საღეჭი რეზინის ათწუთიანი ღეჭვა და მინუს 100 მილიონი ბაქტერია
ის, პირის ღრუს ჰიგიენის შენარჩუნების თვალსაზრისით, კბილის ჯაგრისსა და ძაფზე ურიგო როდია, მიუხედავად იმისა, რომ ეს საშუალებები პირის ღრუს სხვადასხვა ზონაზე მოქმედებს.
ეს მოსაზრება დამტკიცდა რიგი ექსპერიმენტების მსვლელობისას, რომლის შედეგები გამოქვეყნდა ჟურნალში PLoS One. კვლევაში მონაწილეობდა ხუთი სტუდენტი, რომელთაც შესთავაზეს 30 წამიდან 10 წუთამდე პიტნის საღეჭი რეზინის დაღეჭვა. ამ დროის გასვლის შემდეგ მეცნიერებმა გამოიკვლიეს რეზინის ფირფიტები ელექტრონული მიკროსკოპის საშუალებით. თითოეულ მათგანზე აღმოჩნდა არანაკლებ 100 მილიონი ბაქტერიისა.
თუმცა მეცნიერები გვაფრთხილებენ, რომ საღეჭი რეზინა ბაქტერიებს მაქსიმალურად იკრავს პირველი 30 წამის განმავლობაში. შემდეგ წუთებში პირის ღრუდან საღეჭ რეზინზე გადასულ ბაქტერიათა რიცხვი კლებულობს, ხოლო თუ საღეჭი რეზინის ღეჭვას დიდხანს გავაგრძელებთ, ბაქტერიების ნაწილი ისევ პირის ღრუში ბრუნდება.