შექმნილია საბჟენი მასალა, რომელსაც ვარგისიანობის ვადა მთელი ცხოვრება აქვს
დროთა განმავლობაში ისიც ექვემდებარება დაშლას, რაც ადამიანს იძულებულს ხდის ერთსა და იმავე კბილს რამდენჯერმე უმკურნალოს.
ბრიტანელმა მეცნიერებმა შექმნეს საბჟენი მასალა, რომელსაც ვარგისიანობის ვადა მთელი ცხოვრება აქვს. მასალას უკვე უწოდეს სენსაციური და რევოლუციური. ის არა მარტო კარიესის გავრცელებას ბლოკავს, არამედ აღადგენს ბაქტერიებისგან დაზიანებულ კბილებს. ასევე, არ აძლევს ბაქტერიებს კბილის მცირე ღრუებში (რომელიც წარმოიქმნება ბჟენსა და კბილის კედლებს შორის) შეღწევის საშუალებას.
მასალა გამოყოფს მინერალურ ნივთიერებებს - ფტორის, კალციუმისა და ფოსფორის მჟავას მარილების სახით. ამ ნივთიერებებს კბილები იყენებს ახალი მინერალური ნივთიერებების წარმოსაქმნელად და დამოუკიდებელი რეგენერაციისთვის. ამგვარი მასალის ბჟენის ამოვარდნის რისკი პრაქტიკულად არ არის. ეს მასალა კარიესის ზომებსა და რემინერალიზაციის გამო გაჩენილ მეორეული ხვრელების რაოდენობას ამცირებს. აღნიშნული საბჟენი მასალა მზადდება ბიოაქტიური მინის კომპოზიტებისაგან.
ლალი ჩხიკვაძე