ვისთვის არ შეიძლება კბილის მათეთრებელი პასტების გამოყენება
მათეთრებელი პასტა, განსაკუთრებული კომპონენტების საშუალებით, კბილის მინანქარზე ახდენს ზემოქმედებას. ზოგიერთ მათგანში გამოიყენება აბრაზიული-კრემნიუმის ოქსიდი, დიკალციფოსფატი, ზოგში კი-ქიმიური ნივთიერებები, მაგალითად წყალბადის ზეჟანგი. შედეგი არის ერთი ან რამოდენიმე ტონით კბილის ფერის გაღიავება.
ამასთან, აქტიური ნივთიერებები ხსნიან პიგმენტურ ლაქებს და აშორებენ კბილებიდან მუქ ნადებს.
ცხადია კბილის მათეთრებელი პასტები უფრო იაფია, ვიდრე პროფესიული გათეთრების პროცედურები, მაგრამ პასტები მხოლოდ ფერად ნადებს აცილებს, თავად მინანქრის ფერს კი არ ცვლის. ამასთან, მათეთრებელი პასტის გამო მინანქარში შეიძლება წარმოიქმნას მიკროფორები, რაც კბილის დაშლას იწვევს. გარდა ამისა, იზრდება ცივი და ცხელი საკვების მიმართ კბილის მგრძნობელობა, შესაძლებელია ღრძილებისა და ენის ანთების განვითარება.
ზოგადად, ასეთმა პასტებმა შეიძლება გამოიწვიოს პირის ღრუს დამწვრობა, კბილის ტკივილი, ბჟენების ცვლილება.
მათეთრებელი პასტები არაა რეკომენდებული იმ პირთათვის, ვისაც კბილის თხელი მინანქარი აქვს, ორსულებისთვის, მეძუძური დედებისთვის, ალერგიული პირებისთვის, ბავშვებისთვის და პაროდონტიტის დროს.
ნებისმიერ შემთხვევაში, ასეთი პასტით კბილების გამოხეხვა კვირაში მხოლოდ 1-2-ჯერაა რეკომენდებული.
ლალი ჩხიკვაძე