. ძმარი უსუპით - 1 ბოთლ ძმარს დაუმატეთ უსუპის 5 აყვავებული ღერო. ეს ძმარი საუკეთესო გემოს აძლევს ზღვის პროდუქტებს, თევზს, ხორცს; ჩაიში გარეული (ფინჯან ჩაიზე - 1 სუფრის კოვზი) უხდება გაციებას, ხველას და გრიპს. ძმარი ნივრითა და ლიმონით - 1 ბოთლ ძმარს დაუმატეთ ერთი კბილი დაჭყლეტილი ნიორი, ლიმონის პატარა ნაჭერი და 3-4 ღერი კამა. ამ ძმრის სამკურნალო თვისებები მრავალმხრივია: იმუნომოდულატორული, ანთების საწინააღმდეგო, გაციების საწინააღმდეგო, გრიპის საწინააღმდეგო, ათეროსკლეროზის საწინააღმდეგო. ყურძნის ფოთლების ძმარი თავშავათი - 500 გ გაურეცხავ ყურძნის ფოთოლს დაასხით 1 ლიტრი ანადუღარი თბილი წყალი და დაუმატეთ 200 გ შაქარი. გადააფარეთ დოლბანდი, დადგით სითბოში და ხშირად ურიეთ. 50-60 დღის შემდეგ, როცა დუღილის პროცესი დასრულდება, ძმარი გადაასხით მინის ბოთლში, ნახევარ ლიტრზე ჩააყოლეთ 50 გ თავშავა და თავი დაუცეთ.


მაღაზიაში ვერ შეიძენთ...
მეტად სასარგებლოა კენკრისგან დამზადებული ძმარი. ის ნაკლებად მჟავეა და ცივ წყალში გახსნისას არაჩვეულებრივ ვიტამინიზებულ ხილის სასმლად გარდაიქმნება. ასეთ ძმარს მაღაზიაში ვერ შეიძენთ, ამიტომ მისი მომზადება დამოუკიდებლად მოგიწევთ. მთავარია, სწორად აირჩიოთ კენკრა - მის ყოველ სახეობას ხომ განუმეორებელი თვისებები აქვს:

  • შავი მოცხარის ძმარი პოლივიტამინური პროდუქტია, ახასიათებს ღვინის ძმრის მსგავსი ზოგადგანმაჯანსაღებელი მოქმედება. ხელს უწყობს ორგანიზმიდან პურინული ნივთიერებების გამოყოფას, ამიტომ გამოიყენება რევმატიზმისა და პოდაგრის სამკურნალოდ.
  • მაყვლისა და ჟოლოს ძმარი უხდება გაციებას, მაღალ ტემპერატურასა და თავის ტკივილს.
  • ალუბლის ძმარი დადებითად მოქმედებს ცენტრალურ ნერვულ სისტემაზე, ხსნის ნერვულ აღგზნებას.
  • მარწყვის ძმარი სასარგებლოა გულისთვის, შლის თირკმლის კენჭებს და ხელს უშლის ახლების ჩამოყალიბებას.
  • წითელი მოცხარის ძმარი სიცხის დამწევი და მარილების გამომტანია.
  • ქაცვის ძმარი ჭრილობების შეხორცებას უწყობს ხელს.
  • მოცვის ჩაი აუმჯობესებს მხედველობას.
  • შტოშის ძმარს აქვს ბაქტერიოციდული მოქმედება, სასარგებლოა წინამდებარე ჯირკვლის ფუნქციობისთვის.
  • წითელი მოცვის ძმარს ანტისეპტიკური მოქმედება აქვს.
  • ძმრების მომზადება ნებისმიერ დიასახლისს ძალუძს.


ხილის ძმრის გამარტივებული რეცეპტი
თქვენ მიერ შერჩეული ხილის ახალგამოწურული წვენი ჩაასხით მინის ქილაში, ჩადეთ შიგ ჩვეულებრივ ძმარში დასველებული შავი პურის ნატეხი, ქილას დოლბანდით მოუკარით პირი და დადგით სითბოში 3-4 კვირით. ამის შემდეგ მზა ძმარი ჩაასხით ბოთლში და თავი დაუცეთ.


 

კომენტარი არ გაკეთებულა
კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
მარადიული ახალგაზრდობის საიდუმლო არა მარტო გენებშია. იმ ქალების მესამედი, რომლებიც ასაკთან შედარებით 10 წლით ახალგაზრდულად გამოიყურებიან, უბრალოდ ცხოვრების სწორ წესს მისდევს. კვლევამ აჩვენა, რომ იმ ქალების 2/3, რომლებიც ხანდაზმულ ასაკში კარგად გამოიყურებიან,
ძილი საიმედოდ დაგვიცავს გრიპისა და გაციებისგან. კარგი ძილი იმუნურ სისტემას აძლიერებს და ორგანიზმი ინფექციას ეფექტურად უმკლავდება.
*კოცნისას სახის 29 კუნთი აქტიურდება, რაც კანის დაბერების კონტროლირების საშუალებას იძლევა;

*კოცნისას პარტნიორებს შორის ხდება ნივთიერებათა ცვლა, რაც ორგანიზმის იმუნიტეტს ამაღლებს;
ამ კატეგორიის სხვა სტატიები
პლასტიკის ბოთლის მრავალჯერადი გამოყენებისას ადამიანი საშიში ბაქტერიებისა და ქიმიური ნაერთების ზემოქმედებას განიცდის. სპეციალისტებმა სპორტსმენების მიერ ერთი კვირის განმავლობაში გამოყენებული წყლის პლასტიკის ბოთლები შეისწავლეს.
დაავადებათა კონტროლისა და საზოგადოებრივი ჯანმრთელობის ეროვნული ცენტრი ზაფხულის დადგომასთან დაკავშირებით, მოსახლეობას რეკომენდაციებით მიმართავს.
ბრიტანელი ექიმები მოგვიწოდებენ უარი ვთქვათ საღამურებზე, პიჟამოებზე და შიშვლებმა დავიძინოთ. მათი აზრით, ეს დაგვეხმარება წონის დაკლებაში, რადგანაც სითბოში სხეული ძალიან ბევრ კორტიზოლს გამოიმუშავებს, ის კი მადას აძლიერებს.
7-7,5 საათზე მეტი ან ნაკლები ხანგრძლივობის ძილი, ფილტვის კიბოსა და ჭკუასუსტობის განვითარების რისკს მნიშვნელოვნად ზრდის. ამ დასკვნამდე მივიდნენ ფინეთის უნივერსიტეტის მკვლევრები. მათ 42-დან 60 წლამდე ასაკის 2682 მამაკაცის მონაცემები გააანალიზეს. კვლევა 20 წელი გრძელდებოდა.
ქაღალდის ფული საშიში ბაქტერიების წყაროა. როგორც კვლევებმა აჩვენა, ქაღალდის ფული იდეალური გარემოა ბაქტერიების გამრავლებისთვის, რომელთაგან მესამედს ინფექციის პროვოცირება შეუძლია. მკვლევარებმა ბევრ ბანკნოტზე მძიმე კვებითი ინტოქსიკაციის გამომწვევი E. Coli-ის შტამებიც კი აღმოაჩინეს.
ამერიკელი სტომატოლოგები ოჰაიოს შტატიდან პირსინგის მოყვარულებს აფრთხილებენ, რომ ტუჩების პირსინგი სახიფათოა ღძილებისთვის და შესაძლოა კბილების დაკარგვაც კი გამოიწვიოს. ღრძილების ანთებითი თუ ატროფიული პროცესები ორჯერ უფრო ხშირად უვითარდებათ მათ
22 ნოემბერი 2016
ცნობილია, რომ სტრესმა შეიძლება წონის მატება გამოიწვიოს. მიზეზი მხოლოდ ამ მდგომარეობისთვის დამახასიათებელ გაძლიერებულ მადაში არ არის. იცვლება თავად სხეულის მუშაობის მექანიზმი.
11 ნოემბერი 2016
საშინაო საქმეები სპორტდარბაზში ვარჯიშის შემცვლელია. სპეციალისტებმა დათვალეს რამდენი კალორიის დაწვაა შესაძლებელი ჩვეული საშინაო საქმიანობის დროს. ასე მაგალითად, საწოლის გასწორებისას ადამიანი წვავს 70 კალორიას, რაც ერთი ორცხობილას ეკვივალენტია.
ადამიანთა უმრავლესობას, გამოსასვლელ დღეებში სადილობამდე უყვარს ლოგინში კოტრიალი, რის შემდეგაც თავს დამძიმებულად და მოდუნებულად გრძნობს.
სტაფორდშირის უნივერსიტეტის მეცნიერების მიერ ჩატარებულ ექსპერიმენტში 3 წლამდე ასაკის 60 ბავშვი მონაწილეობდა.
1. შვრია - რეგულარული მიღებისას, ასუფთავებს ნაწლავებსა და ღვიძლს.